開住自己既網頁打日記，因為想聽住這首歌，歌詞的頭一句真的很到肉！

耗我一生，不過是場夢！忙碌中，充斥悲哀、笑容．．．

今天晚上又是上學的日子，單看著派到手的Lecture Note已經為之一震，真的重得手都震，共4本+一份，下堂還有一百頁等著大家。我呆了，黃頁的厚度，我可以應付得來嗎？

然後攪笑的導師一邊教英文生字，一邊釋中文寫法的，香港人真的是雙差，英文又差，中文都不見得很懂，尤其是寫，不信的話，考考大家這是什麼字，試下讀：

贍　讀音到底係：a:貝　b:詹　c:府　d:善

要唔要比個提示大家：

佢可以配合以下一個字而成為一個詞語：

贍養

相信大家都讀到勒：

b:詹養

係錯架！

呢個字係讀：(善)養，離婚攞d贍養費者，都唔駛毒(讀)到叫(詹)養既！

中文又考起，英文又難，這科是執意要死記的，對於天生失憶王的我，更是的大敵，除了電腦，這科一定是我第二最難，一定要加入成為克勤的超級fans了！

如果，耗我一生不過是場夢，那麼我到底應該執著(完夢)，還是放開點(及時行樂）了呢？！

Follow my heart?你知道什麼是心大心細嗎？

人由未出世之先，心己經一大、一細（澎漲、收縮）地跳動中了。

今日終於甩難，"莊你"和"輸"等人都全部回歸美國，我可以回覆我的安樂日子，只是版版已經很冷清了。

放工的時候想著，到底走過隨道還是往總站坐車好呢！最後還是因為有點忐忑不安而選擇了前往總站。回家又聽到新聞在說今天又往該處搜集証據，香港的新聞像連續劇嗎？答案是肯定的。幹嗎一宗槍戰後又要報道家人前往做法事等等，每天追訪著，報紙就像小說般每天連載，本來無一物，就這樣惹起了塵埃。

事發的第二天，我大無畏地想走那條隨道，還有點好奇想看看的，想著差不多每天都會經過的一條小路，一夜之間成了香港人的大新聞，只是那天被封鎖了。人生無常，如果換著是我又會怎樣，好奇還是有點累事，没想到看了做法事的新聞片段惹起了這小觀眾的不安(我是否可以打去廣管局投訴呢? )，今天應該解封了，但我不敢往裡走，怎算好呢？！

開始盤算著，明天上學不用往那裡回家，後天朋友生日，不知會否一起食餐飯呢，大後天又是上學，星期五有約會．．．這麼一星期都不用往那裡走勒！^^''

晚上去了美容院，美容師看我面上的點點時說這是血毒，問我是否喜歡食海鮮，何止呢！我還喜歡吃牛、羊和甜品，朱古力等，每樣都是致命傷，想了想，最可能戒吃的還是牛、羊，好！嘗試一下看看會否血清點先．． 。

呢兩日係公司都真係頗辛苦，Sue姐佢地黎既頭一日已經唔習慣全日要特別勤力，精神貫注咁做野，無論行出行入，又或者坐係位都總有人望住晒咁，好唔like呀！

今日仲橙！唔知攪咩傷風，早上都仲OK，食完飯番黎簡直唔得掂，即刻食唔眼瞓既幸福傷風素，點知極眼瞓，雙眼簡直開唔到，一直係公司捱，倒數住時間，點知亞sue姐出黎見我個死人樣好愕然，我唔係烚眼瞓呀，好明顯我係唔舒服啦，我心諗！不過都唔理得咁多，夠鐘就即閃勒。

唉！又要再約你地勒．．真係唔好二四呀！peggy & connie我都唔想架，不過我發現我地約親都要約幾次至成事既！ ''

禽晚約左肥及她同樹們往九龍城街市食泰國野，味道唔講住，先講講點去先！

問左同樹，知道有小巴可以直接係附近落車，就傻更便咁走去搭勒，原來係經紅磡－＞土瓜灣－＞九龍城，都兜左一兜，不過我還是很喜歡搭呢架車，因為．．．佢經過我細過成日都會搭車經過既隧道仔(其實我到而家都唔係好知呢條我諗全香港最短既隧道係叫咩！）

