今日番去上電腦，唔記得番果次去金鐘，記得呢次番北角。仲遠．．．

搭正六點準時閃，今日好彩地唔駛遊Lift河，小巴係６：０７開出，我都唔知係邊度落車好的情況下，落左一次蠢車，仲行左成條蠢路，呢條蠢人真係一日至少蠢兩次，一次都没有少。如是者．．．蠢蠢下．．．又蠢蠢下，結果遲左半個鐘。

上左三次堂，係同一地點出發，去唔同的地方，但每次都遲半個鐘。呢個事實係咪話比我聽，無論如何我都係遲半個鐘呢？遲到呢個過程令個人好緊張，趕呀趕呀趕呀，心理壓力好大(一睇佢講野要重覆三次就知啦..:p)，眼見人地揸住架電單車風弛電際，就不其然諗，如果自己揸去的話．．．咁．．．咪．．．唔．．．呀．．．　．．．應該係會迷路、甚至突然變身空中飛人架，都係唔好諗勒，算把啦．．。

自行放學後，突然發現對面果間野，咪就係蘇ｃ黃介紹話好好食既雞蛋仔檔囉，夜媽媽都仲有人排隊喎，係咪真係咁好味呢，我好自然咁本住食多Ｄ既精神，大無畏地親身買左黎食，哈哈哈．．．．真係外脆內軟架播，出面又真係搵唔到咁架播，就算食到最尾凍左，佢都係十八歲（卜卜脆）架播，不過咁，我個人較鍾意裡面軟林林的部份，呢部份有部份略嫌小左Ｄ，否則就PERFECT啦，食完個口好似損左添．．．都係太脆惹的禍。

呢兩日好似生左大食積咁，禽晚睇戲前食左個晚餐，睇戲後又要食多個餐．．．　．．．

今日咁番工開始個口就有不停咬，咬到好似食飯前一個鐘度啦，之後午餐食晒成碟飯，番去又繼續食餅．．．　．．．，我懷疑我睇完個痴線戲痴左線，除左食，我仲想不停講野．．．可能我太眼瞓，下意識唔可以有一刻停止，精神呈緊張狀而變得好精神，但又因為緊張而令人很累．．．　．．．我好想睡一睡，但我的宵夜還未番．．．　．．．。

我覺得我遲早比自己激死。如果我係孿生兒的話，好可能我會打死另一個我。

仲咩咁講？之唔係又黎一次經典囉。

事例一: 我竟然唔知已經開左學喎！個心成日形住應該係報左名至開學既，咁報名既截止日期係２４號，唔知點解我睇到２３要番，但睇唔到２０號同２１號要番，封信我攞黎睇過十幾廿次度啦，我到底攞住黎睇咩既呢．．．。

結果報完名至發現，咦！喂，我Miss左上堂，再望多兩眼，又發現，原來星期六、日又要上堂，好在呢個無Miss度，佢寫到明唔到只可以有兩個理由，一係公事（咁就要補公司信），一係病左（咁要醫生証明），Miss左我都唔知點解釋好，唔通話我個病係眼大睇過籠咩．．，噢，原本仲打算做其他野，突然打亂晒我ｄ計劃添，好似好忙咁。

事例二: 今日學校打黎話，你份form填左前果頁，無填後果頁，我心諗：好似係喎！（仲已經唔係第一次．．-__-")

事例三: 而家番學好趕，但又成日迷路，我會好自然咁行左去我唔應該行既地方，呢ｄ好可能叫做：天堂有路你不走，我偏偏就走左去．．．　．．．都唔知個心去左邊樹。

我真係就黎頂唔對住呢個自己，真係想可以早ｄ屎左佢．．．　．．．。

岩岩玩完個數字遊戲，粗略估計，黎緊要找ｎ萬大元數，呢個三月都仲未過完添呢老細．．．　．．．唉！

小草問我駛唔駛幫我買野，我真係有好多野想買架播，大龍貓，中龍貓同小龍貓等等啦．．．　．．．！

同埋又就黎生日添，人生大樹黎架嘛，一生得一個廿ｘ歲架嘛，咁梗係想買份禮物仔啦．．．　．．．唉！

我個Anna Sui．．．我個Agnes' b．．．我件Abercrombie，原來我鍾意埋ｄ"A"貨喎．．．　．．．O.0"

