睇電視既時候講開掌相，講感情線，咁好自然我又望下我既．．．如果好似佢咁講，我就有好多感情煩惱，三十五歲前會嫁四次，好可能嫁去外國，三十五歲後仲可以嫁多三次！對於呢個答案，我有ｄ驚訝！可以嫁七次係幸運還是不幸呢？唯一我可以肯定佢講得岩既係，我的男人都讓我失望囉！(起碼暫時都係)但係我唔想呢世都係囉．．-_______-！

係燥姐同我開波到今日，我耐唔耐都會諗下到底點做好，又問下人既意見咁啦。由嬲嬲地到開始諗讀書既理論可唔可以投放落去呢，如果我係經理我應該點點點，好多理論係個腦度，好想打個醫貓比老師問下係咪應該咁咁咁，同佢討論下．．． 。

不過我既思想同行動係好有分別架！

今日燥姐一番到黎都係咁燥咁啦！佢個樣係咁架－＞．＼／．

今朝又移動下個打印機，期望可以搵個最低影響度既方法讓我生存得舒適點，於是大家都問做咩，唯一唔怕死既美菲大大聲咁同我講咁樣唔就佢喎，唔怕死既結論當然係比燥姐話啦，不過呢次唔算太過份，美菲都當聽唔到，繼續同我講笑，但係燥姐既心情雖然未到八號風球，但係都已經掛左三號。

本來我諗緊係咪應該係開始對燥姐既漠視行動之前，先同佢傾下，盤算著既時候，佢對我都係好無禮貎，佢將要比我既野拍一聲就咁放係partition上面，我唔理佢佢就再大力ｄ推過黎，我懷疑佢當左我張枱係佢個郵箱！！！

之後唔理佢去樓下搵野，番黎見到歌莉亞同卡雲傾緊計(far far away form miss angry!)，我就忍唔住叫歌莉亞調我位，但係好笑既係，我都未講我頂唔住ｄ咩既時候，卡雲已經叫我忍下，歌莉亞就接住同我申辯話燥姐掟野掟到佢都嚇親．．．佢兩個開始一人一句，我只係度"點頭"，可惜最後調位不果，搵完野番埋位既時候，見到歌莉亞係會議室好甘咁大鬧左燥姐一鑊（我就坐係會議室隔離），坐係度聽住燥姐喊晒既時候，我真係有ｄ於心不忍，但係美菲就好似好開心咁笑．．．唉！一組人好似四分五裂咁，我又開始諗，如果我係經理，應該點處理。

年初九，今日差不多全公司既人都番工勒！本來高高興興可以玩下逗利是，但亞燥姐一番到黎就乜心情都無晒！

佢成十點至番工，但係一番黎就癲，係度話佢前面部打印機好臭，問我覺唔覺，我話唔覺佢就無啦啦就搵我黎鬧，一路鬧就一路推埋部機去我果度，然後好例牌咁喊，好似我好唔岩咁！佢真係痴線架！成日係咁掟野，攪到本來好平靜既我，心情變得惡劣，由於事發有時都好突然，本來好安靜既環境，佢無啦啦掟野，又令我為之一震，真係嚇到心都離埋，要買定ｄ定心丸呀！定驚茶呀！定神油呀！就黎要買埋定型水痴住個心。

激死人！一直以為返早上的課堂，原來是返下午，害我今早摸門釘又無睡覺。 地打電話，我一定要講出黎發洩一下，不過晨早流流又真係無人聽電話，之後我打給他，總於有個人聽電話，但很奇怪地他說我打錯了，本來我都以為真的打錯了，但說話的語氣又明明是對的呀，奇怪!!最後還是打給很多節目的朋友仔-亞業小朋友，他又準備去玩樂了，然後開始一輪機關槍地說個不停，他說讓我講粗口發洩一下，我郤一直說著:無野勒係咁啦，但係又唔收線，炆炆的時候有個人笑住黎比你發洩的確是件樂事。

在此說聲謝謝!

(無論你看見看不見都好啦.. )

話唔好臨急抱佛腳話左兩個年，呢個陃習到今日都仍然如是。

改改改要改到何時呢！

坐到通頂，挍盡腦汁，苦苦搜尋到天濛光，到頭來，唔係眼瞓，唔係手痛，唔係頭痛，係腳痛！ 坐成日都會腳痛，真係做乜叉呢？？一夜之間，變成 腳是也，好乸痛！

有d野，一日之間已經可以翻天覆地咁變晒；又有ｄ野，似乎呢一世都唔會點變。

要接受變同不變，原來都一樣會令人難受，正如某人講：或者你諗下咩先叫唔難受啦！

今日之後，半杯水會是半杯水：不是半滿，不是半空。

今天的心情像坐過山車，最初的時候，一直向好，越上越興奮，世界就好似今天下午茶所吃的甜品名字一樣：開心世界。

現實世界亦活像這碗甜品一樣，越吃越是難吃，開心世界的底下是韌力十足的明珠，牙力没想像中的堅強，所謂食之無味棄之可惜，忍耐都最後，最終勉強無幸福，立下決心，乾脆點讓它隨碗而飛。不是我愛的就不是愛我的。

因為開心，所以冒險地作了一件事，過山車到逹了高峰後，急轉直下，腦袋變得天旋地轉，靈魂繞了一個圈又一個圈，天生耳水不大平衡的我終於呆若木雞，張開口想說話，偏偏發不出一粒聲響，最後最後 ，不消幾分鐘時間，郤花掉整個人的氣力．．．

散了！我散了！

It is very bored in the office. Nothing to do and also don't wanna la..

I discovered that I would online these day or maybe because of my new situation..haha. However, the really bad thing is that I can't type in Chi.. .It is really good if I can do my private work on the office.. !

 Sorry for understanding my poor poor Eng. 

多謝呀！收到晒大家既賀年祝福，承你地既貴言，大家都一年好過一年啦！開開心心無煩惱！

收到個壞消息，令到一直猶豫不決的離港計劃正式告吹，最起碼這年度都不會實行，這是告訴我現在還不是時候嗎？好了，我願意等待時機，其他的想法或者都可以隨之落實了！塞翁失馬，焉知非福。還是相信明天會更好來得令人高興。