睇電視既時候無意中睇到呢個節目，講老闆應該點管理，就好似之前BB保你大咁，錄影真實既個案，然後派一個人去話比個主人家知問題係邊度。

最前無睇唔知，一睇就講呢間野因為唔掂要裁員，為左穏定軍心，派左管理人去同ｄ員工傾計，講比佢地知唔會再裁員，希望上下一心，攪好公司，但係管理人做唔到預期效果。

之後特派專員同老闆話要抄左呢位管理層既人，因為佢唔得人心，完全唔能夠勝任做管理。

老闆好唔情願咁抄左呢個幫左佢廿幾三十年既老手，仲同上下員工講明呢件事，話明管理人唔會係公司再出現。之後影番ｄ員工既對話，明顯係開心左同積極左，老闆終於同意管理人唔勝任。

不過，一個星期後，管理人又出現番係公司，老闆始終都唔想抄佢，搵番佢番黎做其他野。

員工見到呢個人又出現係公司，士氣低落。

特派專員見到都愕然＋擰晒頭，同老細再講佢應該點點點，但個老細都唔係好同意。

老闆既主觀有時真係．．．所以天下只要冧到老闆歡心，點唔勝任都仲可以獨斷獨行，尤其係經濟好既時候。只可惜呢個廠經濟唔好，比人狂追債，最後要面對現實，老闆都抄左管理人，管理人去左敵對公司工作，但老闆間廠既經濟不敗反升，生意滔滔。

睇完除左睇到老闆要點識做，都係一個自我好好既提醒，我又似個老闆，又似個管理人，又似個特派專員，更加似ｄ員工，不過都係似晒ｄ唔好既野。

本來今朝要番學，不過都係無番啦！．．

好明顯睇一睇呢個時晨我可以坐係度打日記既都唔係因為唔知醒，只係我呢！呢隻魔王呢！都係慢到無人有！

禽晚的起心肝搵番份超煩功課黎做，夜媽媽捉住同學仔問佢點呀點呀點．．．最後佢比左佢果份我，我就花左半個零晨睇明佢，頂！明都要半個零晨，要我識做可能等十世！變左－＞。

跟住對下同自己唔同既答案，又砌過一條佢話明唔岩既答案，雖然我都唔覺得我會岩左，不過橫掂都唔岩勒喎，自己做都好過抄吖，就係咁攪到天光，攪到就算出門口都會遲大到。

完成左一份，都仲要繼續努力，仲有兩份，不過超級慢勢魔王上身，有排攪，腦呀腦，你醒少少得唔得。到底點解人地咁叻叻，而我就．．．。

　　　八月十五的月光真係好光呀！

　　　光到我定眼望住佢既時候眼都有ｄ唔舒服咁添！

　　　係咪因為佢九年一次最近地球呢？！

　　　又圓又大又立體又光左咁多咁既！！

　　　突然諗起呢首歌仔添：

　　『月光光，照地堂，蝦仔你乖乖瞓落床．．．。』

　　　Gdnite Baby!

好多時無開電話就會有朋友搵，無熄電話就會比ｄ無謂人煩。

今朝收到幾個，不過收完都係有ｄ．．．

首先係一句中秋節祝福，都開心既，不過我搵晒成個電話簿都唔知係邊個黎！唔通係打錯既？

另一個我知佢係邊個，不過個信息係無信息，咩都無send比我仲咩呢？（r-____-")

仲有一個仲衰，我好肯定呢個人無野唔會搵我，有野唔會益我，晨早打黎噓寒問暖一番，仲以為佢轉性，點知又係搵我幫佢！雖然只係舉手之勞，但係今次我學乖左，啋佢都傻之餘仲好客氣咁同番佢噓寒問暖一番，十分違反我一向既真性情，開始覺得有時都真係要世故一ｄ，起碼佢聽得開心舒服啦。

如果係我朋友既話，我第一句就話佢啦，不過點到會幫手，但係有ｄ人真係無必要幫佢，你做老馮，我做老陳囉，就算舉手之勞都唔會幫，呢ｄ就係朋友同唔係朋友既分別。可惜既係，係我朋友既都會想我世故ｄ，真話有時又真係幾唔好聽既，不過係我既立場，朋友無計架嘛，既然無計又何妨真心一ｄ。

我的朋友仔們，中秋節怏樂呀！（呢句好真心既．．）

今日都係好悠閒，全日都只係諗左一科既功課，其他勒喎，都係唔諗住。

夜晚如常番學，不過無功課交，今次個玉面飛虎（博士自稱）拿拿臨講晒ｄ野，早左成個鐘落堂喎！唔知係咪約左佳人迎月呢？攪到我都唔知做咩好，又諗唔到食咩，最後去左維園賞燈，今日多人左好多呀！見到大家係咁影相，同兩日前真係爭得遠，咪又係呢ｄ佈景，果時得我一個影，不知幾咁梳乎。

