| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2005 年 5 月 25 日 星期三  | |
| 沖繩遊 |
心情好，放satine去下旅行先，今次揀左沖繩，因為喜愛陽光與海灘的日子，玩得開心ｄ，識多ｄ朋友仔啦！  影多ｄ相返黎比我睇呀！．．^^！
|
| 刊登時間︰2005-05-25 02:23 AM [ 訪客留言(1) ] [ 編輯日誌 ] [ 分享至FACEBOOK ] |
| 心情開朗 |
忙碌完一整天晩上又是時候上學去，思量良久，還是没有什麼好理由不返學，感覺很好，似乎精神爽利的日子聽書都比較容易明白，還是到最後階段的課程通常顯淺一點呢？哈哈，我發現每季都係由有心機到無心機到有番心機咁循環架喎！
同學仔都有點放假的情緒，雞啄不斷地計劃去"反"，都良久没有"反"過囉！好似唔駛交功課同考試咁添！呵呵！
不過，將告終的段落等於另一階段的開始，下一季又如何呢！
讀．．唔讀．．讀．．唔讀．．讀
一科．．二科．．三科．．另一科．．還是不知點算好！  |
| 刊登時間︰2005-05-25 02:17 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 5 月 24 日 星期二 | |
| 生氣 |
今天晚上與BE久別重逢，同學仔問我你唔係豁左出去咩？豁出去者，都要盡下最後棉力至可以扼自己有盡力而為過架嘛．．  望望手上的note，都有半個學期無上過堂，成績當然就，哈哈哈啦！點知唔返由至呵，一返就講考試卷，我都無考，不過都聽下啦！因為大考仍然可能也許或者有機會會出番相關既！
問番亞sir攞Assignment果時都仲攪笑，佢攞住所有剩餘的好似玩啤牌咁扇形攤開比我睇，呢個呀呢個呀！然後我就抽出其中一張，呢個！佢即刻望住好激氣咁話，哎呀！你唔咩咪好囉！  唔咩呀！佢指一指卷上面既字！Late！我心諗我都無野你唔好咁緊張好喎！攪到我又好唔抵咁添！心裡又有點氣結，扣左一個grade者，算把啦！
計下條數，如果我繼續讀上去而唔駛retake呢科既機會係微乎其微，大考一定要攞A grade既分數喎！難矣！不過我相信還是會盡力的，得就得，唔得咪算囉．．  ！
我覺得自己又有番讀書既生氣(朝氣,充滿活力咁解)，唔知點解呢！ |
| 刊登時間︰2005-05-24 02:31 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 5 月 22 日 星期日 | |
| 你說怎麼了？ |
本來諗住要改變一下生活的模式，但計劃的時候才發現原來真係無乜可能，咁既生活模式係一定病病和累累的．．  ，基本上如果要跟住個計劃實行，就只有一日時間做功課同埋溫習，too bad！咁既話..pass？impossible！
唯有犧牲休息＝不健康＝病病＋累累的。Back to the nomial......
唯有犧牲工作＝負資產＝搵野做＋無學返。Back to the nomial......
樣樣都惡性循環既．．唔想咁樣？可以點樣？ |
| 刊登時間︰2005-05-22 06:18 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 5 月 21 日 星期六 | |
| 弱者 |
今天身體不適，又没有上課，我在想是否就如顧博士所說，是自己容讓自己當一個弱者，所以特別容易病，所以特別容許自己不滯，曾經很想強起來，但這份熱忱冷郤了，或者需要找一點點刺激。
在看baby whisper的時候在想，雖然惡性循環還是免不了，但我還是有最起碼可以做到的事，遲到好過無到，right？
可以的話，為弱者能強起來祈禱吧！  |
| 刊登時間︰2005-05-21 08:45 PM [ 訪客留言(0) ] [ 編輯日誌 ] [ 分享至FACEBOOK ] |
| 紅帽42號 |
不願睡的時候，就在網上隨處走走，剛在討論區看到一篇"紅帽42號"(有興趣可到討論區看看)，我又犯同樣的錯誤．． 。
最近總是很累，睡極也覺得很想睡，花了很多時間睡覺，很多時間病病的，郤没花時間溫溫習，總是很有障礙似的，於是開始抱怨，抱怨很多時候没有選擇，抱怨没有空間，抱怨別人對我的要求，只想著要得到更多，郤忘了已經擁有很多。
一雙新鞋子和一雙腳「我一直渴望擁有一雙新鞋子，直至我看到別人沒有一雙腳。」
主啊！我竟然忘記祈求，並不是禱告要將疼痛挪去，而是求祢賜我力量，讓我能忍受得住。
