丁點心程 

 

自私地自愛；自由地自主；自信地自在；自動地自覺；自強地自治；自我地自述；自自自家製的回憶，自自自家製的狂想。
 
satine : 個人主頁 - 相簿 - 訂閱  [ QOOZA - 論壇 - 登入 ]
satine
暱稱： 丁
性別： 女
國家： 香港
«‹ July 2015 ›»
SMTWTFS
1234
567891011
12131415161718
19202122232425
262728293031
訪客留言
最近三個月尚無任何留言
小水滴
doll satine
poupeegirl fashion brand community
Baby Satine
poupeegirl fashion brand community
2007 年 12 月 10 日  星期一   晴天
病到七彩 不安

禽日開始病左都依然去左田同出左去食飯，其實好唔想出街，不過都無理由因為小小病就改變計劃。

以為食左ｄ藥，今日會無事，點知仲辛苦左，好似發燒咁添，成個人骨痛到不得了，一早想起身睇左個醫生佢，可以早ｄ食藥，早ｄ無事，但真係唔掂，然後瞓瞓瞓到夜晚唔起無得睇，唯有迫住起身換衫，老豆見到我咁仲同我講：你鐵人上身呀，成日食都唔駛食。然後老母又講：你落去睇醫生唔好食咁多野呀，煮左飯架勒！我懷疑可能我既面色實在太好，燒到白裡透紅咁，佢地一ｄ都唔察覺我病到七彩。

我連講野都無氣，就自己去左睇醫生，點知壞lift，跟住其他又上到頂樓，番黎又係咁，天呀！要個病人行樓梯，無人性架！>.<..去到診所覺得果度越坐越凍，我已經著左好多衫，跟住凍左一輪，入到去佢話我岩岩無發燒，的確個人又係無咁興，不過好攰好攰啦，番到屋企頂唔住即時又瞓左陣，醒番鯨吞左ｄ冷飯菜汁，如果病果個係某某，應該會有熱辣辣的白粥送上，雖然我都唔恨，但病病時食冷飯菜汁感覺又幾可憐咁者。

今晚早ｄ瞓，聽日無晒事就好ｌｕ，我仲有大把野未做呀！

刊登時間︰2007-12-10 10:13 PM    [ 訪客留言(0) ] [ 編輯日誌 ] [ 分享至FACEBOOK ]
2007 年 12 月 8 日  星期六   晴天
你黑我痴

本來話今日放工番大陸按摩，等左好耐卒之約得成事。由於我唔知可以點去羅湖，只係諗到去慣既旺角轉車，於是約陳皮係旺角等，食ｄ野就上去。本來間野比我印象唔錯，不過今日之後就．．．　．．．

事緣黑仔肥呢排都黑黑地，係食野之際，亞waiter哥仔受唔住佢既黑色吸力，成個人連碗碟加咖哩汁飛撲埋去，真係呢，衫褲枱櫈都係咖哩，但係黑仔肥好鎮定，無郁，仲保持住佢一貫悠然既風格，好似無野發生咁，個waiter又好似無野咁，只係呆左一呆，十秒後至好無夸咁講左句唔好意思。

我睇到哥仔有唔好意思，但佢唔好意思既唔係整親人，而係整親人之後佢自己唔知點算，佢既無禮貌令我有點不滿，但我更加不滿既係個經理，佢只係黎望左兩眼，叫人比ｄ布抺番ｄ野，搵左個人幫黑仔肥抺衫咁，一句唔好意思都無。直到黑仔肥出番黎，我既心情已經到左想鬧人既階段，但佢竟然仲笑得落，既然當事人都無野，我又唔好意思緊張過佢啦。

後尾經理終於走過黎，佢竟然講：唔好意思，問我地要咩餐飲，我就忍唔住一連串係咁串佢（我完全覺得我仲忟過當事人），佢至識得狂講唔好意思，做番ｄ經理應該做既野。其實有時唔係我想鬧人，而係應該比佢地知道係佢地有問題，唔係我地唔係點出聲就當無事發生過咁掛，呢點係我極為不滿既原因，我諗如果佢淋到既係我，對住ｄ咁既態度，我一早拍左枱，禮貌ｄ真係道歉就話算啦，人地都無心既者。

