自從上學後，習慣在網上搜尋資料，有用的，没用的，一大堆，看得人眼花撩亂，有時也很煩人。及後開始甚麼都在網上搜尋，憑著幾個字，可能找到一些意想不到的收獲，例如一些遺忘已久的東西。

無意中尋到久違了的一種感覺！以往我還是蠻愛打書釘的，聽著歌，感覺是另一番寧靜。

誠意推介此網頁，阿麥書房：http://www.mackiestudy.com/　(要開喇叭呀!歌很好聽的!)

其實今天想尋的，是一個夢．．(哈哈,我參演的一套劇,暫不公開劇名先.. )，誰料連一張像樣的宣傳稿都找不到，郤找到同劇相關某人的生活日誌，看來．．呵呵，像在偷看別人的日記呢！公開的秘密，原來有些事還是不要太公開。

找了很久，才找到該找的，開始懷疑，除了自己人到底有誰會看這劇．． 。再看看．． ，幹嗎有日夜場的。辛苦晒亞媽個女．．

今晚唔開心..

睇電視裡面講到一個藝術家，裡面有一篇形容媽媽的雕塑。磨．．．磨到手指都平滑了，指紋都没有了；然後又用牙磨，牙齒都磨短了，磨到神經線就痛，痛多了，神經都死了，就不痛。母親的臉容還是慈祥的。

我在想．．我以為去到痛就應該完。那麼，牙就只會一直痛；没想過堅持著痛，有一天神經都死了，就不痛。

唔開心係咪都可以咁呢！

醫神出道以來的演唱會及音樂會：

06-08/03/1998 - 我的快樂時代演唱會 (藝術中心) <-------------------- 有睇！ 07/1998 - 商業電台樂人谷 - 祝你Eason快樂音樂會 (香港) 12/1998 - 新生活音樂會 (香港) 29/12/1998 - 新城電台 - 每日超聲道演唱會 (九龍灣國際展貿中心) 15/06/1999 - 加洲紅紅人館903狂熱份子演唱會 (香港紅館體育館) 1999 - Extra醒字派音樂會 (香港) 07-10/10/1999 - 陳奕迅大個唱 (香港紅館體育館) <-------------------- 有睇！ 12/1999 - 叱吒903狂熱份子音樂會之六神合體音樂會 (香港) 05/2000 - 叱吒903啦闊音樂 <Eason & Fans音樂會> (香港) 26/12/2000 - OK便利店Eason & Friends好OK音樂會 (香港) 12/05/2001 - One2Free 903陳奕迅音樂自由Live (香港) 09-17/11/2001 - The Easy Ride陳奕迅演唱會 (香港紅館體育館) <------------ 有睇！ 14/12/2001 - 2001拉闊壓軸林子祥&陳奕迅 (香港會議展覽中心) <------------- 有睇！ 06/01/2002 - CTM型格出色演唱會 (澳門綜藝館) 26/10/2002 - 新城唱好Eason & Girlfriends音樂會 (香港會議展覽中心) 16-22/02/2003 - Third Encounter陳奕迅演唱會 (香港紅館體育館) 12/07/2003 -「小妹妹愛上大哥哥」音樂會 (西環西港城) 05/09/2003 - Third Encounter陳奕迅演唱會 (紐西蘭) 04/10/2003 - Third Encounter陳奕迅演唱會 (澳洲) 27-29/11/2003 - 陳奕迅演唱會 (美國) 10/12/2003 - 903 id club 拉闊音樂會 (會展新翼Hall 3) <----------------- 有睇！ 14/02/2004 – 愛的希望演唱會 (台北) ． ． ． 由醫神出道至現在，我可以購票入場的演唱會都幾乎無一落空，2006就當然會繼續支持啦! 我有一個願望，希望會成真啦！ 千萬千萬不要撞期考試呀！

今日番到公司發現塊面好紅，我諗就好似鄉下ｄ小朋友塊面咁，唔好以為佢白裡透紅，其實係乾到"爆冊"，超級唔掂，好在兩日前美容院打電話黎叫我去做facial，都好耐無去，原來我仲有好多個facial course未完呢！

經過成年無去，今次佢請左個新人，手勢真係唔錯，仲按埋個頭，成手香薰油按人個頭，真係有ｄ奇！同埋我明顯地左肩攰過右肩，按既時候就覺得左邊好似腫左一舊咁，好騎呢！

特登係做之前望望個樣，無做咁耐，真係好見效，即刻白滑左咁，於是乎，無緣無故又花左千零做機．．．=.=!

