今晚食第二次摘既菜，除左大棵過之前小小之外，都無咩特別，爽脆？！爽脆。

影個相比先：

今日約左Joyce & Joan飯聚，我又遲到，天氣凍了就唔願起身，見到懷有約七個月的準金豬媽媽，好幸福的模樣，我都好想有ｂｂ，雖然每次認真地講，每次都會很怕，而且有好野要考慮，不過都係好想做媽媽，想要一個孩子比想要一個老公更甚，只係．．．　．．．。

今日遲左去園圃，但早左走，唔知係咪因為禽日已經攪過撻地，今日同禽日都無咩分別，移過既菜一個謝皮樣，頓時唔想攪過任何野，只係想起晒佢開始種第二樣，而家有ｄ兩頭唔到岸既感覺。

然後去了整眼毛毛，第一次試，原來都要整好耐，同做個facial有得揮，效果就一般啦，唔覺果隻囉！

今日整日都無咩心機咁，無心機起身，無心機種菜，無心機逛街，雖然都係買左ｄ野，但心情都係無咩點好到。

希望呢個灰懞懞既心情早日遇上北風。

下午，無咩樹幹去左阿貓地攤，ｄ貓真係趣緻。

有大懶貓　－　淨係掛住瞓；

有ｂｂ貓　－　不停比人玩；

有大笨貓　－　見到玻璃窗外有雀仔飛即時撲出去；

仲有超級為食貓　－　朋友只係攞起左個膠袋，發出小小膠袋造成的沙沙聲，我個大脾就即時"搭""搭"兩下，小貓兩隻小手就已經搭左上我大脾，跟住仲跳埋上黎搭枱添，哦！唔係野食黎架喎，掉頭就走了。大家黎認住佢，以下就係為食貓：

今日到九龍公園參與嘉年華，攤位小小，没有預期可以得到的資訊，而且只有我一個閒逛，頓時有點點納悶，以往我會很享受一個人的時候，現在有時都有點．．．　．．．。

看到別人的收成，頓時自愧不如，其中跟一個得獎者閒談了一會，就更覺自己的愚笨，其實只是這小小的地方，一樣可以種出比街市賣的更靚更大的收成物(唔信可以睇相)，下次應該可以有更好的收成吧！還有待努力呢!

朋友說我給了他寫作上的靈感，

我呆了呆，想著的是：那麼這故事裡有我嗎？

又呆了呆，想著的是：為什麼要有我？

我想爭取一點．．．存在感。

一棵玫瑰，並没有什麼特別，天下間形形式式的玫瑰多的是，

只是當自我陶醉地加上我的．．．我心愛的，它就成就了唯一，

與別不同的一棵玫瑰，不同之處在於自己的心裡。

終於都同多豹豆熊P去食叉燒湯意，好掛住果度ｄ杏霜，當然仲有炒蛋等等啦。

跟住去左查理仔，哦！呢度就係查理仔。傾計都幾舒服，飲品都尚可，但係蛋糕就，個樣好靚，無咩內涵果隻，唔似我，唔鍾意呀！自己整仲好味！起碼都似我（唔靚得黎有ｄ內涵．．．．）。

祝　多多生日快樂！多佬多得。^^

夕陽醉了

作詞：小美　作曲：童安格　編曲：杜自持

夕陽醉了落霞醉了任誰都掩飾不了　因我的心因我的心早醉掉
是誰帶笑是誰帶俏　默然將心偷取了　酒醉的心酒醉的心被燃燒

唯願心底一個夢變真　交低美麗唇印下情深故事更動人

回來步入我的心好嗎　回來別剩我一個人
尋尋覓覓這一生跟你　尋尋覓覓這緣份接近

斜陽別讓我分心好嗎　斜陽浪漫可惜放任
紅紅乏著酒窩的淺笑　何時願讓我靠近

剛看了看朋友寫的小故事，關於短訊的故事，不期然有感而發。

SMS帶來人的方便，為人與人之間，製造了另一個虛擬的世界，一個可以讓人自製浪漫的世界，朋友寫到：

戀人間有很多粉紅密碼, 在忙碌中, 辛勞中, 洩氣中, 收到至愛的心思, 會心微笑, 彷如注入新的動力. 很多時候, 說話不必多, 旁人苦口婆心, 不及至愛的一句說話, 一個笑容.

SMS 的發明是好的, 至少很多時候, 一句起兩句止的說話可以有另一個表達的途徑, 也讓一些較肉麻的語句變得受落. 文字的感染力永遠較三口六面更清晰, 讓善意或惡意的威力都變得更大.

十分同意，只是從來都不愛來來往往的SMS，或者打字慢只是一個借口，白痴都只是一個解釋，戀愛的開始建基於一個SMS，一個當睡眼惺忪遇上大青蛙很攪笑的SMS；戀情的結束亦告別在一個SMS，一個還未開啟已讓人流淚的SMS．．．　．．．，SMS造就了方便，造就了浪漫，造就了戀情，可惜同時造就了懦夫。

今日去到發現d菜實在太密麻麻，於是都抽左部份菜ｂ番屋企食，都超ｂ架！煮左都唔夠攝牙縫，不過都開心，除左細之外，我唔覺得同買番黎既菜有咩分別，人地話會甜ｄ有菜味ｄ，我又唔覺喎！

今日入左南丫島，由於時間的關係没有走太多的地方，只是閒逛，然後又觸動了我的購物慾，買了一袋二袋不等用的東西．．。在第一家逛的店內，隨手看著一張書簽，我想起一個無車會對我說你自己不懂回家嗎的人，隨手看第二張，想起自己，已經有想哭的衝動，想著應否買回家，回頭店舖已經關了，都好。

到另一店買了數條圍巾，跟老闆姐姐談了又談，開始談起了自身，他說他跟我合襯，我即時石化！！我可不需要一個人肉衣櫥，都不想把他當成它的，只是．．．　．．．我想我是犯賤吧！不過老闆姐姐的話令我想了又想，想想後又有一個比較正確的方向，我需要嘗試並學習怎樣了解人，都需要學習付出並愛人呀！這都是我一直都攪不懂的東西。不過，我會努力的。

去了吃豆花，又去了沙灘，又去了吃素，今天著實是一個郊遊的好日子，風和日麗，不溫不冷，在書蟲發現了一個關於香草園的書，兩個陽光大男孩全身投入在南丫島，攪了個香草園，是我的一個夢呀！如果我可以這樣生活．．．　．．．。

下次可以到香草園，看看風車。