今日去左電髮，係睇到傳單去，本來諗住最多三舊零攪掂抵抵抵既，但係去到見到就覺得有ｄ出事，因為超多人，而環觀週圍電完髮既人都．． 。

然後，小姐問我搵咩師傅，傳單上套餐價係junior整架，而果度既junior真係好jun咁既樣，唔敢搵個頭交飛之下搵左director，小姐話都係三百零度既，但係師傅話整好ｄ就整左個四百八，都係果句，唔敢搵個頭交飛之下．．就點左個頭。

師傅問：想點整？

我：唔知呀！總之唔要師奶唔要娘。哈哈！

師傳笑，然後又問：前面想點整？

我：唔知呀！你話事，總之要靚。哈哈！

師傅又笑，過一陣又問，後面想keep呢個長度定短ｄ？

我：唔知呀！其實我真係無所謂，靚就得架勒。哈哈哈！

於是戰戰兢兢咁整，未到最後一刻都唔知變左咩樣，越坐就有ｄ越驚，其他曲髮女士既曲髮都唔係我心水既，到底我呢個頭會變成點呢？ 整到成個頭都係圈圈個樣真係幾攪笑，果一刻其實幾想影底佢架！

好唔容易，新頭面世，director果然係有一手，呢個款係我其中一個覺得幾好既曲髮，勁yeach呀！不過唔比梳頭喎，仲要搽cream至夠令令．．嘩！支cream都＄166喎，妹仔就黎大過大婆呀！仲未計我要買過既相應新裝．．

P.S.第一時間的評語:

1.嘩!乜咁老呀！<---我都覺得好似老左...不過咁咪襯我年紀囉..呵呵!

2.幾好睇吖！<---呢個好明顯係世界仔既答案。

3.你唔好傻啦!以為好靚!<---係呢位人兄見到我既一剎那，我係呆坐中，都唔知佢係度，唔明點解佢以為我以為好靚！

***電完至記得未攞新身份証，呢個咁既頭影相真係．．． ，點算好呢!***

今晚去左睇套房，係預算之下草草睇左兩間，其實無打算租，只係想搵個比較，呢兩間房有個特點，就係有後門，真係好方便走路．．哈哈，話就話有多個門口可以放多ｄ野，起碼可以放鞋，但係似乎都係多一個危險，因為一道木門就登門入屋勒喎！

呢度既好處係治安好，有大廈管理員，唔駛行樓梯同埋近返學；可惜地方細左但係租金仲貴左，兩大重點唔合符我既最佳選擇，而且如果係九龍返工，交通費都唔平得去邊呀！

附近都有唔同既招租宣傳，但看看電話，其實都係同一伙人．．=.=。

唔知係咪Test得多，越黎越無咩感覺，聽日就Test，連睇都未睇晒唔好話溫勒，但係我一ｄ感覺都無，只係覺得無理由唔掂下，所以點都坐耐ｄ啦，但係唔知係咪之前早瞓慣左，以前係呢個時候仲無比精神既我，呢兩晚都變得好眼瞓，無左要攞A既慾望，就好似括左出去咁，合格都算勒．．幾時開始變得咁無慾無求既呢？！

我只係想唔駛重讀，呢個要求會唔會定得太低呢！通常我set攞A，最後結果最好都只係C... 。

今日行過見到promote card counter，係咁叫人申請卡，其中一張係想申請左好耐既Heroic Rendezvous，好想換佢隻公仔，其實係未有呢張卡之前已經係專櫃度見過放晒著左唔同衫衫既bobbie&nette，已經好鍾意，只係因為佢貴，又無咩用，又要搵地方放等等最後都無買到，而家簽卡就有喎，雖然ｄ衫唔靚，仲要簽$4500，所以一路都等，等下幾時要買野，等到始終都無申請，之不過係個counter度行黎行去，每次都有人極力推銷，最後都係忍唔住，簽咩好呢．．． 。

其實對上申請張卡ｄ數都未還完(申請左兩個月，簽帳已經遠超想像幾倍！=.='')，真係唔應該係呢個時候又加多一張，我又諗起係時候的起心肝搵野做，消費果然係努力工作既動力！

我發覺我真係癲架..吼!!

係呢一個星期裡面，好似早瞓左兩日，一日唔願醒，一日唔知醒，返到公司都仲要眼瞓添！反而返完學夜瞓果晚，第二朝就安然無恙，星期五就唔好講啦，好夠瞓，咩叫瞓到自然醒起身就係咁勒，不知幾咁滿足，只係．．．星期六無里啦喂瞓唔著，其實我已經好攰，真係唔明。