經過既時候，心情總會有點緊張同興奮，因為隧道的出口就係我細過讀過其中一間幼稚園，有棵好大既樹，我仲記得小小返學時候既情景架！好想可以入去睇下，到底而家入去會覺得點既呢．． 。

我細過係九龍讀過三間幼稚園架！不過我淨係記得呢個地址間咋，好想去番附近徘徊下，細個係土瓜灣住，媽咪話我住過係祟潔街，唔知比我撞過果條燈柱係邊呢？唔知我中過招招果條又係咩街呢？仲有好攪笑既鄰家小朋友而家變成點呢？

P.S.泰國野我最掛住ｄ炒蟹，兩個人去食就差唔多！其他就ｏｋ啦，好正宗既泰國菜咁囉！佢地好多人話好飽，不過我食唔飽，好似咩都無食過咁．．-_________-''。

由未出糧個日開始，我己經預計今個月我既財政狀況係日日食麵包都唔多掂！

於是玩樂的大計推得就想推推佢，點知話推都係推唔到既呢！（當然啦．．個個都好耐無見咁，我又其實好鬼想見下既！ ）

今日就賀Imen & Louis 新居入伙，好正喎間屋！哈哈，有好多我至愛的宮崎駿攞設呀！ 晚餐去左大榮華食野，都真係唔錯架喎！15人去食到不知幾咁飽肚都只係九草咋．．抵抵抵啦！唔怪得之咁鬼多人等位呀！

我的好味之選有：叉燒、燒肉排、豬腩肉、馬拉糕同埋水晶飽，其他都不俗，只係唔係我至愛啦！尤其著名的豬油撈飯，真係下次先勒，後尾係裡面見到滔滔，佢好nice咁同我地成班影相，佢既身形可以証明食食埋埋ｄ好味野既結果會係：肥死呢！食到咁上下仲派單張比我地，可以入會做滔滔之友喎！帶你去食野既美食之團。

（哈哈！食左至記得影相天．．^^'')

禽日，都係肥死架！同亞肥同埋一干人等入長洲，先係食甜品，我都估唔到一入去就係食甜品囉！真係好少有呢！攪到訂左既opera都未整好，於是乎，一日裡面我去左Katie度三次！真係越黎越誇！不過今次食到ｄ未試過既甜品，有士多啤棃芝士餅，棒子Cake，opera，都好味，今次最鍾意棒子味添．．好滑呀！士多啤梨果個ｄ士多啤梨果層好香好滑，反而嫌芝士層厚身左，不過低層可能要咁樣啦!^^''而晚餐都只係一般的BB燒，好在無去食海鮮咋．． 。不過肥力士都好醒目地知我入左長洲喎！下次我一定履行我既諾言既！（希望可以啦．．^^)

(Katie特製超大梳乎里，嘩！未嘩完己經勁縮水，更加嘩嘩嘩呀！爭ｄ影唔切天！）

再前一日，都一樣癲架，我記得我食左七餐，早、午、下午二點、下午四點、晚上六點、晚上十點、晚上十二點。雖然都唔係食左好多野，但總係維持飽肚狀態都已經夠唔掂！

又係多謝時間，多謝明仔請睇戲＆食壽司啦！都真係有ｄ唔好意思架！不過你講到我窮呢個理由，我就真係無野講，唯有多謝啦！^^''

似乎成個禮拜都係咁食食食，同埋洗洗洗＄，係時候節制下勒！但係仲有peggy佢地果餐天．．= =''。

Very Very unhappy...wanna quit....

I wanna die, I wanna cry..you see....woo wooo wooo hey!

