又去左做免費facial，不過今次花左少少錢，做多個耳燭，仲問我想揀咩味既香薰，仲以為有咩特別添，點知喳喳聲就整完，少少香薰味都感覺唔到．．．

喳喳聲做完之後，感覺係．．．好肚餓，就走左去食任食甜品，食左個唔好食既西米露，好一般既小食拼盤，幾好飲既芒果木瓜汁同埋靚料十足既楊枝甘露，其實好想試埋佢個炒冰，只係呢款甜品不包括任食之內！ 作為慢半怕的鍾愛者，我始終對限時限刻既野不大有好感，雖然真係抵囉！

又再隨處逛街，見到ｄ木製手繪傢俬，好令令梗喎，又激起我想學下整既興趣，其實好多野我都想可以自己整，之後又去左驗眼，到而家我都未搵到一間比我買開仲平既眼鏡公司喎，不過急急急同埋為左簽卡，貴少少都算啦。

就咁又振興左少少香港經濟，又玩左一day。

哎呀！我又唔記得去買飛．．．too bad，希望聽晚記得啦！

今期推介-童夢奇緣

唔係一個夾硬要人喊既戲，但，我喊勒！

因為成年人的無夸；因為正在等待；因為繞了幾個圈；因為下次不敢；因為没有下次；因為我對你好，係因為我真係對你好．．．

「人生只是一個過程，可悲的是它不能回頭；可喜的是它根本不需要回頭。」

http://hompy.netvigator.com/main/page/721424 <--裡面記底了戲裡的一些對白，準備觀看的話可別先看我這個呀！

*主題曲"下次不敢"是劉德華主唱及作詞，一向麻麻地劉華，但今次佢作既詞又確係得喎！加分加分(十分有九分都係因為套戲)，只是唱功就．．．．．．

呵呵！

第一個真真正正自家製的凍餅終於出世勒！好易做，又好味，不過我都差ｄ失手呀，打creme打到過左火，好在買多左可以打多次，出黎都好味道，媽媽都話幾滑，但餅底就散散地，有待改進！

雖然無焗爐整真正既蛋糕，但係整凍餅都唔錯吖．．下次試下其他味先．．hehehee

10月8日行程還算緊密，半夜四時許才急著睡，不願不願起床就遲到應J&J的約，很久不見了，似乎大家一切都還好！還是一樣的溫柔、還有一樣的純真．．呵呵！只可惜只有一個下午的相聚時間，不知下次再聚是何年呢！

由於大家都另有約會，我就提早給"賣甩"了，在往乘船的途中，見到一間書店就閒逛了一頓，之後碰上問路的外國人，結果和他一同乘船，搭訕至下船後，他問我有没有時間一齊逛逛，看一看電話的鐘才五時許，就答應了！但五時許為什麼天已經黑呢？很是懷疑，就打比相約好的winkwink問問，原來已經差不多七時，幸好我的鐘傻了，她才給我弄醒，但我總是摸不著頭腦為什麼鐘會那時傻了！因為之後回家時再看看鐘，時間是没錯的！很是奇怪！

 朋友仔話佢似亞叔喎，但佢應該仲細過我．．．

結果，就和那個印藉的澳洲留學生一起"攝"一個空閒的時間，到處影了些相！只是要和他對話的時候才更見我的英文是如何的"水皮"，國慶日、金紫荊廣場、會展、缽仔糕．．．的英文是什麼呢？胡亂地形容了一翻，自己都不明在說著什麼，他竟然說明白，還說我的英語很好，他在澳洲的北京同學要學兩年才跟我說的羞不多！天呀！我學了九年的免費英語教育呢！還未算幼稚園和現在的part-time learning，想起都慚愧！

之後，當然是戲玉，rain concert啦！打頭陣的聞說是他的師妹star，唱了浪漫滿屋的主題曲給另一首歌，rain正式出場，很遠呀！要看大電視，但又只影半身，看不到他的舞藝，唯有左看看，右看看，再以腳尖到地的方式企著看(鬼叫我唔夠人高咩)！很累，幸好不時可以休息，特派出場的師兄弟妹都蠻多，當然亦是載歌載舞啦，一個字形容－勁！其實跳得、唱得可能比rain還好的大有人在，只是樣子可愛，身形型爆，而且歌精舞勁的就非rain一個莫屬！這是一個很好看的演唱會，假如我是坐在內部應購的位置內。

woo....kiss kiss!

