見到咁樣..己經咁樣..=.=

見到咁樣就..更加係咁樣..

點解會咁樣架...

星期六係唔知做咩好既薯候，有個傻婆話去半山行，好啦！今日就半山行啦！

首先．．．第一站就見到．．．

班點狗？！睇真ｄ先．．．

睇到未？開估啦．．．

係一隻打開眼都想瞓覺既班點貓貓呀．．．喵！

之後似乎係唔覺意咁去左草藥園，好多花同好多草返去睇番簡介至知原來分左好多個藥園，真係有咁多咩！以下果棵叫做番檸檬，見到令我諗起好好味既甘草檸檬，好想食添！

再去睇左個沙士展，又入埋醫學博物館，有咩睇？

動物科標本有：穿山甲。

植物標本有：

仲有人體．．．

查實唔算好多野睇．．． ！

悠閒咁望下館外，望到對面層樓既一個單位，嘩，乜咁靚既。落地玻璃窗，純白床舖，好舒服咁喎，好想走入去瞓下呀！唔知有無機會識番個有間咁既屋既主人翁呢？

遊完一輪又見到貓．．．

喵！我唔影相呀！喵．．．

遊下遊下，夜媽媽至番到屋企，睇番個沙士簡介，見到其中一張沙士參選攝影作品。零感染的一天，攝影比賽公開組季軍，一個似曾相識的名字。

同名同姓的人多的是，但相片是影著幾個V字手勢的醫護人員，沙士還可以在醫院內影相的，除了醫護人員，還是醫護人員，會有這麼巧合嗎？

忽然很多往事浮現，很多凌亂的思緒，唔知你又會唔會咁岩睇到我今日寫你呢！

祝你生日快樂－霍嘉文。

很喜歡看醫神演唱會，因為佢唱得好，無論快歌、慢歌都演釋得很傳神，而且佢係癲架、痴痴地咁，我最鍾意！哈哈！自佢出道以來，大大小小既演唱會我諗我最少睇左一半，通常都係尾場，通常都係癲癲地，通常都唱唔停，通常我只會有讚無彈！但今次．．．今次係我聽過佢最差的演唱會，佢話因為只有四日採排，本來想玩下新野(disco feel)，點知會咁，叫我地見諒。但係無feel都算，唔好聽都算，黎一首完全唔夾音既浮誇就真係唔可以算，果幾分鐘真係難頂到想即時離場。

　　　　　　　　Eason VS Jan　　　　　　　　　　　　  　　　　Eason VS Jacky

出奇地多嘉賓，真令我懷疑到底醫神係咪病！八點八開場，十點就想收工，唔係掛，真係想柴台，好在佢都好識做，最後都出番黎唱多好幾首，正常版好聽好多！呢個故事教訓你，下次無時間就唔好攪咁多野。今次著實看得我很失望！

最後我無去潛水、無去放風箏，還是去排戲，還以為只需要一個下午，怎料SM說是FULL DAY，ＯＫ！

遲遲都不願起床，遲遲都不願出門，唯有遲到，又怎料到最後是取消，只排一個晚上。(吓！轉入直路無得番轉頭架喎！老細！)心想早知就再遲多幾遲至出門啦！早知就去玩啦！咁點好呢！打晒所有我知佢住係香港既朋友咁滯，都好，都搵到隻小魚陪下我。卒之去左阿貓地攤，哩兩日是見貓吉日呢！

排戲還是一貫的好玩，但還是和他們有點隔隔不入的感覺，呢個陌生隔膜保持距離症候群唔知幾時至可以打破呢！

我有個唔係幾好既習慣，就係唔熄電話就瞓覺，唔係特登要咁，只係一般黎講我都唔記得熄，上左床瞓就記得都唔願走去熄(可想而知我幾咁懶)，平時都唔覺係ｄ乜，最多都只係成日無乜電。

