| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2005 年 7 月 5 日 星期二  | |
| 長程 |
渡過了難得寧靜的工作時間，就匆匆地乘地鐵去，還以為未到放工的繁忙時間會有空位坐坐，可惜長程的我遇上長程的人，呆站了一個地鐵行車線，累，還因出錯閘口，又要老遠地走，累累！還途經某地方，黑衣黑褲黑頭髮的我當堂為之一震！  (諗第二d野,諗第二d野...就諗起...)
一丁語錄：長"程"跟長"情"都一樣讓人很累！  (讓我睡一睡)
|
| 刊登時間︰2005-07-05 01:01 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 1 日 星期五 | |
it's raining  |
第一次留意到rain  係睇浪漫滿屋既時候，韓片既男生無靚仔的嗎？點解會搵個咁既樣既人做主角，每次睇親都不禁疑惑！
但係不久之後，無意中睇到電視播佢個演唱會片段，看得令我著迷，舞台上的rain 魅力超凡，那種型同霸氣真係没法擋，it's raining.. it's..raining ，剎死人．．上埋網頁播住黎聽添！估唔到仲會黎港宣傳，如果係香港開番次演唱會就好勒．．好期待睇佢跳舞呀！
你話男生幾好，就算一ｄ都唔靚仔，只要型就可以風摩萬千，叱吒風雲咁滯勒！
|
| 刊登時間︰2005-07-02 12:18 AM [ 訪客留言(2) ] [ 編輯日誌 ] [ 分享至FACEBOOK ] |
| 2005 年 6 月 30 日 星期四 | |
| 時間顛倒 |
最近生活顛倒，還不時造夢，今早都造了個很有趣的夢，只是没時間記下就忘了！如果將所有趣致的夢都記下，或者可編輯成另一個"愛麗斯夢遊仙境"！
暫且回歸現實，報告一下考試情況，習性:"臨急抱佛腳"的我還是到最後一分鐘才"看"完記錄本，在三小時的考試時間內不停寫些連自己都不明所以的"英文書法"，没有足夠睡眠的我發揮"善忘症能量"，在剩餘的十五分鐘才記起還有一題必答題未作答(連問題都還没有看)，手上尚有大半題還未想到怎樣做的，就連忙看看那條必答題，一聲考試完畢，A Grade無望，請大家放下手上枝筆的同時，心想盤算著應該有二三十分的"書法"還没有寫！但心裡豁然開朗，終於完結了！雖然要重讀的機會率逹百份之九十，但最起碼現在輕鬆舒暢，只是不知是否平時用腦少，每次考試完畢，腦袋都過度活躍地在頭顱裡盪鞦韆似的！．．．-__________-''
離開時，落得像瀑布的雨水像為我洒淚，不用哭哦，我倒没有傷心哦！一直都没法子下車，還是決定到總站去，順便看看可愛的貓貓。
在傾盆大雨下，貓貓可以在那裡棲身呢，擔心！直到看見傻貓正憩睡在天橋下，一副優柔的模樣，做這樣的貓咪還是十分逍遙自在！可惜今天看不見爹咪，不知是否已受保護了呢？ |
| 刊登時間︰2005-06-30 02:10 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 6 月 28 日 星期二 | |
| 又一個夢 |
又發左個怪夢，講我在回家的必經路上，總會見到ｄ動物，而我又會同呢ｄ動物玩下咁既，後尾唔知做咩得罰左ｄ免仔，去親都追住我黎咬，有時仲兩隻一齊黎，去到果度總係一輪追逐戰，但係總係唔夠免仔跑，有時攞棍嚇佢都唔驚，仲攞番黎吽我．．  ，攪到要飛簷走壁咁閃避佢！
下次可唔可以發ｄ好ｄ既夢，係咁跑黎跑去好操勞！ |
| 刊登時間︰2005-06-28 05:58 PM [ 訪客留言(0) ] [ 編輯日誌 ] [ 分享至FACEBOOK ] |
| 返唔到屋企 |
