| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 29 日 星期四  | |
| 我不要這樣下去 |
我告訴我自己 我不要這樣下去
每次下定了決心還是在妳的面前舉起了白旗
我看著鏡子裡的自己 我有點無能為力
不期待妳會改變 會回心轉意 我只能選擇逃避
讓時間 慢慢解決問題 就讓時間 慢慢解決問題
|
| 刊登時間︰2006-06-29 10:44 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 26 日 星期一 | |
| [ 此日誌受密碼保護 ] |
|
| 刊登時間︰2006-06-26 04:35 PM |
| 見工 |
見工好，唔見工好，見工好，唔見工好，到底我去唔去見工好呢！-__________-"
心情又好鬼矛盾，鴨利洲喎！見成都唔想番啦係咪？！但係朋友仔又話唔駛一個鐘．．．但係朋友仔好似成日都早番到公司架喎？！
係我想去見既時候，又有ｄ諗法令我唔想見，係我諗住唔見既時候，又有ｄ諗法令我想去見．．．咁點好呢？又黎隨遇而安？瞓醒有精神就見？我由禽日兩點到而家瞓左都唔知有無一個鐘頭覺，但係而家好精神，咁到底我聽日會唔會咁精神呢？就係我預備填佢份form既時候，我醒起我唔記得copy，聽日佢問我攞既時候唔通我話唔記得咩？乜叉都唔記得都唔知點做人架！！ 仲衰到咁岩屋企無晒白紙，咁點好呢！
難得而家既心情雖然有ｄ壓力，但係仲係非常十分極之平和，好奇怪。好快又要找數，我真係好需要一份合適既工。 |
| 刊登時間︰2006-06-26 12:15 AM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 6 月 25 日 星期日 | |
| 生BB |
岩岩睇完個電視節目講試管嬰兒，生BB真係慘，又一次証明男女有別，十分之唔公平！男人既生仔黃金期同女人簡直係天淵之別。廿五歲有BB既機會係50%，三十歲就係40%，四十歲呢，得番20%，以而家一般人結婚都廿到尾三十黎計算：第一就遲婚啦！第二就係結左婚都無咁快打算生住啦！第三就係諗住生都會試一兩年至會諗睇醫生啦！根據以上既普通情況，最後搵醫生幫手既時候，黃金期已所剩無幾勒，醫生話即係一般得五年時間生仔，如果係四十歲以後，醫生都愛莫能助。
原來要試管BB成功係母體生長係好辛苦架！要做手術但又唔代表一定成功，片中既女子就試左六次，仲要第十日就嘔到入院瞓床，嘔左都唔代表成功架喎！生仔已經夠辛苦，仲要經歷好辛苦至有到仔既階段，我忍唔同乘機同媽媽講：好難得有到仔架你又唔珍惜，點知佢見到電視上個女人好慘咁就忍唔住乘機講：咁辛苦就唔好生啦。= ="
我覺得係呢個範疇上，做女人好慘，我係咪應該賴夏娃呢？？
同埋諗起兩個人，一個係林青霞，點解佢會生極都有既？一個係而家廿幾歲，唔想話比人知佢已經有個成十歲大既女既朋友仔，老實講我都不知幾想，如果我個女而家十歲，一齊去玩都得呀！仲無代溝添，真係幾好。 |
| 刊登時間︰2006-06-25 08:33 PM [ 訪客留言(0) ] [ 編輯日誌 ] [ 分享至FACEBOOK ] |
| 我就係咁 |
其實係呢個零晨五點既時刻，我真係有ｄ想瞓，不過就梗加想食野，只係屋企無野食，咁點呢！就唯有等囉，等到天光就可以落樓下買早餐勒。
呢兩日咩都無做過，本來諗住只係抖一日，考完Law都好應該者，然後我就抖左兩日，仲好似無咩意欲開始溫另一科添！因為無返學，考試範圍一蓋唔知，溫晒嗎？其實我都唔知可以溫咩，Rita講得好空範呢，好似黎來黎去都係果ｄ，又好似有ｄ唔同，總之就唔知想點，好似我而家咁，唔知想點！點溫好呢？？突然諗起美女廚房，我就好似唔識煮送既大小姐第一次生劏龍蝦、蝦、墨魚等等一樣老鼠拉龜，不過我就抵死ｄ，鬼叫我唔返學咩．． 。
全日係咁打機，個心又諗住要溫書；想瞓勒，事實就去左睇電視；到真係瞓果陣，個心又想住溫書；好勒！真係溫書勒！個心又想呢樣，又想果樣。我幾時至可以學識專心ｄ呢！ |
| 刊登時間︰2006-06-25 05:10 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 21 日 星期三 | |
| 無聊家庭 |
還以為爸爸又開始上班，我就可以安安靜靜，專專心心地溫我的習，天生已經是個毫不專心的孩子，還生存在極之無聊的家庭．．= ="。
無聊事件１－只有我和爸爸在家的時候：
他有他獨個兒在廳看電視，我有我獨個兒在房幹活，已經毫不理會他在自說自話，但還是指名道姓地跟我說著電影機裡發生的事：ｘｘｘ你話係咪勒！ｘｘｘ佢講咩？吓！吓！吓！．．．．．．．．．．吓咩呢！！！我又不是在看，又怎麼知道電影在講什麼？？？？？ 。
無聊事件２－只有我和爸媽在家的時候：
他們有他門在廳胡說八道，我有我獨個兒在房幹活，亦是没有理會他們的對話，但還是指名道姓地跟我說．．． ．．．
媽：ｘｘｘ你話我地邊個大ｄ
我：......你講咩大ｄ先！(又關我事????!!!!!)