其實ｄ"A"貨都唔係好貴者，但係我都唔可以買，日本呀！龍貓呀！生日呀！身外物呀!．．．　．．．唉！

我會忘記你地架．．．你地安息啦！

仲有個零月，沙丁沙丁燶，快ｄ過，快ｄ過。

五月快ｄ黎啦，過埋個四月我既物慾就會減少架勒！

*****為咩呢為咩呢，一到呢個時刻我就會問我自己，你為咩呢*****

*****就好似當喊既時候我會問你喊咩呢喊咩呢咁，一樣無答案*****

P.S. 好記得熊熊講果句，如果可以將D$$買晒貓貓的話，我真係會好開心，諗起都開心啦！

轉工之後，屋企差唔多每日都有花，差唔多每日都見到百合，好香好香既香水百合，以前以為只有某ｄ樣既百合係有香味既，但原來而家無論純白色的還是像火百合既都一樣香噴噴的，佢既魔力實在没法擋，香到呢！！！

不過下期開始想轉轉第二ｄ，開始有點膩，快一個月啦，每月都唔同花款既話幾好呢。

搬左盤蕃茄番屋企，都忍唔住耐唔耐走去聞下佢，到底係咪而家ｄ植物變種／混種混得多呢，連蕃茄都似香草咁，散發出一種好特別既香氣，但一ｄ都唔係蕃茄味喎，總之香噴噴的，一屋花草香。

本來今日話去小鳯度探佢同佢個B，不過因為張家小小爺到訪就告吹了。

其實我都唔知佢做咩要黎我屋企拜訪，呢ｄ係咪叫做禮貌呢？我諗我真係好唔識呢ｄ禮貌，佢又辛苦我又辛苦既事不如不做，但每次好認真咁講唔好咁咁，大家都係好禮貌地照單全收，然後你有你的不情，我有我的不願，著實何苦呢？真係奇怪。

攪左一個早晨，最後好晏至去到園圃，無理佢兩個禮拜，佢真係大左好多，仲好凌亂添，攪到我呢．．．一身功夫，今日係除左第一日開始時要翻雲覆雨之外最攰既一日，仲搬左棵茄番屋企，成身散晒咁，下星期係最後一個星期，ｄ野唔生唔熟咁都唔知點算囉，帶唔帶佢地番屋企好呢？有無人想收留蕃茄．．．家陣我變左愛護植物協會人員咁添，要呼籲下有無善心人仕。

話說最近三色台播左個旅遊節目，第一個節目主持人好成功地讓人睇完唔想去，第二個節目主持人更成功地樹立左白痴本色。基本上整個旅遊特輯都唔吸引，無咩好景，無咩好做，無咩好玩，無咩好食咁，真係令人睇都唔想睇架，直至第二位主持人　－　裕美出現，佢既白痴本領真係好好笑，一路話佢白痴我就一路覺得好似我．．．呵呵，我都係低ｂ到可以如此自得其樂，我都會白痴到話自己好白痴，但係咁樣都唔錯吖，每日都開開心心的。

前幾日同朋友講開白痴妹，禽日就見到白痴妹，我都懷疑我眼花，不過我一同小草講話：佢佢佢．．．佢就已經識答我．．．裕美吖嘛，咁即係真係佢啦。真人既裕美其實係個大眼妹，仲幾高添，一ｄ都唔似得十八歲，好靚女下架喎！

又講下白痴的我，今日終於的起心肝仔試整梳乎里，係咩都唔齊備既情況下，我靠估咁整，果然係失敗架！但係失敗得好攪笑，變左一味兩食咁，可能係個食譜都有ｄ問題，因為佢會落埋蛋黃，但係出黎個結果係蛋黃部份同蛋白部份分開左，最後我食左個無咩味道既梳乎里同埋比我燉蛋時整得更成功既焗蛋，好騎呢。

大前日收到sms，前日就要到金鐘取資料，公司最惱人的是它的所在位置，原來香港的"鬼地方"有很多。要趕忙離開的日子通常都忽然被要求留低，趕趕趕都遲到，日後應該會不堪設想．．．。

趕完還是遲了，約了叔味又順延地遲了，明明想買東西的是你，但又不肯出門，結果因為我還是要等，於是我買野，都說永遠我是等的那一位啦！不過都很開心，好久好久没有"雞啄唔斷"的感覺，不停地講，不停地駁，我發覺我真的好喜歡駁嘴，不要以為打我可令我收口呢白痴，哇哈哈！！！！雖然好久不見，不過你都没變，多謝你陪我玩．．．，但下次不要去九龍塘，八月花的東西很難吃，我要記住。