之後求其去左買番ｄ衫褲，買完話開始起程既時間，我至突然諗起：我無帶回鄉証，都已經問你有咩要帶架啦，真係白痴！最後無啦啦行左陣街，無啦啦走左去整頭髮，呢排興左無啦啦做左第二樣野。

刊登時間︰2007-12-09 01:27 AM    [ 訪客留言(0) ] [ 編輯日誌 ] [ 分享至FACEBOOK ]
2007 年 12 月 7 日  星期五   晴天
保濕

經過左壓力，夜瞓，睡眠質數欠佳，腸胃不妥，食無定時，junk food大個天，天氣乾燥，毛孔阻塞的洗禮，呢排個樣超殘，今晚又無啦啦走左去買ｄ我已經有既同類型護膚品，番到屋企忍唔住，我一定要勤力ｄ用左ｄ野佢，放係度係唔會令我靚左架。

今晚用左：

１．MP 17 - 深層清潔啫喱

２．MIOGGI - 磨沙啫喱 (呢個做完之後已經感覺到乾乾的臉蛋滑番ｄ)

３．NATURA HOUSE - 玫瑰水

４．Biotherm - Aquasource SOS Mask （平時用都唔覺，但皮膚乾的時間用真係好見效，皮膚即時軟番）

５．Juvena - Vitamin Mask

６．Natura bisse - Revitalizing and soothing eye mask

７．Vichy - Aqualia Thermal Essence (睇過ｄ成份，應該係好野黎，遲ｄ有時間就詳細ｄ講）

８．Ｍitsu - Magic water gel

９．Bio-essence - 青春緊膚霜

 

完成以上保濕程序(大部份都針對保濕用)後，塊面即時充滿番水份，又滑左，只係我Ｄ粒粒同印印要下一步再攪攪佢。希望我繼續有呢個時間同心機啦。我要靚呀靚呀靚呀！！！！（起碼唔好殘！:p)

 

刊登時間︰2007-12-08 01:31 AM    [ 訪客留言(0) ] [ 編輯日誌 ] [ 分享至FACEBOOK ]
2007 年 12 月 6 日  星期四   晴天
忙

