今日放左自己一日假，都幾開心，因為要做既野都無做(留番而家做)，全日好閒咁過，時間係自己掌握既時候，過得真係好快呀！聽晚就Test勒(應該話今晚)，懶散呢個劣根性都依然持續，我仲有兩課未睇，雖然死硬，不過我會用平常心去面對既，始終醜婦都要見家翁，頂住呀！(開始有ｄ眼瞓添．．但係無咩頭緒喎！邊度溫起好呢．．= ='')

昨晚看女人唔易做的時候，劇情講到羅慧娟的老公給她表妹搶走了，鄧萃雯教她如果想老公回轉，第一樣是千萬不要找他，先要完完全全的放手．．．然後我想到了一些事。

今日的心情不怎好，身體也不怎好。回到公司没精打采地工作，忽然在公司裡行過的時候，姥姥叫停了我，主動問我那件事進展如何，那件我上星期對她說，她玩耍了我一輪後想為之卸責的一件事，那天我氣憤難下，可惜我不能作什麼，就吞一口氣不了了之算了，是她忽然良心發現還是什麼？難道當事情放下來不處理，反而更好？

回到家，問題又來了，又問我同一個問題，似乎這些事是三日兩天內可以了結般！答到的之前都答了，答不到的還不會在今天就能解答吧！人又忟了！這件事可以放下來不處理就好了嗎？

心情真差，未來的事還是未來解決。『你們要休息，要知道我是　神。』現在我先要好好的休息，為測驗而努力！又要請假了．．>.<"！！

【人生篇】
 
急事，要慢慢講。
大事，要清楚的講。
小事，可幽默的講。
無把握的事，要謹慎地講。
無發生的事，不要亂講。
做不到的事，別隨便講。
傷害人的事，不能講。
討厭的事，小心地講。
開心的事，睇場合講。
傷心的事，不要見人就講。
別人的事，最好唔講。
自己的事，聽聽自己的心怎樣講。
現在的事，做了再講。
未來的事，未來再講。
如果對我有不滿意的地方，請一定要對我講。
樂不可極，樂極生悲。
不勞而獲無道理，勞而不獲無天理。
交一友要千言萬語，失一友只三言兩語。
富貴如浮雲，得失不須記。

　　網花今日都終於開花勒！個樣都ok呀！起碼唔太怪，不過呢我發現好似好多人種既第一棵都係呢種花，普通得很呀！搵左棵評分頗高既花黎配種，嘻嘻！唔知出黎會似咩呢．．好期待呀！

今晚又掛住玩無溫書添．．>.<''，玩既時間過得特別快！

禽晚出去飲完野之後，番黎就唔舒服，雖然好早就醒左，不過乜都做唔好，於是開住部機，搵下種子，今日似乎幾好彩，搵到好多種子，有ｄ因為我眼盲手慢地錯失了！最後都搵到七粒種子，即係仔仔既草原可以開七種植物勒..^^v。

　正所謂物似主人形，我的滴滴仔都很貪睡哦！全部都睡著了！

網花就好成功咁就黎種到開花，可惜現實果ｄ一粒種子都未發芽，唔通真係放得耐得滯？= ="，有點失望。

不過，到底網花開出會係咩樣呢！好緊張呀！希望唔到怪樣啦，因為呢個係日本人設計既玩意，有ｄ花可以係日本古時ｄ人樣，好恐怖耶！ 希望佢生生性性，靚靚仔仔。雖然人樣花都好稀有，不過留番第日至有會好ｄ，第一棵花花都係靚靚仔仔既好．． 。

今日好唔開心，裡裡外外都係令人咀喪既消息，原本打算放埋個假就二話不說唔撈呀！仲想打定信，可惜最後都要打消呢個念頭，忍忍忍忍忍，我真係好唔開心！想為而不能為之，是一種束縛。咩中風先兆呀！咁講我真係好驚架喎，好無夸，有咩我可以做得到，或者我可以做得到既，就係再開心番一點，既然我無咩真係可以做得到。

今日係關於小水滴既網上睇左好多野，嘩！人地果ｄ好靚架！可惜我試完又試都整唔到．．>.<，越睇就越複雜，激死！玩左成晚都係得個吉。

唯有整住個唔靚既先啦！

我見到其他人都有幾隻係草原，到底點解可以咁既呢．．f(= =)。快d大啦！

"歌莉亞"番埋今日咋，"亞曼莉"就今日遞左辭職信，唔知幾時可以到我呢！努力搵工呢個動作都未郁過．．>.<。

因為"歌莉亞"走,今日經理請食飯，又係去新太秀，我同"美菲"同"驚你乎"真係食盡佢咁，除左叫自己果份，仲額外叫多一客壽司拼盤，基本上我同美菲的心態都係唔多like，所以有咁貴叫咁貴，好可惜果度食到最貴我諗每位都只係百零二百蚊，唔知"驚你乎"係咪都同我地一樣搵食野黎發洩呢。

放工番學，番到咁上下既時候開始聽到隆隆巨嚮，係一間冷氣開放的密室大廈裡面清楚地聽到外面轟轟隆隆，想像得到雨勢有幾咁慘裂，都好在，放學時落到去都只係一般大雨啦！諗下點番屋企，最後都係選擇原有路線，可惜雨勢越黎越大，我就越黎越狼狽，不過，係低谷既時候，可以試下望一望身邊既野，就係我好冷靜又帶幾分狼狽咁輕盈地走過馬路既時候，我望到一個貎似金城武既靚仔，就係我走到去佢企緊既巴士站，我地四目交投，真係好靚仔喎好似．． 。好可惜我唔係呢個巴士站等車，於是，我好瀟灑咁揮袖離開左佢既視線。

頂！真係好大雨，走到天橋邊沿邊而行，突然"逢"一聲，倒水咁，上面ｄ車行過淺晒ｄ水落黎喎 ，好在行慢左兩步。濕住兩條腿咁上到車，我就諗起，前兩天我至同人講好耐無淋過雨，然後心諗：我都係話細個係屋企附近淋雨好好玩，好耐無試過啫。點知好諗唔諗，落車果一下係極大 ，我又心諗：我係想淋下雨，不過都唔駛半夜掛．．>.<"，又到左望一望身邊既時候，其實係我仲諗緊，就有個應該唔係香港人既General Man話遮埋我，太感激勒 ，連忙講唔該晒，但我發現佢係唔識聽架。

呢個故事教訓我，係低谷既時候可以望下身邊既野，或者，美好既事，同時係你身邊發生過。