昨天死人頭終於"蒲頭"，的確是一個死人頭，我發現要人留言是我的白痴，但給我短訊會是你們的無知，我再三重申，今時今日我的手提電話在公司是發揮不到效用的，都收唔到訊號又怎會收到你們的短訊呢？！可以的話，大家留言啦，我會不定時聽聽有没有遺言。（我相信大家都係可以留言的啦，因為大家都講到野架嘛．．，如果有用的話，我都會諗諗轉台，等我研究下先。）你地要等我哦．．。

最後去了吃炸物，我真的忘了那一次的味道，但感覺和情景郤仍歷歷在目，那一次真的很好吃，很開心，很驚訝，很意想不到．．．　．．．，雖然他早已跟我說到天上有地下無；今次．．．都好吃，只是没有那些感覺了。

多謝你的手信，只是．．．　．．．從前我有一頭狗，他的名字叫cookie，於是．．．　．．．

而且．．．　．．．我怕我會如你所願．．．　．．．

所以．．．　．．．送你一句：多謝晒。

最近睇左個電視節目，講九型人格，我就係度諗我係咩型呢。該節目大約講左五個人格既人，我覺得一半都岩咁既．．O.0"，咁頭先又走去唔同既網址玩左三次呢個人格既心理測驗：

第一個既結果係：我係四號仔

第二個既結果係：我係六號仔

第三個既結果係：我應該係九號仔

咁．．．　．．．即係．．．　．．．點．．．　．．．

唔通我係十號．．．混合型．．．（但係佢話基本型格只得一個架播．．．）

咁．．．

我．．．

即．．．

係．．．

．

．　

．　

「妳剪了頭髮?」他捧著酒杯, 嗅一嗅, 然後熟練地以手腕恍著杯子.

「呀...修了一點點.」我伸手摸一下自己的頭髮.

「前面這麼短.」他的眉頭皺了起來, 似乎不怎麼滿意.

我伸手拉扯了前面的頭髮, 盡量把它拉長一點, 縱使徒然, 而還是想讓他看得起.

「旁邊的又那麼長.」

我又把旁邊的髮鬢藏到耳背後.

「後面的, 妳有剪短嗎?」

「有呀, 本來長到頸項的.」我用手指比劃了一下, 他的眉頭皺得更厲害.

咖啡, 原是苦, 現在更苦了.
我沒有心情, 把攪棒搖晃著.

「妳看妳在幹嘛!」我隨即止住了動作, 咖啡晃瀉了少許, 我努力把桌子抹淨.

「妳的是什麼衣服?」他開始瞧著我的衣裝.

我想起昨天在電視裡看到的藝人, 於是跟他說了.

「她們就是不同.」

我想: 有什麼不一樣呢? 我還一直以為大家都是人類.

「總知, 她們就是不同.」氣氛僵了, 他的臉也緊了, 我也不作聲了.

然後, 是意粉來了, 色香味俱存的雜菌意粉.

「這是什麼?」他又問了, 我也說了.

「雜菌? 就不能叫點會飽肚子的嗎?」又做錯了嗎?

「午飯的時候, 你吃了什麼?」我試圖讓氣氛變輕鬆一點.

他從進來, 到現在, 也沒有看過我一眼.
這一刻, 終於讓我看清他的瞼, 因為他正瞪著我:

「飯.」然後拋出了一個字.

我笑了, 笑得像個傻孩子, 笑得掉出了眼淚.
我想, 如果我也這樣回答, 早就死掉了.

我還以為遷就會是雙方面, 我還以為他總有一天會看見我傷痕累累.
我實在笨死了.

魔鬼留字，天使流淚．．．　．．．

番左工兩日，有習慣既，有唔慣既，有喜歡既，有唔喜歡既，世事就係咁，有辡有唔辡。

今日特登走去７仔，要搵既野搵唔到，反而見到蝦根大又有新出品，上次食唔到"豬事餅"，今次食番個"白掏"補數都好．．^^，都ｏｋ，但感覺上似食冰多過雪糕．．：ｐ。

就咁，我得到左唯一的兩個吉仔襟章，開黎睇．．．登登登櫈　－　

第一個就係金牛座，Yeah！我呀我呀．．；

第二個就係處女座，唔係呀化．．你?．．，

就咁襯埋一對，又令我諗起你，真係好無夸。

你死番黎未呢．．．　．．．死八公。