今日發左個夢，講我同屋企人搭車返屋企，一路都ｏｋ順利，坐地鐵，轉小巴，直到屋企附近，小巴停左唔開，要我地落車，話洩漏氣體危險喎，但係我地係洩漏既地方停唔係更危險咩（我心諗），之後有駕大車駛左入黎，又要停底，但係唔知做咩成班人係樹舞龍咁舞，攪到就反就反咁，就好似好多人舞唔掂一隻發緊癩既馬咁，只係果班人係故意令隻馬癲者，為免危險，我都係閃，就諗住走去另一邊睇下可唔可以行番屋企（己經唔知屋企人去左邊），果度就好似年宵咁有好多檔口賣緊野，第一眼望到就係好多花，有個女人掛住個大牌係身賣花，大牌上寫住，其實佢係想賣左自己 ！呢條橋唔知駛唔駛得呢，唔知會唔會有一日有人買花之餘買埋佢番屋企，我都想試下！行左一陣就發現呢度行唔到番去屋企播，點算，地球係圓既無理由番唔到去，就係個腦出現地球路線圖既同時，我就醒左，到底我會點樣番屋企呢，失散左既親人搵唔搵得番呢？
下回無得解。 |
| 刊登時間︰2005-06-28 03:26 AM [ 訪客留言(0) ] [ 編輯日誌 ] [ 分享至FACEBOOK ] |
| 溝通 |
因為睇左電視，今日上左亞咩吉場睇下，其實都想留個隻字片語鼓勵下羊爸爸，羊媽媽同埋半哥哥，可惜牛言版暫停了！睇完之後都想整番個完全屬於自己既網頁，可以毫無保留地做一個自我小天地，幾好！
其實亞咩吉場唔係一個特別靚，網頁做得特別好既地方，但係睇過令我覺得，可以毫無保留咁係裡面暢所欲言好好，或者因為一份情一份真，呢個地方至有咁多人睇，亞咩一定係一個能夠讓人開心既女仔，雖然已經唔係度，但係睇到ｄ相，都感覺到果份開心！
從來都無諗過自己寫既野比屋企人睇，好奇怪，屋企人唔會係我share既對象，總係覺得好尷尬咁，由網頁去連結起一家人的感情？唔，我做唔到．．．唔知係細個習慣左定咩呢，我記得好細個既時候要爸爸抱，佢會推開我，好細個既時候，想同媽媽講野，佢會叫我行開，我細個既時候真係覺得屋企無人鍚我架，或者因為咁，大個左佢地就鍚多左我，我而家至可以做個霸王女，係屋企惡晒，哈哈！
只係，習慣溝通既時候已經過去，要我抱抱爸爸，鍚鍚媽媽嗎？得既，會起雞皮同埋好假囉！關心嗎？我相信呢個係遺傳，媽媽關心我既時候（即係去邊，做咩，同邊個等等），大既連我呢個小既會答關你乜事，而我關心佢既時候（即係唔知做乜又激親佢），佢會答你死開。溝通唔到大概係有得遺傳．．  |
| 刊登時間︰2005-06-28 02:36 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 6 月 27 日 星期一 | |
| 誰伴我前行 |
誰伴我前行
日子就這樣溜去，說不出我心裏疲累，
如何才能脫開百樣悶愁，重尋獲真自由；
在我心內渴望完美，只可惜那真正自己，
無從尋求理想化恨仇，我深深感歉疚。
誰在我心中掌權導我向前行，
除掉空虛失落，疑慮與愁雲，
長夜裏基督指引伴我向前行，
為我添上喜樂，驅走苦困。
念到昔日身伴良友，此一刻又身處何方，
良朋摰友已一一別離，難重拾昔日情；
面對生命滿是矛盾，看不清那真正目標，
何時才能跳出苦惱範疇，再高歌與歡笑。
誰能為我解憂困助我出黑暗，
令我不再困惑，信心堅穩，
長夜裏星光閃爍月朗清風滲，
若有基督相伴，不怕路難行。
|
| 刊登時間︰2005-06-27 02:19 AM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 6 月 25 日 星期六 | |
| 考試II |
