今晚係九龍灣考IT，我未去過，所以預早左出門口，不過咁岩，差不多去到車站的時候，眼白白睇住架車走。

好在原來呢個時候搭車唔駛兜，不過依然好耐，由出門口到目的地要一個半小時(只有計少無計多)，沿途要經過一個樓低好矮的地方，心諗高ｄ行過都應該好辛苦下，點知一路行，沿途都無一個高到會頂頭既人行過，唔通要經過呢度既人都有高度限制既？？

入到試場，坐低開考無耐就覺得唔妥，張枱係咁震，因為隔離擦緊字，好無夸地忍受著呢種震盪，再將呢種震盪化為好富有動感的字，好彩的係，我相信佢應該唔識答，過左無耐就停晒手，頭鱷鱷咁，我就專心運功，但諗極都唔係好得。唉，我覺得我糟蹋左成份卷，難得佢出得咁淺，但我竟然眼白白睇住隻蛤蜊係咁跳，最唔抵既係，我明明溫過晒類似既題目，但諗極都記唔起點答。

完場後，好肚餓，銀包既錢已經比我用盡，就走去搵機啦，走到埋去至記得我唔記得左個密碼，我的美食就咁幻滅左，唯有走去搭車番屋企，點知又係眼白白咁睇住佢走．．．　．．．條氣即刻唔係好順。

後來打sms比個衰人，連ｄ字都識哩埋既，足足打左大半個車程，條氣都開始順番，唔想白費心機的情況下，都send左，可幸的是，佢又得閒同我反喎！不幸的是，我連電話都無乜電，講左一陣就cut左佢線。

番到屋企已經十一點半，睇完密碼落街去攞錢啦，行到去發現電梯係夜深係停止行駛架，兜左個轉上到去，真係撞鬼，入完密碼部機仲要問我PIN碼，我真係唔知咩黎，仲記得上次因為咁佢食左我張卡，唯有死死地氣攞番張卡。衰人係呢個時候已經多次同我講：睇黎你真係非一般的坎坷喎！好在，我仲有第二個A/C，好在，我番到屋企有順便睇埋個密碼，更好在，係坎坷的時候仲有人跟我無聊，多謝你啦，雖然你最後出絕招，不過坎坷的時候有你都真係唔錯，你問左我好多次：你今日真係無野吖嘛，然後又開始講無聊的話，我最鍾意咁．．。

最後，食左個唔好食既晚餐，再買左ｄ野食番屋企，同埋買左青蘋果味雪糕，以為佢會好味啦，點知係藥水味，平生有病我都只係會食藥丸，好為難咁咬左佢兩口，佢開始溶係我手，我唔鍾意你者，你都唔駛溶得咁快，我都拿拿咁掉棄左佢，就係咁，我十二點九至安安樂樂番到屋企。今日真係諸事不吉呀！！！

今日聽梁永善牧師講道，其中有樣野讓我叮一聲，可以記住佢，等我容易ｄ接受痛呢個事實．．。

牧師將罪比喻為腫瘤，如果身上面有腫瘤，人都會想將佢除掉，換番個健康的身體，但過程會好痛，好辛苦。

就好似聖經的教導，要除掉我地的罪，換番個健康的心靈，而過程一樣係會痛，好辛苦。

我記得我問過，可唔可以唔痛．．．

忽然個腦有個畫面，畫面裡面有個醫生，而我就係有腫瘤的病人：

我：醫生，可唔可以唔痛。

醫生：手術時唔痛，因為會麻醉的。

我：下．．．（玩野嗎？)

醫生：過後傷口會痛，不過呢個痛只係一段時間，傷口好了，就無事。

我：下．．．(我夠知啦。)

