我已經有完整的一年没踏足永光，這是神的一個很美的殿。見到將軍，他比前還瘦了，他告訴我生了一個女兒，麗儀都成熟了，原來他已經結緍了，有點仿如隔世的感覺，似乎大家都改變了。還記得第一年大除夕在永光祟拜，那年有提及生命冊，要反醒，要請求別人的原諒，都要原諒人，很切合當時我的需要；今年大除夕的祟拜，是一個敬拜奮興會，提及的是復興，當求神的國和神的義，亦很切合我的需要，2007年永光的主題是尋求神。當主持說就好像浪子回頭的一樣時，我想哭，當大家上前屈膝跪拜禱告神的時候，我的心都往十字架上去了，我想，都期望我懂得堅持。

今年講道的仍是伍牧師，他可能永遠是我最喜愛的牧師，很好笑，而好笑之餘，他會讓我記得他講道的一點點內容，因為是在生活裡，因為神就是同在於我們的生活裡。怎樣可以給予神在我的家、在我的公司、在我自己裡有一個立足點呢？在尋求內在的靈性的同時，先求衪的國和祂的義，這不就是雅比斯的禱告的要點嗎？

十•九•八•七•六•五•四•三•二•一•　新年快樂，耶穌愛你，耶穌要使用你...。

『峻嶺攀臨風光闊，靈程鍛鍊境界寬。』

我實實在在地告訴你們，我所做的事，信我的人也要做，並且要做比這更大的事。（約　十四:12)

P.S.　今日都收到禮物呀！是永光的詩歌集２。

        你話訂左半年今日至終於攞到，咪岩囉！咁岩我今日親自黎收，幾有誠意呀我！哈哈，多謝晒！

今日早上起來無無謂謂的直到下午往園圃，菜心經已成熟可收割，就連根拔起了一些，另一些試試詠導師的方法，留下一折讓它生枝，又翻了翻土，播了櫻桃蘿蔔種子，移了蕃茄苗，噴了茵多素。朋友說他見到菜苗快高長大很開心，到現在才兩個月，我已經開始失去了這份令人興奮的感覺，容易take it for granted是我其中一個很大的缺點。不過我還是很有興趣繼續種下去，雖然今次的作物有點難吃，是老了，可能是收割時間的問題，可能是本身的菜種問題，可能是．．．　．．．，還是有太多的學問在當中，希望下次可以種好一點。

工作完了，就往吃了下午茶(星洲炒米應該似晚餐多一點)，然後回家晚餐，但今晚遲了開飯，有點匆忙，草草地吃了兩口就趕往永光，我要回永光讓古生與柯小姐派糖給我。（派糖是一個永光的傳統，假如一對肢體拍拖後，正式公開給其他肢體得知的形式）終於都有人守得雲開，見到你們開開心心的，我都很為你們高興呀！

突然今日有禮物收喎！好開心．．。

見到係Godiva紙袋，仲諗緊係咩黎，坐低至望真ｄ，原來就係Godiva，哈哈！我無諗過你會送朱古力比我呢！真係白痴．．。其實係你記得我鍾意食呢隻，還是咁岩你順手買既呢？真係好開心哦．．，個包裝好令令呀，有ｄ唔捨得拆添。

真係好橋既係，呢個款上年都收過，不過上年係客送既，好味道呀！

地震震到互聯網絡擠塞，正好是我乾脆不待在網上的大好時機，回家後，我真的完全没有動過電腦，好容易又過了一天，我還是有很多要做的，可以做的事幹，原來我可以很容易地戒掉一些習慣，一些以為要改掉得很困難的習慣。

看完了『雅比斯的禱告』，求神擴張我的生命境界，其實一直我都期望自己可以做得好一點，但我没有這份信心，似乎，一直在等待著的時候到了，或者應該說，似乎，我比較放開了自己。連日來都想起一個人，這令我有點痛苦，當看到文章的末段，提出要告訴一個人，好讓他來督促我的時候，我還是想起了那個人，不過感覺變得很不一樣，原來只要著眼點在主內，面對同一些人／一些事，感覺會變得如此不一樣。

再看『葡萄樹的秘密』，耶穌說：『凡屬我不結果子的枝子，祂就剪去。』(約　十五：2)　我常以為耶穌會剪掉我，亦曾寧願祂剪掉我，然而當看這書時，原來『剪去』（希臘文為airo），有『拾起』或『扶起』的意思．．．　．．．我即時哭了，想起聖經裡這句話：「 不 是 你 們 揀 選 了 我 ， 是 我 揀 選 了 你 們 ， 並 且 分 派 你 們 去 結 果 子 ， 叫 你 們 的 果 子 長 存 ， ． ． ． 。 」(約　十五：16)

要多謝朋友送我這一系列的小書，雖然已經是一年？兩年？以前的事，雖然到現在都還未看完，雖然以往看完了都不以為意，但今天發生了一些作用，或者未必可以做得很好，或者還未到達葡萄樹的階段，或者還是言之尚早，但有了一個最起碼，最起碼我有一個字在心中 - 勇。