由於得閒，我係果樹徘徊左一段時間，行左所謂既得奬燈展，睇黎睇去都唔似係水，不過都有ｄ新意既，之後我仲無聊到寫左張紙仔，許左個願，ｄ卡紙都幾靚架，不過玉兔派晒，我得到個桃，都好啦，希望願望成真啦！

番屋企搭巴士果陣，個司機見我跑去上車佢就刪門開車喎！咁我就梗係企左係車前面截住左佢啦，頂佢仲怒啤我喎！ｄ人肉酸個心地都唔好架！不過，我唔會比ｄ肉酸既人影響我心情，今晚既心情忽然勁靚，對住塊鏡見到自己都識笑架！一個如沐春風咁既靚樣．．呵呵！唔知點解呢！

跟住睇到廣告播打邊爐，又想去打邊爐！早ｄ諗起就唔去維園玩去打邊爐啦，攪到而家好肚餓咁添！

呢個中秋呢！最想做既都係放火（同煲蠟可以無關係的），真係好想放火，火光熊熊咁好靚架嘛，不過睇怕都無人陪我玩放火勒！

禽日整左幅砌圖，今日忍唔住係咁砌，砌左一個下午就發現．．．無左幾塊！！！

有無攪錯，電腦拼圖都可以無左幾塊既？？！！！！

真係砌如人生！！！

從晨曦中出發，途中才想起不是要到心目中的目的地，幸好還是及時想起了，想睡還是睡不著，就往吃早餐去，下車後經過海浪公園售票處，人浪如潮，好一個公眾假期，我郤没有假期應有的閒情逸緻。

從一個早餐開始，身體不斷出現微妙的變化，眼皮像寒冬中的被窩子，蓋上了就不想被打開；腸胃像參加了一對一舞動課程，長扭不停；腎像進了獄門，被打了呆針一樣慢條斯理；頭顱像牛頓初次發現地心原來有吸力時，總想把它掉在地上；身體的中樞喉管像跟月亮的引力掛鈎了，潮湧潮退。

我撐著這個身軀到了午飯時，走過大小商廈，尋找飲料的足跡，從左進來，向左離去，遊了個花園，找不著足跡，迷失了方向，如是者，從左進來，向左離去，拖著遲緩的雙腿，咒罵慣性向左走的白痴，你知道嗎？你感覺到嗎？我真的太累了！還來繞了個圈才能回到原來的方向，繼續找尋飲料的足跡，想起剛來的地方不就有了嗎？！很是氣人。又從左進去，欲想向左離去，猛然醒起了剛才的教訓，自轉一個圈，才是當走的路，上了一課地球與太陽系的軌跡活動通識教學自學版（公轉與自轉）。

就這樣一公轉一自轉，午飯時間過去，繼續體驗身體微妙變化時，直到它跟我說，你還是死回家睡睡好了，眼皮應像煮食時的廚具藎一樣，該開時開，該藎時藎；舞動有限時；呆針都會有失效時；小雲都不是集集把頭送給別人；海浪多是平靜。我唯有覺悟，推開課室的一扇門，前往的，郤是一個進行耐力挑戰賽的考場。

試問天下間竟然有一店舖只讓你企到腳軟，没櫈給你坐暖的，以我粗略估計我在那裡的逗留時間是半小時至一小時之間，主要是久等在觀看對手神乎奇技的超級緩慢資料輸入技巧與及苦練了畢生企不腳軟的功力，對手的實力太強，我甘拜下風，離場後決定永遠不會到此等無櫈店舖光顧，要知道我是消費者，但活生生被迫地當了挑戰者，今時今日這個服務模式．．．我會罷買，只可惜不是我買！

最後，還是由黃昏裡歸來。

妖！天光勒，我又瞓唔著，我懷疑其實我係患左食飯失眠症，如果某日既活動只係出一出街同人食飯閒談的話，果晚就會失眠。唉，今日仲要番全日學（全日上堂），真係頂！

所以如果我推你唔出街既話，其實真係唔係藉口黎架，我真係好可能會因為出一出街，痴鬼左唔知邊條線，之後影響晒所有計劃！真係唔係講笑，我都唔知我痴左邊條線，唉！呢個禮拜仲好那多野做添架！等佢教埋課書我又要趕三份功課，真係頂！

睇黎我都病入膏肓，算！

無啦啦通左個頂都算有ｄ小謂，寫好左篇愛的宣言勒！寫既時候至諗，我都唔知佢兩個ｄ野既，又唔醒起問佢有無ｄ咩想亞邊個講喎！算啦，寫止先啦！但係又唔想比主人翁睇先，咪無驚喜囉，點好呢！

我諗我諗我諗我就係咁瞓唔著勒。