醫生：痛一陣換番個健康的身體，完全值得呀。

我：哦！

逃避你，郤又期望我可．．．　．．．

個人有個好大的缺點，當面對只係關於自己的事．．．

你睇我唔到，我睇你唔到，如是者，日復一日，年復一年，

呢個習性仍然緊隨，如果大掃除時可以掃走埋佢就好啦。

逃避溫習中，逃避溫習中，逃避溫習中，逃避溫習中．．．

得意有時

投資獲利數百，好開心。開心是因為只是利用出糧與找數之間的時間，在債台高築的情況下得到雪中送炭。這期的學科讓我認識多一點點錢與錢和錢這些跟錢有關的東西，就想起迷信的人有一個傳說：當贏得一筆紅利的時候，要跟別人分享，請吃飯等等諸如此類，因為那是Zero-sum game，贏的是別人輸的錢，不然會節墮；其實投資都是個Zero-sum game，但又不見得有傳說說投資獲利要跟別人分享，不然會糟惡運的呢

失意有時

分數跌至新低，好沮喪。這是有史以來的低分，相信我是全班全低分的那一位，今次我踏足了從來未到逹過的低峰。沮喪是因為根據過往推測，這科是最容易得分的科目，偏偏，機緣巧合下，我遇上了迷失，對他的教誨只感到迷茫、莫明。他教導我們寫文章要到題，言而有物，然而，我就是一直認為，他的教學內容不貼題，根本課程內容就不是這些東湊西拼的亂子，潛意識抗拒學習，浮意識無可奈何。

得意有時，失意有時，我要好好學習當中的一切。書到底應該點讀！！！

我覺得自己一肚污氣無處發洩，突然好想打波宣洩一下，得自己一個，成事不足．．．更沮喪。

唔知係人大左心血會小左定咩呢，而家容易覺得ｄ野好恐怖。覺得熱水爐好恐怖，耐唔耐聽到樓上樓下Boom Boom聲咁，好驚有一日大爆炸。禽晚月黑風高，行雷閃電刮大風，吹到個玻璃窗Boom Boom聲，好驚佢碎比我睇。

今日整日都落住大雨，我諗我塊田都一定凶多吉少。今個禮拜好狠心地無理過佢，下個禮拜都要好狠心地繼續唔理佢！！！要專心考試呀！！！救命呀！！！不過呢兩日都係無咩點溫過書，只係執左一輪野，然後又有一攤野發生，又執左一輪野。

P.S.　執野果陣擦左熊熊份禮物用，好岩用同埋好舒服呀！岩岩好可以換左妹妹果個，其實好唔捨得，不過妹果個已經乾左．．=___="。多謝熊熊呀!!其實... ...係咪生日禮物黎架呢我都無買過任何禮物比你呢添．．。

曾幾何時有人問我：你最鍾意邊個號碼，我好識真咁諗左一諗，係個兩位數字，唔好問點解，鍾意係無得解既。

然後佢又問：咁如果單位數字呢？我又諗左一諗，單位數字嗎？

最後，得出了兩個數字，成了我最喜愛的數字。

過了不久，有另一個人，他叫我猜他的生日日期，我先用我最喜愛的單位數字來猜月份，他竟跟我說：對呀！

然後，我再用我最喜愛的兩位數字來猜日期，我們都愕然：中呀！

最後，這個人，成了我很喜愛的一個人。

這是我第一次，相信會是唯一一次，在三百六十六份之一的機會下，一次就猜中別人的生日日期，因為長大後都不會再這樣無聊地猜吧！

報失卡過後，今日至得閒一次過拆番晒所有密碼信，我又要記過晒ｄ密碼，幸好，大部份都是喜愛的組合，希望這次為我帶來的麻煩，經已完滿結束。

最近機器們跟我過唔去咁，先係肥仔機唔識自動嘔吐，將ｄ資料吞晒落肚，跟住醫貓出獸字，然後禽日趕住交功課，但醫貓唔比我開番個文件，攪到交唔到，差ｄ被拒收，老Miss對我報以超凌厲的眼神，又係既，比我都唔信！！今日我又一樣係咁開番，一切正常。

今日第三部機器又玩耍我，本來仲趕得切，但去到狂按佢ｄ鍵都無反應，然後唔知做咩有一ｄ反應，跟住又無反應．．．　．．．如是者直到趕唔切，真係頂吖，佢ｄ掣即時正常過正常！！！