今日亦是考試的日子，心散、懶惰的本性發揮得淋漓盡致，昨天還是不停地追看電視節目，看完創世紀還去了食宵夜，還未到肚已很想睡，落肚後更不用說，最後二時許才開始溫習，三時許覺得有點悶就打打機，四時想睡就睡，心想，睡幾小時起來再溫溫吧！發了個好夢，到日本遊，開心開心^^的就到了早上六時半！呀！未夠鐘，七時，未夠鐘；七時半，未夠鐘；八時鬧鐘嚮，夠鐘？有人要起身返工！看了兩分鐘書，又很累，還是睡。九時，九時半，十時，每半個鐘準時彈起，又攤直，好似ＮＧ，拍完又拍，直到十一時半迫於無夸才起過身來，最後一刻才斯斯然離開家門，半途還未睡醒的時候，同學仔來電，上次對我說的開考時間錯誤，提早了，  還有半個小時開考，我還在九龍途中，算啦，橫豎都是天才波！就好似買六合彩地胡亂填了些，東拼西貼的連自已看來都不明所以，算吧！中六合彩的機會率跟零是没有什麼分別，只是討一個歡喜罷了！ |
| 刊登時間︰2005-06-25 10:11 PM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 6 月 24 日 星期五 | |
| 打機 |
呢排個人都好攰好攰，瞓極都唔夠瞓咁，一攤係度就可以瞓著，只係放假的目的唔係瞓覺，努力wake up都將近黃昏，屋企又開始變得嘈吵！
唔知由幾時開始，間房永不寧日一樣，只要有人係屋企既日子，間房一定有人，只要我離開電腦既坐位，即時會有人補上，好煩！日日都要打機，次次想做野都要等，等玩埋呢舖先，一等，我就想瞓，瞓左，佢又會繼續打，然後醒番又要等玩埋呢舖先，想點，打機係咪真係咁重要呢？發脾氣又好似好過份咁，唔發脾氣就日日都係咁，就算唔用電腦，我都好想有個私人空間做下野，唉！
如果我從來都無教過你地打機，你話幾好呢！ |
| 刊登時間︰2005-06-24 11:35 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 6 月 23 日 星期四 | |
| 方法的錯 |
之前睇過一個節目叫BB保你大，講點樣教導一ｄ好唔聽話既小朋友，一開始影兩個小朋友，家姐就得果六歲，經常發脾氣，大聲鬧父母不特止，仲會亂咁掟野，而細佬就仲抵死，夜晚叫極佢瞓都唔瞓，成日開門出黎，父母就移動番佢入房，如是者三個鐘，好似玩咁！
之後，父母就請左個女人黎幫佢地改善呢個情況，個女人好直接咁指出好多問題，父母比佢講到好鬼不滿添。第二日，女人準備左一張大字報，寫晒咩時候做ｄ咩咁，父母以好懷疑的態度視之，我都以好懷疑既態度繼續睇落去．．．
當過度活躍症咁既細佬又搗亂既時候，女人叫佢唔好，同佢講道理，細佬依然係咁既時候，女人就罰佢坐樓梯，平時過度活躍既細佬竟然乖乖咁肯罰坐喎，睇到佢父母同我都呆左呆！
到家姐，家姐年紀大要罰困房，又ｏｋ架喎！如是者，一切順利照計劃完成了一日。
第二日就比父母自己黎跟住做．．．點知．．．
懲罰房間變左打機玩樂室，罰細佬坐樓梯既時候無解釋又無坐低同佢講，細佬就以為玩既唔肯坐，最後要爸爸出手打添！女人在遙遠監視時見情勢不妙就立即返去部屋，原來細佬要收到坐低望住佢講，同埋解釋罰佢既原因佢至會聽話，否則會當是遊戲，你叫佢坐，佢就企，好好玩咁，而爸爸忍唔住出手打佢後，會比到個信息佢，下次要打至會乖乖罰坐樓梯架喎！而用來懲罰家姐既房都唔可以係裡面玩耍，因為會令家姐產生錯誤信息．．．．．．
睇完我發現原來父母一直以為ｄ仔女天生難教唔係仔女既錯，而係方法既錯。
就好似我今日考試咁，係方法既錯。我知道點解我咁鬼失敗勒，但係唔識點解決喎！有無個女人可以幫幫我呢？ |
| 刊登時間︰2005-06-23 03:52 AM [ 訪客留言(0) ] [ 編輯日誌 ] [ 分享至FACEBOOK ] |
« | 59 | 60 | 61 | 62 | 63 | 64 | 65 | 66 | 67 | 68 | ... | 71 | »
|