忙左半個月，之後都係忙：

19 NOV 07 (一)　上班，上課（保險1）　

20 NOV 07 (二)　上班，上課（保險1）

21 NOV 07 (三)　上班，上課（保險３）

22 NOV 07 (四)　上班，上課（保險３）

23 NOV 07 (五)　上班，休息

24 NOV 07 (六)　上班，考試（保險1,3)

25 NOV 07 (日)　種菜，跟低能仔晚飯

26 NOV 07 (一)   上班，休息

27 NOV 07 (二)   上班，休息

28 NOV 07 (三)   上班，上課 (Fin)

29 NOV 07 (四)   上班，上課 (PRC)

30 NOV 07 (五)   上班，港樂

01 DEC 07 (六)   上機，遊車河，咖啡購物點，難食食物鯨吞比賽，棋藝

02 DEC 07 (日)   遊車河，陽光與海灘，珠光寶氣購物點，椰子無雞中，妖聲妖氣（罷妖）

03 DEC 07 (一)   遊車河，晨早流流珠光寶氣購物點，亞洲國際會議館，陽光與海灘，無甚特別四名菜

04 DEC 07 (二)   遊車河，中國祠，辣辣小菜好好食，上機，機場4D

05 DEC 07 (三)   上班，上課 (Fin)

06 DEC 07 (四)   上班，上課 (PRC)

07 DEC 07 (五)   上班，收拾行裝

08 DEC 07 (六)   上班，按摩

09 DEC 07 (日)   種菜，跟Cheap精晚飯

10 DEC 07 (一)   上班，休息

11 DEC 07 (二)   上班，休息

12 DEC 07 (三)   上班，上課 (Fin)

13 DEC 07 (四)   上班，上課 (PRC)

14 DEC 07 (五)   上班，Prepare PRC A1

15 DEC 07 (六)   入營 / 聖誕派對(應該唔去)

16 DEC 07 (日)   出營，上課 (PRC)

17 DEC 07 (一)   上班，Prepare PRC A1

18 DEC 07 (二)   上班，Prepare PRC A1

19 DEC 07 (三)   上班，上課 (Fin)

20 DEC 07 (四)   上班，上課 (PRC)

21 DEC 07 (五)   上班，休息

22 DEC 07 (六)   上班，做節 (TBC)

23 DEC 07 (日)   上課 (Fin Tutoial)

24 DEC 07 (一)   上班，無野做 (約我啦！:p)

25 DEC 07 (二)   無野做 (約我啦！:p)

26 DEC 07 (三)   無野做 (約我啦！:p)

27 DEC 07 (四)   上班，Prepare Fin A1

28 DEC 07 (五)   上班，Prepare Fin A1

29 DEC 07 (六)   上班，Prepare Fin A1

30 DEC 07 (日)   上課 (Fin)

31 DEC 07 (一)   無野做 (Wellcome Happy 2008)

刊登時間︰2007-12-06 01:26 AM    [ 訪客留言(2) ] [ 編輯日誌 ] [ 分享至FACEBOOK ]
2007 年 12 月 4 日  星期二   晴天
向南走 愉快

呢幾日去左海南島旅行，我諗我真係太耐無坐過飛機，有ｄ緊張，總想著是否會失事，當然係我己人憂天啦。

原來由一個凍凍的地方，去一個比較暖的地方感覺不錯，無怪動物都愛遷移，向南走。

其實四日的行程嚴格可以講係無野好玩，無野好食，有既只係好朋友，所以整體感覺似宿了幾日營一樣，幾個傻瓜玩玩棋，玩玩大富翁（天呀！次次都破產呀！），傻下傻下咁就過了。

最想去玩的陽光與海灘只有丁點時間，但shopping時間無限，怪就怪我呢ｄ人太順得人，無好好爭取一下，就咁又比佢過左骨，仲加＄食埋ｄ唔好食既菜，去埋ｄ無無謂謂的景點。每日都早早番到酒店睇ｄ本來好睇，但配音配到唔好睇既電視節目。

就係我忙住悶既日子，哥鈍打比我(但我番黎至知），我個保險試順利過關了，都話我係醒架啦．．。

刊登時間︰2007-12-05 11:37 PM    [ 訪客留言(2) ] [ 編輯日誌 ] [ 分享至FACEBOOK ]
2007 年 11 月 30 日  星期五   晴天
失望交響夢 不安

今晚去一年一度的港樂．交響曲，假如我一早想像到現實的狀況，我會選擇回家。

今次的場地是跑馬地馬會遊樂場，本來這個地點對我來說雖然有點遠，但也没什麼大不了，但，大家都想不到的是，葛福臨的威力是如此令人汗顏，比行花市有過之而無不及，雖然很不方便，但著實為有這麼多人願意到場而有點感動。

我們在天上的父，願人都尊你為聖，願你的國降臨，願你的旨意行在地上，如同行在天上．．．　．．．

正因葛福臨，金鐘地鐵站擠得水洩不通，唯有多花一點時間往上環轉車，到銅鑼灣時，正值入場高峰期，銅鑼灣出口的人頭多到看不到較遠處的地面，還是多兜一點路程，結果又迷了點路，最後，開始後一個鐘才到場，雙腿也開始發軟了。

一到場就是最精彩的時段，只是我的耳朵還没熱身就完了！到中場休息的時間，又是填滿腸胃的時間，忙了一輪開始靜心聆聽，但，似乎還没有開始，就到尾聲，很快就到最後一曲，大家都期待著那煙火效果，只是甚為失望，大有為放煙花而放煙花的味兒，而且，看到我眼水直標，就這樣完結了是日節目。

又在馬場環繞了一周，腿發脹了，很痛！心很急，我的耐性離我而去，心裡咕嚕咕嚕著，一直到回家，很累！

刊登時間︰2007-12-05 11:18 PM    [ 訪客留言(0) ] [ 編輯日誌 ] [ 分享至FACEBOOK ]
2007 年 11 月 24 日  星期六   晴天
考試