算啦!都係時候補救下個 樣．．

番到屋企已經夜深，又係宵夜既時候！嘻嘻，一品窩加粟米湯熱辣辣登場，為左節省時間就邊食邊上網，轉個頭就比死肥仔食晒咁滯，頂！硬係要爭食先開心既．． ！

補祝多多生日快樂！＜－－年年都有今日，歲歲都有今晚！．．．

　　　　青春常駐！＜－－年年十八歲，卜卜脆，見到乜生．．．

　　　　願望成真！＜－－許左咩願呢？講黎聽下吖！．．．．．

由於冷風襲港，明天氣溫將驟降至十至十零度，新界更會低兩至三度。丁文台現作出緊急呼籲，各朋友保重身體，出外請著多件衫，小心"劉錦"到訪。患有愛睡症、欠熱症、缺溫症人仕，請儘量留在家中(被鬥下)，避免外出，保持熱情，多謝合作。

本來想dl玻璃鞋的主題曲放落日記度，攪左好耐搵到都dl唔到！唔鍾意而家呢個情況，ｄ歌又無合法途徑dl，同埋只係放係網頁度for一兩篇文章用，而家鈴聲都要成十五蚊一首，咁歌咪仲貴囉！好唔抵，結果，無feel又唔想寫勒！

你話要等到幾時呢個市場至正式有個供求價呢下！

故事是說，有一班朋友，其中有男主角和女主角，誰也不知道男女主角曾在一起，男主角總不以為意，女主角則很希望可以和男主角再走在一起。

男的和別的女朋友分手後，又再次投入在他們的朋友圈中，和女主角和他們的朋友快樂地到處遊玩。有一次，只有男女主角和另一女性朋友三人行的時候，男女主角還是一樣地玩得投契，或者應該說，他們全都玩樂得十分開心。女主角以為這是她的機會，男主角亦如此想，只是似乎對象不同，就在女主角拖著男主角的手的同一時候，男主角拖著女性朋友的手。剎那間，女主角感覺到男主角想要的人原來不是自己，但男主角還是讓自己輕輕地捉住他的手；男主角感覺到女性朋友接受了自己，但同時，竟然没抗拒跟女主角的接觸。同一時間，男女主角落入深深的沉思，只有女性朋友甜甜地微笑．．．　．．．

已經很久很久没有返教會，如果問我：一個不返教會的人是否基督徒？答案是肯定的。每次想到這問題，心裡總有或多或少的掙扎，然而腳步總會踏進基督教書室之內，我仍然確信主很愛我。

走進以琳書店，閒逛了一會，看了點書，有一點點感動，亦有一點點不置可否，同時帶著非基督徒的感受與基督徒的領會，矛盾感由然而生，就好像左眼帶著藍色鏡片，右眼帶著紅色鏡片一樣左右為難。在傳教的時候，總會遇到一些人說：你叫　神顯奇能異事我看，我就即信，否則就不要再叫我信之類。我初信時查經查到以色列人出埃及，經歷過很多奇能異事，但他們還要拜金牛贖的時候，我大惑不解！但現在郤明白了。

臨走前，書店職員送給我一些刊物、印刷，其中有一個「全城同慶聖誕」的節目，節目本身本來並不吸引我，但場地就很吸引了，在剛建起的亞洲國際博覽館舉行，自從上次行山後，才發現我對機場一帶原來有著一份情，很想一睹新館的風采，只是傻瓜的我原來無睱出席的。

這是一個神蹟，亦是難得的機會，因為租用大型場地的費用是十分昂貴的，今次不但得到免費提供場館，還爭取得到地鐵優惠車費，邀請了美國的敬拜隊來港主領等，雖然我未能出席，但願主大大祝福是次活動，全城一心，頌讚主恩。

如果有興趣可以到以下網址細看詳情：憑票免費入場。

http://www.cityrenewal.com.hk/Chinese_web/ACCC_chi.htm

除左方向感，我另一樣激得死人既就係失憶。可以今朝記得，下晏忘記左，但係晚上又記得番，總之最重要既時候會唔記得左就夠激氣啦。

不過我發現我兩個亞姐仲厲害過我，之前請左假佢地唔記得，第二日返到去

美菲斯：你唔返工做咩打電話返黎。

我：我一早請左假架喎。

美菲斯：你同邊個講架？

我：亞曼妮同歌莉亞囉！係無同你講之嘛，不過你之前仲問我係咪放假架。

美菲斯：係囉。明明係佢地話我知你放假，禽日又問番我喎！我話唔知呀！

我：=.=

仲有更攪笑，事緣我開始係某時段會跟第二組做下野咁，呢件事係經理同歌莉亞講完，再由歌莉亞同我講，再同美菲同亞曼妮講咁啦！即係歌莉亞講呢件事最少講左三次。之後，每日既某時段我就會自動自覺咁去第二組做野。

只係開始左兩日，亞曼妮就係呢個時間話搵我，但搵唔到，搵左好多次之後就同歌莉亞講，兩個人就一路搵左我好耐，最後又係忍唔住問美菲斯。美菲斯就好自然咁答，而家幾點呀，佢去左亞邊個度呀嘛！你話我知架喎。

美菲斯話初頭都唔知佢地發晒癲咁搵既人原來係我，仲話佢地以為我真係無返工添。

真係激死！