天氣唔好＝心情唔好＝身體唔好＝成績唔好

今天天陰 ，大霧，潮濕，有雨 ，著實不是一個好日子。本來打算買份禮物逗逗自己，讓自己開心一點，怎料看中的都是想送給別人的，算了吧！為朋友買禮物亦總算是一件開心事。

今天是考ＱＭ的日子，話說没怎樣溫習的我仍舊照常上班，只是一夠鐘就馬上閃靈似的趕往HKU赴考，想不到我的後生痴呆症進化得這麼利害，我竟然迷路！我還是有地圖的 ，而且HKU我上過好多好多次，話說數年前假假地都曾在那裡上課呢！在中環游來游去，徬徨的時候，當然要找你信任的人對他說：救救迷途小羔羊啦！可惜大家都愛莫能助似的回答說：不．．．　．．．懂。就在急促步伐行走，忐忑無助之際，眼裡出現曙光，是這裡了！証明除了地球是圓之外，世界還有很多圓的地方，因為我繞翔中環一個圈了。天還是没絕人之路．．．只是一到站就見著那車開走了！一等又十五分鐘！！！上了車，剛才被我問過路的朋友仔來電問找到車没有，心裡感到一絲溫暖 ，謝謝！

剛巧準時到場，心情尚未平伏的我見到眼前的人群就不期然緊張起來，嘩！怎麼放榜似的？！ 進場後皮質淳似乎標升，心想：屎唔屎咁多人呀！全個Hall應該有幾百人，連台上都放了枱椅供人應考呀！(痴線架 ！)很久很久没試過這樣考試，拿起筆來，發現自己在手震呢！ (唔知係驚定凍呢？)

考完後停筆，皮質淳似乎依然偏高，因為我又很想打人，今次的對象當然是出卷那位俊男！＠＃％＾＆＄＃＄＠＾＄（！我相信我要為我未來的兩科考試預備默哀．．．個天好陰呀！

這兩天的天氣驟冷，冷得我頭痛得很！心是很想溫溫習，但著實没這種心機。無緣無故又一天，再一天，如是者，還是没溫習過！

今天亦如是，早上起來梳洗收拾飲茶，叔嬸姑嫂聚首一堂，又打麻將是也，無無為為又游了一天！覺得自己在虛度光陰，剎死你 ！

學校附有e-learning，原是好事，可惜它那個礙事的password總令我為之氣結，永遠都登入不到，每次都要花一輸時間破解密碼！ 還要衰到花好一段時間還是落空，索性住手罷了！

就在我還上網之際，某君竟然帶埋櫈仔入我房，每次見到某君，她總對我說一些没意思的話，心情己經忟憎，還要聽她ｘ＠＃＄＆＃＠地說著，真的很怕應酬，都不知該說什麼才好，勉強地說又覺得自己假，答你又覺得"行"，不答又没禮貌，但如果回答的話一定没完没了，今次我索性不回答，點頭當回應，直至又說我瘦了，怎麼每次都是瘦了，見足十幾年，年年都瘦了，我豈不是成了一副白骨 ？！叫我食乜食乜食乜，没有肥肉，没有鴻福咁，最後我都忍不住說句，不要講了！你還比我瘦！完場！大吉！多謝晒．．．

晚上又是吃飯、沖涼、睡覺，這樣過的一天，甚是虛渡。憎 ！

星期五遲了起床，不願上班，但一想起有free lunch，還是起床，趕忙地出門口。

回到公司還是一貫的悶！游了一個早上，中午到了某酒店吃免費午餐。行政人員套餐價值$275，服務非常週到，可惜要和老闆們一起坐席，總是不能太過豪邁！(扮斯文呢樣野我最耍家 既呢!)

今天仍然有廠的人來拜年，雖然好多都會側側膊在我身邊走過，但居然有個傻更更的給了我大利是！(佢地d利是係分開派架!好明顯係有大細之分!)