爸： 中
原來佢兩個拗跟邊個肚腩大ｄ，仲要攞把裝修用既鐵尺度。．．． ．．．= ="
想在這家得到一日的安靜難度是十，因為就算在房睡著，只要他們還未睡，都會在電影賣廣告，得閒無野做的時候，開開房門看看，似乎驚我會睡眠窒息一樣。原以為只有唯一没這麼無聊的媽和我在家會好一點，但今天的媽似乎拈染爸的習慣良久了，回到家就不停自說自話，自說自話，自說自話，自說自話，自說自話．．．．．．．．．．．．．．．．．．．．
|
| 刊登時間︰2006-06-21 05:43 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 19 日 星期一 | |
| 女人用水造？？ |
好無聊咁玩左幾個無聊的心理測驗，呢個都算係最無聊的：
以下五種「水」，你最喜歡哪一種呢?
A． 小溪 B． 瀑布 C． 河流 D． 湖泊 E． 大海
諗黎諗去都唔知揀咩好．．．之後睇下個答案，果然五樣都得，呢個算係咩心理測驗，好無聊！都係溫書。
（答案用左隱形墨水寫，聰明既人至會睇到架．．）
A． 小溪---你很善解人意、心思細密，不過你亦是個相當敏感、脆弱的人，感情上很容易受到傷害，你只會將你不開心的情緒埋在心底，令自己容易變得情緒低落。
B． 瀑布---你是個坦白、直率的人，勇於面對自己的感情，有什麼開心、不開心，都會直接的表露出來，喜怒形於色。當你喜歡了一個人時，也會說出來，不會掩飾。不過你的感情過份單純，容易被人利用。
C． 河流---在感情世界裏，你不需要激烈、熱熾的感情，只需要溫和、安穩，平淡一點也不怕，最緊要讓你感到舒適自在。你能夠跟別人維繫良好的關係，但同時又會保留一點的自我空間，在感情世界上，很會取得平衡。
D． 湖泊---你有豐富的感情，而且會很直接的表達出來。在感情上，你最著重的是自由，如果一段關係不能讓你隨意的表達自己的情感，又或經常給人管束著，你一定會感到窒息而離開的。
E． 大海---你的感情像大海一樣洶湧澎湃，情感極度豐富，但情緒起伏大、亦很極端，經常大哭大笑。你渴望有轟烈的感情，太過平淡的會覺很乏味。你會很直率的表達你的情感，從不掩飾造作。
|
| 刊登時間︰2006-06-19 04:28 PM [ 訪客留言(0) ] [ 編輯日誌 ] [ 分享至FACEBOOK ] |
| 父親節 |
禽晚好夜至瞓，今朝準時九點未夠就起身，一起身就發現手臂上有很深的指印，我諗係我瞓覺果時，左手無意間捉住隻右手攪到咁！左手同右手幾時熟到咁我都唔知既？？真係一ｄ印象都無喎！足足半個鐘頭後，四隻手指既紅印至退色，連瞓覺都咁肉緊，唔怪得之平時瞓得唔好啦！
今日既天氣真係唔錯，陽光燦爛，攪到唔夠瞓既我暈暈地，不過都好安全咁抵達目的地，嘻嘻，今日我約左天上既亞爸父，完左祟拜呢，就約左地上既亞爸，等位飲茶又等到我暈暈地，由起身番祟拜到飲完茶，共花左六小時，一日就咁過左咁，時間真係過得快呀！
之後，我老豆自己唔知去左邊，晚上呆等佢番黎食飯，到左而家佢都未肯瞓，仲睇繄波，但係佢要三點起身．．= ="。 |
| 刊登時間︰2006-06-19 12:32 AM [ 訪客留言(0) ] [ 編輯日誌 ] [ 分享至FACEBOOK ] |
| 天狗ｖｓ加旋 |
平時既星期六晚上都會睇深夜既卡通片，天狗同加旋都係其中好鍾意睇既卡通，不過天狗已經好突然咁大左結局，亞鈴死左，勁sad，好少睇卡通片睇到喊。今個星期無得睇天狗，隨之落黎３點至做既加旋變得唔知睇唔睇好！不過都睇埋今個星期啦．．，放假嘛！上網睇過天狗ｄ野，原來都唔係電視台播唔晒，都唔明點解日本ｄ卡通成日都得一折，唔似結局咁就無得睇勒！= =" |
| 刊登時間︰2006-06-19 12:12 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 6 月 16 日 星期五 | |
| 世界盃 |
每逄四年一度的世界盃時間，通常身邊總有一些人熱烘烘地追看這盛事，但今屆郤少了這些人在身邊，有點冷清。
因為放假的關係，昨晚頭一次安坐家中看完全場英格蘭對千里逹，全場英格蘭有很多攻門的時候，但都不能入籠，真的想打扁那個白痴，白白浪費了很多大好機會，再加上親眼看著已盡失光芒的奧雲被調出場，四年前光芒四射，四年後．．． ．．．
四年前我和一班弟兄姊妹一齊在明暉營看世界盃決賽，四年後．．． ．．．
今晚阿根廷的神乎奇技6:0大比數完場，看完上半場已經無心機繼續看，羸梗的波不好看。不知跟著的荷蘭又會如何呢？！ |
| 刊登時間︰2006-06-16 11:38 PM [ 訪客留言(1) ] [ 編輯日誌 ] [ 分享至FACEBOOK ] |
« | 35 | 36 | 37 | 38 | 39 | 40 | 41 | 42 | 43 | 44 | ... | 71 | »
|