今個聖誕睇左兩套戲，滿城盡帶黃金甲同埋傷城，兩套都無睇過佢講咩就去左睇，原來兩套都唔係咁岩聖誕睇，令人有點沉重。

先講講黃金甲，美術真係好好，好華麗，仲好浮誇，我唔明點解要一眾女士都奇峰凸出囉，好想問下導演，有人話張藝謀的英雄係垃圾片，但至少我覺得佢拍得好靚，呢套都係。

至於裡面既武功，我諗又真係唔可以稱得上係武功。

劇情就一般啦，後來再睇影評話情節抄雷雨，咁雷雨詳盡ｄ，黃金甲就欠缺左ｄ來龍去脈。

演員，鞏利真係一流，我一路睇一路諗有無其他更合適既演員可以做呢個角式，諗起劉曉慶，但都係覺得鞏利好ｄ，我鍾意佢果份倔強。發哥都好，不過著墨方面令佢變得失色，劉燁都做得好好，好記得你係咪想我死果段，係，我就係想你死。最唔明白點解搵杰倫，格格不入的樣子，奇奇怪怪的演釋，不忠不奸，不狠不毒，不柔不剛，簡單ｄ講，無性格，唔知想點，完全給比下去。

整體黎講，黃金甲係無期望既情況下都幾好睇。

但係傷城就．．．其實有悶位，攞無間道黎宣傳又真係有ｄ無得比。不過我鍾意梁朝偉，我鍾意金城武，都鍾意舒淇，但全場最好睇既係杜汶澤。呢套戲講每個人都有一個傷口，我反而覺得佢講緊人與人之間千絲萬縷的關係，正所謂剪不斷，理還亂，如果徐靜雷的爸爸唔係剎左梁朝偉全家，梁朝偉唔會係佢老公，如果金城武老婆無去到酒吧，佢唔會同舒淇一齊，如果車禍無發生．．．　．．．。其實現實生活有時都係咁，一ｄ以為唔關自己樹既事情發生左，原來係可以好影響到自己。如果果日我無見過你．．．　．．．。

今日樂兒帶左我去同佢ｄ朋友一齊玩，本來碌齡＋打羽毛波，因為多人遲到＋我要食野，結果係打羽毛波＋唱ｋ，今日終於都見到樂兒的那位，哈哈！估唔到．．。佢地有ｄ都幾攪笑，後尾唱ｋ仲有ｄ癲，都係隻貓啦！我真係未試過ｋ房變ｄ房囉，真係shake到腰酸背痛呀．．，我都估唔到第一次同佢地去玩就癲，可能因為佢地都唔算癲，於是我好放心咁同隻貓癲啦．．。平時我好有矜持架嘛，隻貓除左靚女，都係聰明女呢！呢一方面我要好好學習下．．。

今日係Boxing day，今年收到兩份禮物啦，真係估唔到有禮物收架！好開心架！最鍾意亞B，佢同我一樣咁可愛，好得人鍾意架！，仲有隻狗狗鉛芯筆同埋一條頸鏈啦。多謝你地呀!．．^v^

今日無出街，無出街係比同ｄ唔對既人出街黎得開心架！（仲開心好多添！）

今朝一早就起左身（十點對我黎講算早架勒！），跟住睇書啦，攪呢攪路到中午，搵番隻聖誕碟開始係度播歌，好有聖誕節既氣氛呀！之後出左去食野，經過萬寧見到ｄ護膚品減價減得好誇張，於是買左好多，其實前兩日至買左一袋，已經覺得好抵，但今次更抵，即刻試下好無用，又好似幾好喎！攪到心大心細唔知好無再買添．．．(女人就係咁!)

得閒係屋企無咩做就好自然執屋，我真係覺得呢個屋企除左我會好得閒咁搵野黎清下，就無人會理，果ｄ九幾年既藥仲係櫃度，想點？！又掉左一個垃圾桶既藥，但係最後都係覺得地方無大度，個櫃都仲係好滿下，真係奇怪。

就咁執下野，聽下歌，睇下書，買下野，舒舒服服咁安在家中，真係唔錯！

唔記得由邊日開始後悔應承左平安夜出街，仲要好不幸咁因為病左咩都無理，由佢話事，咁呢！我就中左招啦。

我真係好唔想覺得你笨，不過你真係笨到呢．．．　．．．。一黎就有個唔好既開始，因為我要搭地鐵，天呀！你揀尖咀。天呀！我被迫係尖咀玩兜圈。天呀！你唔知改道。天呀！你揀睇戲先，結果遲到。天呀！仲要十點食飯。天呀！我懷疑同你一齊我六十歲前都唔會有飽飯食。天呀！仲問我想去邊！天呀！已經被圍困啦，仲去得邊。

全晚都叫自己冷靜ｄ，唔好發皮四，但個心除左annoy呢個字，無其他野。食聖誕餐果度有ｄ聖誕禮物包玩，其實我覺得低ｂ如我，同任何人去都會攞住包玩具係咁玩，唯獨對住你，我容忍唔到自己白痴，呢個問題好嚴重，我諗我要正視下。

今日提早左一日去園圃，嘩！無見幾日，ｄ菜成熟左，食得啦！

收晒ｄ白菜，又翻一翻土，移苗，施肥，捉蟲，又一日，番到屋企煮埋黎食，好有菜味，真係似番條菜啦！只係未係正菜．．。

今日終於都send左e-card出去，攪左我好耐，主要係因為．．．哈哈！我白痴。

最後都係有個記起想寄但寄唔到，我真係好無心肝呢！原來Ja寄過咁多次野比我都無save過佢個醫貓不特止，仲無留底添．．>.<。唔知仲有無ｄ漏左既呢？開始有點擔心添．．。

最後我發現原來會寄番黎話我寄左，但係之前果ｄ又無既？0.o"..以為寄唔到啦，點知原來係我唔記得我用左第二個醫貓寄！唉！我都係勁低能架勒！