放工後，和一班死靚仔去了唱k，從來身邊的朋友中，都只是有ｋ歌之后爭咪唱，想不到今期的死靚仔才是ｋ歌之王！(真係唔夠你玩 )

http://www.bozzetto.com/Flash/Life.htm

假如你是上帝，你會怎麼辦？

今日廠請食飯！好豪咁去左亞翁鮑魚食鮑蔘翅肚。

前菜：海蜇、豬耳、炸豆腐。（炸豆腐超好味，外脆內滑的！讚呀！）

主菜：蛋炒翅＋湯，小鮑魚，海蔘，鵝掌，魚肚，什麼班兩味，豆苗，炸子雞，鮑魚雞粥。

（第一次食乾既，湯係分開上既翅，其實都好味既，不過個人感覺怪怪的。）

（第一次用刀叉食鵝掌，食小鮑魚之前，侍應為各人預備刀叉，然後擺上每人一份鮑蔘掌肚，於是乎，我神乎奇技咁同佢起皮去骨，挑戰成功，去完皮成條骨仲係完整，佢係得到個全屍架！ ）

甜品：合桃露、馬拉糕、水晶飽。

（雖然三樣都好味，但係今次竟然無啖啖燕窩食．．唔制呀 。）

今日發現老細都真係好鬼cute架，同前老細KH有得揮，事關我地去食飯之前，廠已經叫好菜，老細一到就問佢個鮑魚想點整啦，同埋大概話佢知叫左咩咁啦，人地一講話叫左個ｎ斤重既乜班後，老細就問，唔要得唔得架？攪到人地都呆左一呆，我諗老細都同我一樣唔鍾意食魚架！比我揀我都寧願食燕窩啦！

　　生日快樂呀！邊個生日？咪你囉，傻瓜．．

　　今日係人日呀！人人都生日。今日多左好多人返工，於是乎都跟住人去拜年，逗埋逗埋都唔知佢係邊個既利是 ，呵呵！老闆今日又請飲茶，一飲又兩個鐘，真係好似唔駛做咁！下午因為同事唔做，又一餐下午茶，嘻嘻 ！放工落車見到好耐無食過的富豪雪糕車，我梗係要買番ｄ返屋企啦！好似成日食野咁添！

　　今天是年初六，是情人節，都是新年後上班的第一天，感覺清閒，因為公司一半人都放假，利是就無乜點收到，反而收到白之戀人，之前表姊婚後度蜜月到北海道也買了一盒給我家做手信，好味道呀！但今次是白朱古力的，都是黑朱古力好味 ．．．

　　朋友仔唔得閒同我去街街，於是索性OT到八點，返左呢間公司咁耐，最遲走都係今次勒！放工一落到街就見到好多好多既人 ，好在我係返屋企者，真係好憎人多呀，見到就忟，仲越黎越討厭香港，人多車多樓多仲要高，好有壓迫感！走在街上，見到好多 花，我都好鍾意架，但係唔知點解Honey總係唔肯送比我既！

願天下有情人雙雙對對，甜甜蜜蜜！

　　今日其實約左Yen返永光的，本來打算吃早餐後才去，結果比人講中我遲到，唔制呀！ 最後無得食早餐，但趕得切入場。

　　嘻嘻！因為過時過節都會有ｄ特別佈置，所以都影左ｄ相，仲同漢寶BB合照添，佢係咪好得意呢！合照完我發現佢好聽爸爸話架，因為原本我坐低要同佢影既時候佢係想喊架，爸爸一個命令話同姐姐影相，佢就即刻變臉咁變左呢個樣喎！

之後，無野做，同Yen去左打桌球，哈哈哈！我地去到係比亞叔同亞蟬教打波架！下次我要計分！

幸福是什麼？如果有人祝你幸福快樂，你會想是一個怎樣的幸福？怎樣的快樂呢？

今天返永光的時候，劉宣教講幸福，很好笑，新年的時候有人會祝你五福臨門，咁你就開開心心咁話好呀好呀！但原來五福的其中一福是安樂死。然後我就想，我要的幸福是什麼?你呢？