連續叫做上左四晚堂，因為每次都遲到早走，第一晚最早，直頭悶到我頂唔住急急走番屋企睇台慶，不過都唔好睇既。第二日換左人，無第一個咁悶，但都係頂唔緊，中途走左去睇化粧品。第三日又換左人，呢次ｄ野ｏｋ順耳，不過最後我都係走左去買野，又買埋ｄ無黎啦喂既野，明明想買既就睇唔岩啦。第四日最乖，好似只係早左半個鐘走。

然後禽日休息一日，本來諗住睇睇本書，但又唔知做左第二ｄ野，個心un住un住硬係有d野咁，我估呢ｄ叫壓力，因為我覺得好易，但睇住ｄ叔嬋叫救命咁話點讀呀，邊可以呢頭上堂果頭考試好惶恐咁既狀況，成人哥鈍問我上成點，我話超悶既時候，佢又話佢岩岩收到佢有個人肥左科，我又有ｄ驚驚地，再加上肥媽的懶緊張。

我都唔明點解媽媽聽到我話想做下呢ｄ中介人會咁興奮，我預期ｄ人聽到應該耍手擰頭架喎！尤其我既朋友．．我硬係覺得我ｄ朋友喜歡跟我包挍頸，我話ａ好佢地講ｂ好，但人地話ａ好，佢地又信架喎，好奇。

到今日，原來考埋呢ｄ無黎啦喂既試，個人都係會好緊張架。今朝番工以為無咩人可以睇下書，就攞晒ｄ野番公司（好重架嘛），點知呢，就係太無咩人，亞姐企黎我度撩我傾計，祖擇又無野做走黎撩我傾計，兩個人輪住黎傾，再做下小小野，就咁又放工勒。

唯有上車扮勤力，我真係好勤力，攞晒十磅書黎睇！！好緊張呀！好緊張呀！又遲到添呀！個心砰砰聲，但好快就答晒，橫掂唔肯定果ｄ都係唔肯定架啦，我早左成個鐘出番試場，睇埋第二場試的書，如是者，早走半個鐘。考試的緊張心情終於平伏，真係人都輕鬆左，雖然事實上係攞住好重野（真係想即時掉左佢）。

然後，呆等個低能仔個幾鐘，番到去仲要比人話：你唔係死左架咩。我都唔知邊度黎既耐性去同佢講道理，明明係條街度等果個係我。係好興既時候打左比個衰人，雖然佢都係好忙唔得閒陪我，但同佢講左幾句，心情好番晒，我真係好掛住你，最後，去左shopping，跟住同朋友食飯，攪下攪下就夜深，又係攰攰咁回到家中。

一入屋，媽媽就問：有無比我睇死呀！（我即時呆左，無句好ｄ既野講既咩！！）面色一沉，佢就繼續問：我講你個試呀！我：吓，唔知呀！一個應該無問題，另一個撞囉！common sense。媽：你咪又比我估中（雖然佢算係笑笑口，但係可唔可以講得好聽ｄ既呢，我真係咁差咩！做咩次次都睇死我唔掂咁款喎！比ｄ鼓勵都得掛，我好叻架（要不斷同自己講），係攞唔到A之嘛．．）

刊登時間︰2007-12-06 12:18 AM    [ 訪客留言(0) ] [ 編輯日誌 ] [ 分享至FACEBOOK ]
2007 年 11 月 20 日  星期二   晴天
>.< 感動

我真係有d犯賤細胞，成日都要搵ｄ唔係咁騷我既人至安樂，每次都同自己講，你好野，我下次唔搵你，但下次又唔知做咩又會自動獻身，真係吹脹。就係咁，搵左一搵個賤精，心情跟住個市一樣跌左未升得番，仲以為我今日有源源不絶的好心情添，點知一話比晒你，就跌晒，你連接都懶．．>.<。

想起鄧萃雯講過既說話，當兩個人互相想係對方身上攞野，結果係兩個人永遠都唔夠，而相反，當兩個人互相給予對方，結果係兩個人都擁有更多，而且源源不絕。突然想通一點，明白點解會話神的愛是源源不絕，原來要互動，哈，我從來都無試過咁噃。