耗我一生，不過是場夢！

忙碌中，充斥悲哀、笑容，

過與功， 一息間 已 是空 ，

身邊親切臉孔，一片朦朧。

未覺光陰飛快地流動，

狼的心， 怎麼可給認同？

每一天，私心製造中，

可知終也像風，

消失茫茫夜空？！

行過彼岸，（神讓愛一再探訪。）

是誰令我今生再回望？（全被世俗遺忘。）

祢讓我甘於釋放，

手裡的一切，亦見到希望。

當初怎捨棄 祢？

忘掉 祢迷路直往！

未覺光陰飛快地流動，

狼的心， 怎麼可給認同？

每一天，私心製造中，

可知終也像風，

消失茫茫夜空？！

唯獨 祢是王！（唯獨 祢尊貴的光！）

攀到高峰， 最終都變前浪 。（是 祢的真光！）

我在這沙裡作王，

轉眼間所有令我變瘋 狂。

想當天 祢那，柔和良善眼光。

唯獨 祢是王！（唯獨 祢尊貴的光！）

是誰令 祢失望流淚看？（是 祢的真光！）

我在這沙裡作王，

只愛這千變萬化的鋒芒。

點點真理，原諒我從來未.... 細看....

岩岩至發現唔記得打電話通知人，就拿拿臨打比人咁啦！心諗都死勒，咁鬼夜十二點勒，不過留個言都好吖。

於是打比拍七．．

嘟嘟聲之後，係一把佢咁既男人聲，扮緊譚詠倫唱"一生中最愛"..如果痴痴的等某日終於可等到一生中最愛.. !

唱鬼左成段，真係頂你個肺！不過如果係男朋友唱首情歌我聽，又真係幾冧架喎．． 。

話咁快，我就係考試既陰影裡面走左出黎勒！事關呢幾日個新壇多左好多人黎呀！開針開針(話時話點解呢呵!!)。

一人講一句就笑死我，所以呢兩日雖然好眼瞓，但係就精精神神咁，順順利利又過一日勒．．仲不時味味咀咁笑添．．呵呵！美菲一見到我咁既衰樣，就知我係度上緊網勒！其實我好想叫佢一齊入去玩，不過都係唔好勒．．

雖然好開心，不過同時都頗繁忙，我忙都唔係重點，最近人流又多左係我呢邊轉，最重點都係會議室，會議室一有人，我又唔玩得勒．． 。聽日又做埋晒ｄ無無聊聊既present，吹水多過乜，但係就要執餐死．．worthless!

希望繼續好玩．．呵呵！

係一個風雨交加，寒流襲港的晚上，我要考一個無把握的試。

盡最後的努力，溫左幾日書仔，腦袋都係一片空白，第一日空白，第二日空白，第三日都係空白！我個腦學人出污泥而不染，無論我點努力咁染呀！染呀！佢都好似加左coating咁，我隱約聽到個腦同我講：我鍾意雪咁白。

最後都真係無符，開始知道咩叫做低處未算低，我講ｄ分數，我估呢科係我要讀咁多科之中，最令我討厭的，呢幾日都真係唔好同我提"電腦"呢兩個字囉，諗起都．．．我都唔知點形容好勒！

考完試，目無表情咁走出禮堂，灰灰的天＋密密的雨，正配合我鬱鬱的心情，一股寒風吹過，感到一絲凋零。就係呢個仲"凋"緊既時候，除左我，仲有一個男人，佢個樣有點狼狽咁似乎打算整理他的外套，預備迎著雨，向前衝咁款，剎那間諗起我的一把傘都夠兩個人撐，就順道問佢：

我：駛唔駛遮埋你？（仲鬱緊的我没半點表情同高低音）

佢：（呆一呆）唔駛勒。

我：(望一望外出，唔知點解有點於心不忍咁上下)都幾大雨下喎．．．（都係無表情無高低音）

佢：係呀！

我：你都係去車站果邊架姐．．．（仲係"鬱"緊）

佢：係呀！

我：咁遮埋你啦！（都仲係無表情無高低音）

佢：好呀！

我：（呢一剎那不其然係度諗：男人老狗話遮埋佢好似好驚訝咁！驚我扼左你咩！ ）

由於心情唔多好，搵左豪少比我"訴下苦"，講講下講左呢件事！佢狂笑咁話：可能佢驚比佢老婆見到呢！係喎！我終於都明點解勒！

前果幾年，我都唔係咁鍾意講電話，但係唔知點解最近．．．都唔可以講鍾意，但係真係講多左好多，一講又個幾兩個鐘，電話費呀！！＄呀！！唉．．． 。

後尾我係度諗：今晚日行左一善，希望亞sir都幫幫忙，對我多點仁慈，比我合格啦！