其實差不多每首歌都動聽，跳舞簡直精彩！還有煙花，噴火，晒水的環節都絕不欺場，聽著rain為他媽媽而寫的歌，還感動得眼眨淚光呢！如果一切都没有夾口形的話，他是唱得很好很好！聽著歌時，很想對他說，他媽媽一定為有這個兒子而感到驕傲的！

 全場都覺得佢好似edison上身咁，嘴歪歪咁唱歌囉！

濕身後光著上半身扮害羞，傻傻地笑等招牌可愛、鬼馬的表情全場不絕，難得他可以集可愛與型爆於一身！要型就型，要可愛來一個迷人笑臉就令人完全招架不住了！如果．．如果可以有一次近距離地看他表演就好了！完場前他說是唱最後一首歌，在熱情的歌迷要求下，重唱了一首，那時他在台上跟所有人鬧淋水，很好玩似的，就這樣結束了！

　白馬王子look呀！

散場後，很累很累，但興奮的心情仍在，回家後還重看拍了的片段，如果不是没電我想我會狂拍的，興奮的心情令我很想買回之前的演唱看(雖然還是那些rundown)，很想再聽聽他的歌，我真的睡不著喎．．．頭很痛，越來越痛，原來我發燒了！

這是享受rainy的後遺症嗎？！

 ■ 玩得喜 One Play Stand:. 

詹瑞文另類「教鞭」，為你解開PIP密碼
PIP藝術學校「神經」校長詹Sir，破格傳統，將劇院變教室、舞台變樂園。 教你PIP (樂在戲中)，教你EYF (享受挫敗)、教你Spontaneity (即時反應)、教你「做戲基本功 - 快樂與自由」，教你如何不愛他
有得笑、有得玩、有o野學、還可親身踏上台板，一嘗「表演」滋味
還有答問大會，台上台下無分彼此，詹Sir一夫把關，任你魚肉

意猶未盡，STAND後還有「SHOW後水」；近距離跟詹Sir談談心、傾傾偈。

票價：$150 日期及地點   8 / 11 / 05 (香港藝術中心Agnes b.電影院) 時間：8pm (約75分鐘)

門票於10月8日在各城市電腦售票處公開發售
設有高齡、殘疾人士、全日制學生半價優惠

■票務查詢及留座：2734 9009
■信用咭電話購票：2111 5999

■ 查詢電話：2421 6176

一個玩人、玩自己，勁好玩，勁好笑既節目預埋你，有興趣就同我一齊去玩啦！

黎既話，最好８號前話我知啦！^^

奇奇奇！

又係薯候講講屋企缸奇魚，繼ｂｂ出世之後，缸魚又發生ｄ離奇事！主人翁發現水草上多左好多點點，唔知係邊樹黎咁多卵，之後就發現兩隻小精靈唔見左(即係之前比我影到呆左果隻)，本來以為佢地呢左入ｄ草度，又或者係ｄ景度(我曾經見過佢以雙鰭當腳咁企係個景度唔郁，仲試過當手咁夾住塊葉係度飄架，好攪笑架！)，就不以為意。

今日主人翁按捺不住，黎個大掃蕩，將ｄ卵消滅同埋搵下個兩隻野(主人翁驚ｄ卵係蚊卵喎！)，點知搵極都無兩隻野喎！就算屎左都應該有屍骸吖，佢地又會雙雙失踪，人間蒸發咁奇既？！唔通走左去私奔，八月十五過左姣賴勒喎！