相愛，就是一個願意給，一個願意接的action reaction，愛是永不止息的，噢，我明勒。

 

刊登時間︰2007-11-20 12:27 AM    [ 訪客留言(0) ] [ 編輯日誌 ] [ 分享至FACEBOOK ]
2007 年 11 月 17 日  星期六   晴天
好快

都有成個月無寫野，詢眾要求之下(其實得一個)，就寫下啦，呢排都忙，遲ｄ將會更忙，因為．．．

１．之前提過想試下做保險基金投資，估唔到又比我有機會喎，今日上去傾左一傾，攪笑，佢好想我做全職咁，臨走時佢同亞妹講，呢個掂架勒，哈哈，我覺得你掂ｄ喎！我都期待果ｄ令人眼前一亮的回報，不過一切都等考左個牌至算，下星期開始上堂，接住就考埋個試，真係坐言起行到不得了，禽日講，今日見，星期一至四上堂，星期六連考兩個試，再下個星期就真係另一期開學，然後旅行，然後．．．我一定會幫自己好好投資．．．。

２．另一方面，既然有人問我的戀情，我又講下啦，今日發現左一樣野，原來我係呢方面既表達可能真係好有問題。今日同某某出街，其實都唔係識左好耐，不過我就係果ｄ只要肯同我玩，係人都熟熟地咁既人，我不嬲都覺得我好似ｄ小朋友咁，對朋友，無論男女的接觸唔會有咩的分別，細路仔唔會分佢係男或女至會攬頭攬頸架嘛，我就係呢種，只要係frd既，我就唔拘泥於ｄ咩身體接觸。今日係好攰之下，佢幫我按摩，其實我無咩野，但後尾發現佢有ｄ野，我唯有扮野，係果一刻我諗起個衰人，我記得個衰人暗示過同我好難有進展咁，而家諗番又係喎，果時佢掂一掂我，我就成個緊左，較我近ｄ，我就離佢遠ｄ，原來我對住鍾意既人會岩岩相反，無啦啦識避忌。咁真係死得啦，無野果ｄ以為我有野，有野果ｄ以前我無野，唉！點算，今時今日至發現自己真係超低ｂ，有無ｄ速成班可以教我應該點做呢．．。

刊登時間︰2007-11-17 11:26 PM    [ 訪客留言(0) ] [ 編輯日誌 ] [ 分享至FACEBOOK ]
2007 年 10 月 23 日  星期二   晴天
因子

放左四日假，今日番半日，又放半日溫書去，真係有小小勤力架。

本來諗住OM可以靠計數食糊，點知對住份卷，我完全唔識計．．，最後都係寫野先，其實ｄ數好易，但我唔記得晒ｄ公式同步驟，咁．．．死得啦，又搵亞求其黎頂當，希望厄到ｄ分。好在既係，本來以為衰硬係寫野果度，但又比我寫到ｄ野，唔駛雙失咁陰公。其實計計下，樂觀ｄ我都可能B到，但係個人就好唔開心，係咪定得太高要求呢。

今日好多人好早就走左ｌｕ，淨番幾個人（包括我）努力到最後（鬼叫我唔識咩），最後．．．最後都寫唔埋果幾隻字。收卷後去搵野食，食咩好，食好唔食好，諗諗下就想去牡丹樓，可惜搵唔到，就去左雞鴨司，不過都無包食．．>.<，又求其買個鬆餅算ｌｕ。

呢排ｄ快樂因子比唔快樂因子重重包圍，攪到我連食野既時間都想喊，好節墮。又好想搵佢，好想講下野，或者，同佢一齊的時間好開心，令我唔記得左無佢既時間會唔開心，我應該組織番更多一個人的快樂，打低ｄ唔快樂因子。

刊登時間︰2007-10-24 12:36 AM    [ 訪客留言(4) ] [ 編輯日誌 ] [ 分享至FACEBOOK ]


« | 4 | 5 | 6 | 7 | 8 | 9 | 10 | 11 | 12 | 13 | ... | 71 | »