本人叮停於昨夜約十一時許感到有一點昏昏欲睡，欲打點一些無聊工作後睡覺，可惜事與願違，無聊過後没睡意。有見及此，便溫習一下，免在床上打滾，没多久就三更半，眼開始困，肚子開始有點餓，心裡不禁掂念著麥氏皮子，還有不多的時辰就可以下樓．．．買東西吃，還是多溫一點書吧！為了給予奬勵，溫一點書就讓自己玩一次電腦遊戲，如是者很容易就到了大塊活開店的時候，商場也只是剛開，全商場都是瀰漫著一股局促的冷氣機氣味，還是外賣回家，只是吃下丁點，肚子就做反應，或許整夜没睡是不該吃的，但還是阻止不了食慾剎它一個片甲不留，剩下的只有一杯充滿咖啡因的熱咖啡，正猶豫著．．．

『想睡不想？！』咖啡恃勢不饒人地說道。

或許咖啡不需真的品嚐，只需一個深呼吸，撲鼻一口香濃就心滿意足。（是升仙了吧！）

該睡的時候不睡，不該睡的時候又想不睡，我還是可以做太多無聊的事，只是正經的就没什麼精神作了，那麼．．．怎麼．．．

開始語無倫次，報告暫時告終。

此致

管你睡極有限公司

『美味可口，能迅速消除熱氣及腸胃不適，令體內機能恢復正常。』以上訊息係由以羅菓子鹽提供。

係唔知飲咩好，又想體內機能恢復正常既情況下，我決定將佢吞落肚，細細個果時真係幾鍾意飲佢架！貪佢"時哩沙啦"既聲好得意，就係佢起泡既頃刻之間把佢幹掉，令人有種莫名興奮既感覺，不過大大個就無咩點飲勒，都唔知點解飲飲下亞媽唔買就無飲囉，攪到我而家都唔記得係落水先定係落鹽先勒，最後都唔知係我安排既先然次序唔岩定咩呢，未飲就起完泡，唔好玩既，仲無細細個果時咁好飲添，唔怪得放左係度無人飲啦。

自從某人腰骨痛瞓廳後，間屋就我獨佔啦！於是連日黎都係天光至瞓，半夜才是讀書時，我已經完全日夜顛倒左，雖則係就係唔好架勒！不過鬼叫我要超靜至可以專心咩，都係因為咁，至有番ｄ進展咋，不過出現左副作用，我個樣已經唔稱得上係人啦！仲有久違了的病徵（其實都唔係久遠了，只係嚴重左！），都係頂到月尾者，我得既。

總之無人騷擾既靜夜，可以為所欲為就正正啦！

今日邊度都無去，安坐家中。

我要努力向上∼∼不枉豬君寄望∼∼我要發力向上∼∼

時日真真無多呀！計劃下個溫習屎加早先。

要努力一點，都要溫得精明一點，唔識既就放埋一邊先，溫左ｄ識既先。

於是，進度尚算理想，但係我個進度表無加到做功課既時間，唔知最後攝唔攝到期呢！

本來想聽番d錄音，好好咁溫下書，聽聽下佢又啞左，又唔知由幾時開始，佢會出出下聲話啞就啞，但係瞓醒又無事架喎！真係激死！又比個藉口我唔溫書走去玩啦。

乖啦！聽話啦！除左要係咁同自己講，仲開始要對住個電腦講。

禽晚好早想瞓，不過又想睇電視，睇完又精神晒，結果無聊到深夜，唔知等咩咁捉住隻老鼠係咁游，游下游下又有野諗，諗下諗下就仲精神，結果今朝早至瞓，對我黎講通頂真係太易。

到底我幾時學識係個電腦前面呆既呢？都係個死人頭．．．　．．．。

好唔願意咁起身，約左妹子同佢補祝生日啦，不過無約到禁釘先生，自從提起呢個人，就有幾個人樣砌圖出現係我個腦，到底邊個至岩呢！還是都係認唔岩人呢！越黎越想知添。

最後去左意粉屋，又食芝士火煱，都ｏｋ，不過上次好似好味ｄ，應該係ｄ什錦好味過海鮮既關係。今次見妹子又白左又瘦左又滑左喎！牛一係唔同ｄ既．．。

補祝你　生意興隆！

            萬事如意！

            日日都心情好！

成日覺得今日係星期六，起身覺得唔同左既，唔係星期六咩？一問就狂比人串！我要有番ｄ時間觀念至得。

下就係多度玩左半日，最鍾意同人胡扯，胡扯既時間過得特別快！

夜晚有d唔開心，今次到我現眼報。走左個死人頭，又黎個死八公，哼！我唔會因為咁掉下眼淚來咁浪費既，真係現眼報，我以後會對人好ｄ架勒！下次就可以現番ｄ好報啦。不過其實最衰都係女人，如果有個男人既腦袋，可能就唔會自尋煩惱。

禽日有人無啦啦發神經，我都懶得理佢，但係佢就係咁叫住我個名，真係關我茶樹咩！係要我係度睇佢發神經，我就梗係無佢咁好氣啦！佢有佢發，我有我玩．．。

呵呵！今日就現眼報，發神經者神經發炎，痛到唔郁得喎！

不過，又係搵著我黎攪，我做左妹仔，佢做左皇帝。

今晚上最後一堂，即係話呢個課程，我既學業，暫時又劃上個句號。

今晚上微觀經濟，急口令咁講埋對上未講完既課題，又講多一個課題，再講埋Assignment都已經十點，最重要既考試範圍終於出場，真係作死，佢講既課題無一個可以係我個腦度出現少少頭緒，我真係有善忘症架！

睇黎要重頭讀過。

放左學，好肚餓，又心情好，真係好想大吃一餐，不過自己一個大吃一餐似乎悶左ｄ，邊個會係十點幾仲有可能未食飯呢？我諗左好耐，打左幾個電話，結果係無。我既煲仔飯同打邊爐即時係個腦度碎裂左。

就係約十二點我就黎番到屋企之際，收到個信息：朋友仔要珍惜，唔好因為害怕打擾而不找對方．．．(下刪數十字）。我心裡面就不禁：妖，你早ｄ打比我，我就搵你食飯啦！最後都係番屋企食自己．．．。

就係我因為上完最後一堂而自我感覺良好之際，諗起原來之前計錯數，我唔記得我欠交左兩份功課，要番比人，嘩！咁我又要好得閒地唔得閒勒！

加油呀！努力呀！就算你係豬，都係全世界最叻叻既寶貝小豬嘜BABE！＜－－－自我感覺痴線中

金焦味訓娣Power of time，港佐過固樹：--

『友過俗將銅有仁虛打聶，吳少深打鮑佐泣瘠首旨恭，有仁袖按胃梗港：姣樹黎既。

俗將姣糞露，袖腰有仁逸勞，張渠溫止。燃后毛計逸，俗將虛佐過胡鷹虛既心淋打聶，睥蝕淫濁足止腰蝕佐渠，典豬建渠毛佐瘠首旨恭，煙謂迷扇，胡圓靜既淫胡蝕，袖防佐渠。

俗將迴萊袖防番渠有仁，銅渠港：曾系姣樹黎既，媧胡煙蓋張里溫止。

有仁撘：胡系，姣樹黎既，胡系喎以驚銅里虛佐打聶。』

呢過固樹既校瞓系：友薯住乳圍胡姣既，棋拾刀系姣樹。