平時要起身個電話通常都叫唔醒我，唔駛早起就比佢嘈醒，通常懶惰的我係唔會起身聽電話架，最弊就係響完會飛線，一有留言就弊傢伙！例子：某人打電話黎，電話響一次，留言後，留言信箱會打黎一次，電話又響一次，又會有短訊告知有留言，電話又響多次，如果無回應留言信箱，每隔數分鐘會打黎多一次，如是者，只係一個來電留言，我個電話就會響好多好多次。

今個早上八時許，某人打左廿幾三十次電話黎(老實講可能唔止)，留左二次言，一個短訊。

只係因為我下晏約左佢，佢黎唔到．．．．．．下次早兩個鐘打黎通知我就得架勒！又感受到奪命追魂call既威力，咁我咁早醒左但又好攰咁，做咩好呢．．．

成日都好多野想做，但之後又唔係好想做，本來有得去海浪公園變左無得去，係介乎好想好想去同唔係好想去之間，呢個矛盾似乎唔係好應該發生，但又經常係我身上發生。

好啦，最後無得去，最後有得ＯＴ．．．

然後又在想，去潛水還是去排戲，好想去潛水，唔想去排戲，本來答案應該好明顯，只係驚天氣唔好，又白白浪費，我今年還未出過海，好想去；唔想排戲，因為唔乎合我的經濟原則，大好一個星期天，可以做的事好多，但花三個鐘坐車排三個鐘頭戲，又是一個白白浪費，真係幾嘥氣．．．．．．點好呢！

通常係兩難既情況，都係既來之則安知，即係咩？哈哈，希望今次唔會咁啦！

終於都開始排戲，我只是一個微不足道的小腳色，不過都没什麼所謂，草草地算是排練了一埸，發現自己還是老樣子。到底是喜歡還是不喜歡的呢，總覺自己在得到的時候不懂珍惜，失去時才後悔莫及。

處理、研究不大合情合理的情感，然後慶幸，這是知足還是有自知之名？

參與過"玩得喜"後，清楚明白昔日玩樂中所期望得著的應該是什麼！每個人都是天生的演員，經常覺得自己不願長大，郤失去了小時候跌倒的驚喜！

想玩得喜，要跌得喜！做個天生的演員，享受每份驚喜！

翻看日曆，原來今天立冬，倒没覺得有點冷，這樣的天氣蠻好，不太熱，去行山又得，潛水亦得，非常好，只是一年裡這樣的日子不太多，過幾日就是你生日，一連兩日，本來忘了，又想起，又忘了，又想起．．．　．．．

有人說，祝福之所以窩心，是因為這表示一個人關心另一個人，所以祝福要讓對方知道才行，關心是需要表達的。

但我說，祝福之所以窩心，是因為這表示一個人想念另一個人，所以祝福不必讓對方知道，因為我的祝福，是對上天說的，祝你生日快樂，願你能得著屬天的平安和喜樂。

不知這幾天，你會否特別覺得平安呢？

May God Bless U!

昨晚朋友仔相約唱ｋ，剛巧被放飛機的我就高高興興地跟他們去，等待個多小時，心想早知我就先上去，幸好没有，一打開房門就見到極度不想見到的人，没想過他也是被邀約的一位，激動的我不禁跟女朋友仔們說出這個事實，她們反問為什麼不曾聽我說過，因為和他從來都不相往來，没這個必要嘛，怎知會這樣．．．=.=。女朋友仔問他會否因為我而跟著來？大吉利是！啋啋啋！十萬個不希望與他再會。

但，我還是玩得很興高采烈，當然，没有他在場會更加好啦！還是蠻喜歡跟他們玩樂，但，是否下次開始要問清楚誰在場呢？煩煩煩．．．但願永永遠遠都不再見！

今天碰上GM時，又被問及同一個問題，打算怎樣？她說有時有合適的位置，看我打算如何，我當然想早走早著啦！只是每次被問及同類問題，不其然想，或者早早爭取一個合適位置，比我現在左右不到岸為好！最起碼可以有個更合適的人工，最起碼每個月都可以早半個月出糧，最起碼．．．。

只是不是我杯茶就是不是，有時妹仔還是有做妹仔的好，總好過一入豪門深似海。

前路還是茫茫似的，如果，過年後還找不到合適的工作，就乾脆離開，好嗎？