呢個故事教訓我，野係唔可以最後關頭至做，ｄ機器係識得揀時辰唔Work架！

機呀機！我無咩得罰你吖，你係時間放我一馬，唔該晒。

今天睡至電話響起，還没及時聽便收線了，是個没來電顯示的電話，回覆不成，就倒頭再睡，只是也睡不成，輾轉了好一會才願意起過身來。

悠然地看看報紙，看看新聞，看看電影，吃吃早飯，今天的早飯煮了自種菜心，還是老樣子啦！是種子不好，但煲起湯來有很濃的菜味。午間做了一半功課，我做功課的速度還是一貫地慢。晚上吃了自種通菜，今天是我第一次試今季的收成，和想像中的差不多，很有質感．．哈哈，畢竟不是種子種下的收成。

期待著，似乎種得最好的小棠菜，雨季反而没冬季的那樣多小昆小蟲蠶食我的小菜，真的意想不到，可能是薄荷的果效。

今天早上要上班，通常星期六的日子都没什麼忙，本來打算可以用這些閒著的時間溫一溫習，只是直到今天還是未訓練到可以在公司專心溫書，最後還是放棄。

下班開始忙碌，花了十多分鐘前往巴士站，等了十多分鐘，乘了大半小時，然後步行了數分鐘，才到達園圃，正值陽光最猛烈的時候。什麼都俱備，但還是忘了防晒及防咬的裝備，唯有豁出去，盡情咬吧！晒吧！

今天是收成期，小棠菜、菜心、通菜都"大個仔"，可以讓我"取"回家，再好好處理了那些礙於限制而胡亂攀爬走動的"傻瓜葉"，為它們解放那些自殺式／敵對式的綑綁，還有剪掉被入侵了的殘肢；此時突然下大雨，肥已經幹好他的園地，我還有很多功夫等著幹，等雨停下來不久，他就捨我而去了，然後繼續播種、施肥、清理現場，就在準備離開的時候，隔碧的鄰居剛到來，他還是十分鼓勵我來個密雜式種植法，給了我大量通菜種子，還有兩棵西瓜苗，我又重新播種，也為肥的園地加插一個西瓜苗，最後收拾行裝，離開時已經五時。今天的行裝很多，去時最有份量的是堆肥及水，走時最具份量的是收成及禮物，讓我走得很累。

滿是汗水，走到勝利牛丸，下午五時半吃了今天的午餐，好味道！六時到了MITSU，享受了半小時按摩加半小時漆黑中沉睡，七時半安然離開，今次倒没有輕鬆了的感覺，但沉睡了好一頓都蠻舒服。順便到MISS所說的阜財街走走，看不見傳說中的那間店，天氣真的很熱，到車站又滿是汗水，回到家已經九時許，洗頭沖涼一頓，十時吃我的晚飯。

最後是上網及傾電話時間。

早出晚歸，這樣就完結了一天，做功課的計劃順延。

前兩日唔舒服，無番工，心裡面只係諗住當日要應付考試，然後第二日，正常番工，但係矇仔丸的操控底下，我個人係無咩思想架。到左今日，矇仔無帶矇仔丸番工，想食都無得食，個人成個醒晒！可以打死幾個自己。

就係我覺得好醒的一刻，諗起有樣好重要既事唔記得左做，係我記得果陣搵左朋友仔講，

佢的回覆係：How come!

完全係Impossible的狀態！！！係我身上，真係無咩係無可能。

我竟然係可以報名的果兩日唔記得左報名呀！

就只係呢兩日唔記得，之前都記得，之後的今日都記得，真係救命！

寫到明Late enrolments will not be accepted添，唉！！！！！！

打亂晒我ｄ財務計劃添∼∼∼我真係好想剎左我自己！！！！真係九條命都唔夠我剎！！！！！

How come......我ｄ咁既人係點黎既呢！！！！！！！！！！！！！！