你話係咪奇？！

今日零舍忙，老細忙住開會，又抆住歌莉亞，於是乎，歌莉亞加上美菲、亞曼妮仲有禽日既野＝好鬼忙，真係有咁耐風流，有咁耐節目，一浪接一浪咁都未做完，算！都係閃，點知真係揀錯時候閃，落到去一架村巴都無，諗住等村巴黎，又要等佢開車，就走去搭番巴士啦，點知都係要等巴士，等完又要兜下站，之後仲要轉車，諗下諗下都係戇居！車費又貴左，時間可能仲耐．．．唉！個肚餓叫救命，遲收工同早收工真係差得遠，最快同最耐既回程時間係相差四倍架！抵我唔想OT！只可惜老闆臨走都點名叫我聽日OT，OT唔係唔得，但係點解我無得claim的士，好唔抵！

話說，我家有一缸小魚，由開始買回來，每次小魚都很快歸天，直至只剩下數條的數目，今次亦不例外，新買的小魚加入後，連原本相安無事的那數條都差不多魂歸天國。小魚的主人翁，慣性地每天看看小魚們的動靜，因為總有一隻小魚又危殆！

在一個風雨交加的晚上，主人翁又慣性地看看小魚們的時候，突然大叫：「仆街勒！」家裡的人都大嚇一跳，想著到底有咩咁仆街的時候，主人翁續說：「生魚仔喎！」原來被誤以為危殆中的小魚生了小小魚們！幸好還以為牠危殆，早就網住了牠，否則小小魚們應該早就在這個打極都打不成的風球下陣亡！

想不到早就歸天的小魚公，居然有遺腹子！主人翁為小小魚們安頓好後，沾沾自喜地說：「不知其他魚會否生仔呢？」我不禁搭一個訕：「咁你咪要仆多次街囉！」

可憐的小小魚們，没出世就没有了爸爸，今天連媽媽都支持不住了，活潑潑的小小魚們已經變了孤兒仔。

橫豎都是影，就影多幾張．．

係咪好得意呢．．．．

其實佢係咁既樣架，呢個樣就一ｄ都唔得意lu．．．．呢張相佢已經比我影到呆左，之後好似盲左咁飄黎飄去、撞黎撞去，可能比我閃親，殊！唔好話比人聽呀！主人翁話佢好易死架，唔知會唔會比我影死．．

原來大家都有呢個問題，係網上搵到以下資料，有心機就睇下啦．．

選自jessica:

http://www.jessicahk.com/common/content.htm?link=jessica/0407/beauty/20040629beauty0296/content.htm&topic_id=0802

選自lifetech:

http://www.lifetechgroup.com/chinese/content/cchinese_med_care_19.htm

選自萬維海中藥行：

http://www.lyhtch.com.hk/newpage29.htm

水腫唔係水腫咁簡單，要知埋因為咩而引起水腫呢樣已經煩，仲好可能係治標唔治本添．．懶惰如我又點會咁有恆心keep呢．．唯有同豬腿講：無論你係豬腿還是象腿，總之唔好爆我腿我就錫晒你，無以為報，以身相許，多謝合作，thank you thank you 呀！

昨晚睡得不大好，整晚都時睡時醒的，不過連日來睡眠充足，今天精神尚可。只是一起來就覺得有點不妥，腳痛痛的，但又輕了點，看一看，咦！喂！攪咩瘦左咁既．．．唔通ｄ按摩真係咁得？即時想飛身走去買番幾個course..只可惜．．經過一日辛勞後(放完假今日特多野做..成日走上走落無時停咁..)，由象腿變左豬腿的魔力瞬間消息，本來輕輕的雙腿又"重新得力" ！

都話我係水腫架啦．．大家又唔信．．唔．．唔水腫得唔得．．到底點解要佢腫就咁易，要唔腫又咁難既呢 ？等我得閒研究下先．．到底可唔可以由象腿變豬腿最後再變馬蹄之後閘住反彈無回頭既呢？到底係咪唔飲咁多水就得既呢？到底．．．．．．

發夢問下周生先！