本來諗住唔去踩單車，點知瞓唔著，就算係屋企都只有空呆，死就死去啦！

今日既天色一般咁啦．．大霧無乜陽光又凍，走既時候見到真真塊面紅左兩撻，唔知係熱定吹到爆"冊"呢！不過沿途風景都ｏｋ架，係停留既薯候都影左ｄ相啦。踩踩下既時候突然有度特別香，真係好香，望下原來係拜神既地方，好多香燭，點解我會覺得ｄ香燭香既？？？ 無幾耐．．就．．無啦啦跌左係樹，因為要過馬路停左架車，無撞到任何野，只係落車隻腳要放番出黎既時候鈎住架車，咁就連人帶車坐左係叢林中。返到屋企，個死野一見到我就話你今日炒車哩，(咁都估到？！ )死口唔識，其實都唔算炒車吖，仆街咁ｄ．．

咁岩，我又攪呢攪路攪遲左出門口；

咁岩，門口部升降機壞左；

咁岩，去到車站見到想搭架車開走左；

咁岩，另一架無諗住搭既車正在上客；

咁岩，上左去就發現唔記得帶銀包；

咁岩，屋企有人，打算叫人幫幫我．．．講左一大輪最後既答案係"你番黎攞呀？"

咁岩，講得黎都差唔多到屋企，攞完走人。

咁岩，就近既升降機上左37樓；

咁岩，樓下部升降機上左36樓；

咁岩，再落樓下就係正果層樓；

咁岩，落到車站又見住想搭架車開走左；

咁岩，唔諗住搭果架車又開；

咁岩，大顆兒食完一餐晚飯；

咁岩，有人車番屋企；

咁岩，升降機已經整番好；

咁岩，佢係我到既時候之前剛好關上門，直上到廿幾三十樓．．．

P.S. 今晚係小學同學"週年"聚餐，係度講結婚，諗落都真係幾煩！從大家既說話當中，睇得出成熟同不成熟之別(基本上樣貌大家都好ok..呵呵)，我諗我係唔成熟果種，但係，都幾想變得世故點，唔知呢ｄ有無course可以讀下架呢！

依然相愛 (李克勤、關淑怡合唱)

曲:胡偉立    詞:小美    編:盧東尼

(女)明白是終須一別  其實未甘心放開
日後你失意若不好過  仍然想起我麼
(男)平伏內心的激動  忘記過去的溝通
如今跟影說著：「我愛妳」
願憑清風飄進妳夢
(合)發現既然分不開  相信依然可相愛
明白我能下決心為妳為妳變改
(男)愛在風雨夕陽
(女)願能一起奔往
(男)任兩心留在
(女)兩心留在
(合)愛內
Repeat all once

(合)發現既然分不開  相信依然可相愛
明白我能下決心為妳為妳變改
(男)愛在風雨夕陽
(女)願能一起奔往
(合)任兩心留在深情愛海

禽日係履行計劃既第二日，所謂人算不如天算係無講錯既．．=.=，係第二日，我都好開心咁成功早睡架，之但係唔知係咪開口"及"著"利"既關係(前兩日成日講開我呢排無乜點請過咩假)，今日就衰左，竟然唔知醒起身喎！

醒起一係唔返，係返就返全日既理論，算啦！唔返勒．．可惜今晚要返學，死死地氣，返半日啦！通常劇情都係咁，返工就無咩野做，唔返果日就好多野做，返到去已經成堆野係台面．． ，我今日一定準時走架！

返到學開始講motivation，到底有幾多打工仔係全情投入，為公司做到最好既呢？"都係打份工者"，呢類答案就聽得最多！對我呢ｄ小小薯，我已經覺得好over stardard，好對得公司住，你睇下佢點對我，今日都未出糧．． 。

禽日好得閒咁，諗下有咩好做！ ．．

新一年開始，又經過第一個挫敗，一於就整個每日計劃比自己先！攪掂之後，表現出好滿意狀 (遲d睇下有無機會比大家睇睇我個計劃呀下！ )，機本上的活動係上網，睇電視，小休，溫習咁架，跟住至諗起，哎呀！我唔記得左計我去玩既時間添！又証明左我既白痴．． 。

不過聰明既我隨即想起．．呵呵，我個計劃係順應我既回家時間架，即係話，七點返到屋企會做ｄ咩！八點返到屋企會做ｄ咩咁．．所以無計到去街時間係無所謂架！呵呵！如果天使同魔鬼可以集於一身既話，我諗白痴同聰明都可以集於一身的。

禽日第一日試行，一半成功啦！(聰明既人係唔會話呢d係半失敗的)，因為都係無溫習，不過十點半我就上床瞓勒，都算係咁啦！ ，之不過，五點無拿拿扎醒左，再岩岩瞓返著就要起身，攪到成朝都想 ，仲橙過三點至瞓呢！

今晚都可以十一點瞓，都係成功左一半啦！

話說每年聖誕都會準備些小禮物給預計會見到的朋友仔，但今年窮，所以無，反而每年都差不多不會收到什麼聖誕禮物(交換禮物除外)的我，今年意外地收到一些，最多的是朱古力，實在好好味，記低睇下可唔可以買得番先，^^！

1.Flower Fairies Velotti

2.vochelle cranberries

3.Royce'Aroma Chocolate

***我要解釋下，放咁大張相係度既主要原因係我覺得－"個相框"好靚呀！唔捨得縮細佢。 ***