「唯獨從上頭來的智慧，先是清潔，後是和平，溫良柔順，滿有憐憫，多結善果，沒有偏見，沒有假冒。」
(聖經：雅各書三章17節)
|
| 刊登時間︰2005-05-21 03:10 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 5 月 18 日 星期三 | |
| 大埔滘螢火蟲之夜 |
大家有無興趣去睇螢火蟲呢？有既話搵我，大家一齊去吖 ！
上年５月至９月中先後舉辦多次大埔滘夜遊活動，在春夏季黑夜中一行人沿著山路河邊，開著電筒，觀察活躍晚間的生物．除了主角閃亮的螢火蟲外，每次都有新的發現．蜘蛛織網，野生菌類，夜間飛蛾，蝴蝶睡姿，沿途大大小小的黑眶蟾蜍，大綠蛙，斑腿泛樹蛙，中國壁虎... 箇中樂趣，非親歷其景可以形容．
夜遊路線以大埔滘自然護理區內４公里長藍線或３公里紅線為藍本．此路線靠近河流，開步不久便見到螢火蟲聚集在河流兩岸．我們選在星期六的晚上６時大埔火車站集合乘的士往目的地才出發，約晚上９：３０前返回大埔公路解散．
詳情請參閱：http://www.hk-green.com/activity/tpm050508nite.htm |
| 刊登時間︰2005-05-18 01:26 AM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 5 月 16 日 星期一 | |
| 西貢 |
前兩天被邀約潛水去，才醒覺到夏天了！  天氣炎熱，又是水上活動的好時候，今天似乎天氣很好，都是潛水的好日子，只是本來今天還是要上課去的。
被提一提，心又野，想一躍海中，呀！掛念舊年每個星期都到西貢遊的日子呢！只是事過一年，我還是老樣子，還是不懂游泳，還有一對近視眼！ 
西貢！很掛念你呢！不知今年還有没有機會每個星期探探你呢！ |
| 刊登時間︰2005-05-16 04:29 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 5 月 12 日 星期四 | |
| 我無整病自己，只是讓這事情發生在我身上 |
係唔舒服又唔願意理自己既時候，腦裡面想到一句話：我無整病自己，只是讓這事情發生在我身上。(推卸責任中)
記得好耐之前睇過一ｄ野，都唔記得係邊度得到呢個資訊，意思係話，癌病(災禍)唔係從神而來，只係神讓這些事情發生。這信息是正面的，因為人最大的軟弱應該是死亡，而耶穌已經勝過死亡，即係話無咩問題係我地依靠主而不可跨勝的，就算面對疾病，況且這病不是因為你做錯左ｄ咩，神懲罰你既，所以我地更加可以依靠神跨勝。
而我個腦，偏偏記住呢句說話，用相反的意思演釋，魔鬼其中一個強項就係造呢ｄ似是而非的說話，甚至引用聖經。
|
路4：9
|
魔鬼又領他（耶穌）到耶路撒冷去、叫他站在殿頂上、對他說、你若是 神的兒子、可以從這裏跳下去． |
|
路4：10
|
因為經上記著說、『主要為你吩咐他的使者保護你． |
|
路4：11
|
他們要用手托著你、免得你的腳碰在石頭上。』 |
睇落好似好有道理，聖經上都的確有寫住呢幾句話，耶穌理應可以跳(樓/崖)，但其實聖經寫的是：
詩91：11 因祂要為你吩咐他的使者，在你行的一切道路上保護你。
詩91：12 他們要用手托著你，免得你的腳碰在石頭上。
道高一尺，魔高一丈，魔鬼叻到食字欺騙人呢！不過耶穌仲叻，用番聖經答佢：
|
路4：12
|
耶穌對他說、經上說、『不可試探主你的 神。』 |
想到呢到，真係覺得我其實對聖經無咩深入認識，假如換轉係我，可能我真係傻到跳下去了。
主呀！願天下人都認識祢更多，以致不會信服似是而非魔鬼化的說話，求你讓我在這個世代裡面，看得見你，在煩亂忙碌中，無忘祢的同在，阿們。
還要感謝主讓聖靈常常提醒。 |
| 刊登時間︰2005-05-12 11:57 PM [ 訪客留言(0) ] [ 編輯日誌 ] [ 分享至FACEBOOK ] |
| 鍾意發燒 |
唔知係咪因為鍾意發燒，所以發燒，近幾個月都係好容易就燒一燒，就咁就燒焦了．．哈哈  ！唔知點解總覺得發燒的感覺好好，好暖，就好似被環抱住咁暖，而且可以昏睡，唔駛發夢咁由朝瞓到晚，好正！不過如果做到無痛發燒就更好啦！ |
| 刊登時間︰2005-05-12 10:26 PM [ 訪客留言(0) ] [ 編輯日誌 ] [ 分享至FACEBOOK ] |
« | 61 | 62 | 63 | 64 | 65 | 66 | 67 | 68 | 69 | 70 | ... | 71 | »
|
