晚上，入西貢食海鮮，基本上我只係識得一個亞業，仲有咁岩可以陪我既豪少同埋一齊去，估都估唔到佢話多人係多到包左五圍枱囉，我可以記得既名十隻手指數晒。

又估唔到既係，豪少雖然第一日識人，都咁可以口若懸河，見到 Lincolin簡直一見如故添！全場佢地係咁吹，我就可以安心咁間歇性搭訕傻笑發呆睇電視。吹脹既係有人問我地拍左拖幾耐，大家都即時澄清，但係由於人太多，呢個唔知美唔美麗既誤會係繼續發生架！ 就連亞業都話以為我地係，到底點解呢？？我好想搵到個答案，因為我同佢表現得太熟？？還是我太唔客氣呢？？最後好似無答案咁，但係亞業既一句話就正中下懷：咁樣咪好容易令人鍾意你囉。我就係唔想咁，我想要老死多過要男朋友囉，咁應該點樣好呢？

講番食海鮮，原來佢地係去通記（我記得熊熊話呢間好ｘｘ的），無想像中咁好食（始終都係係妹姐度食果次最難忘），不過就抵囉，有大大隻既海蝦，大大隻既帶子，魚都兩碟唔同，仲有蟹呀汽水任飲之類啦，掛住嘩同笑，都唔記得食左ｄ咩，總之就夠晒飽二百蚊落樓！但係唔係好吸引到我特登去食第二次囉。

唔經唔覺就食左兩個鐘，為左比番個場人地團年收工，我地有ｄ就去左行花市，有ｄ就落左lincolin間cafe玩，真係包人全場咁，打牌既打牌，打機既打機，玩棋既玩棋，唔知係咪入夜，我都開始變得唔客氣。最攪笑係佢唔夠杯用，週圍叫人飲完比番ｄ杯黎，真係未試過咁多人一齊玩，好似唔識咁，但係又唔駛同你客氣，呢個feel岩我．．呵呵！我最鍾意唔客氣。

難得放半日假唔駛同人迫就梗係搵人陪我玩啦!幾經辛苦，最後搵到豪少陪我，都不負我竭而不捨咁打電話。

十二點半準時收工，先去左買飛睇魔幻王國，然後豪少帶左我去樓上餐廳食午餐，環境真係唔錯呀！以後又有個新地方可以閒坐。

跟住去左探妹妹，佢返黎既目的係收禮物，我去既目的係送禮物，佢見到份禮物都好開心咁呀！！我都開心．． 。

主菜出場－魔幻王國，唔知係咪我期望過高，又或者，我之前有既資料太多，估計到劇情變得無驚喜，而且略嫌人物性格表逹得未夠細緻，特技係好，但係唔知點解總係覺得顏色光暗唔夠靚，呢個係戲院問題定係電影本身既事呢。

不過個人幾鍾意個白女巫，激cool，造型夠晒掂！係佢要剎獅子既一幕，腦裡面有好多其他影像，白女巫蔑視獅子為個叛徒甘願受死犠牲捨己既愛，係白女巫殺死獅子既一刻，白女巫話：愛不過如此。佢睇唔到救贖既意義，這愛唔止係獅子捨身一個救一個既愛，唔係死左就灰飛煙滅，而係重生既愛。然後個腦又自然地轉轉轉．．． 。

年廿八，公司放半日比人返歸洗邋遢，好多人已經開始放假之餘，其他人又要趕住係早上完成手頭上既野收工。忙左幾個鐘，十二點就無晒人係公司咁滯，因為亞sir請食飯，一蓋人等都被趕晒走，剩番我坐係度比人串我唔去添．．哼！

就係呢個無人既時候，我就可以做我想做好耐又做唔到既事勒．．呵呵！

昔日既位置，箭咀代表行人通道。　　　　　　遠黃色係以前所在位置，近黃係而家，紫係通道。　　　　

似乎乾淨左既新位，但總覺得有野咬咬。　 　

本來以為調左位ｏｋ好，後面又無人坐，前面又無咩人行，真係做咩都無人理，但世事係真係無咁理想，因為走廊有個櫃，櫃頂放晒scanner,printer咁既野，雖然無咩人會行過，但係就會有人企係前面整野，而我就好似變左吸塵機咁囉！

　　呢個唔算大問題，最大問題係我位亞姐，佢患有無定向不穩定情緒化思覺失調燥狂症候群，佢就調左去我隔離，以前一知佢病發我就一於少理，梗係唔會走去受杷啦，坐係位無野做咪最多咬手指囉，但係而家近距離接觸，日子唔知會點過．．-________-''。

搬遷後開工三日，第一日佢無返，我過得ｏｋ開心。第二日，佢一番黎就黑面，心知不妙，成個早上佢都好燥咁既樣，直到有廠黎左，佢地兩個因為無定企，就企左係佢前面個櫃度講野，佢就突然唔知做咩大聲叫人行開啦！

過左一輪，歌莉亞見到廠人黎左就出黎寒暄兩句，因為歌莉亞坐係燥狂姐姐後兩個位，好自然佢地就係企番係燥姐前面個櫃度講野，講左唔夠幾句，燥姐開始發脾氣，隨後仲喊添！ ．．歌莉亞見到就問佢做咩啦，佢依依哦哦咁唔知講咩．．歌莉亞又關心咁問多兩句，燥姐竟然話：你地好嘈呀！然後繼續喊，好似全世界對佢唔住咁！

然後，全日不時地震，燥姐就係我隔離大力地掉佢既file box，大力地cup電話，電話係掛係我同佢中間既partition度。然後，歌莉亞有咩都唔搵燥姐做，搵我黎攪，再唔係我就係個中間人。又由於距離近，燥姐有咩就係住度大叫，都唔知佢係咪叫我，但係我又要應喎，然後比我ｄ文件就咁放係partition中間就當我應該知ｄ野係比左我咁，長此落去我諗我真係名副其實地"實癲"。

大家有無d咩好意見可以比我，等我呢位亞姐可以控制下佢既情緒咁呢！

第三日，燥姐無返工，我好開心，我開始好想佢放多ｄ假，真係寧願做埋佢果份好過無形地受佢氣。開始明白做人經理甚艱難呢個道理。

今晚終於排除萬難咁去左妹妹間舖　－　Frittata，開左都應該有個幾月，我都係第一次到訪咋．． ！

本來諗住攞埋份禮物比佢，但係臨放工執野執到傻左，咩都唔記得，只係攞左ｄ衫咋，估唔到要送份禮物仔都咁難！

反而去到係收禮物囉，我真係好鍾意喎，其實好耐之前已經想買比自己架勒，不過我實在有太多cusion至無買到，嘻嘻．．摯愛寢室顏色！ 仲有貓貓年曆座，岩晒賀我新位調遷之喜．．呵呵！

各位如果想新年前買下ｄ新衫既話，十分歡迎去Frittata，事關呢排大割價，真係又抵又令架．．哈哈！（好hard sell)我都買左ｄ，呵呵．．好鍾意！

廣告時間：Frittage　(潮流女裝服飾專賣店)

位於：尖沙咀漆咸道南87-105號百利商業中心商場2樓34號舖。

綱址：http://www.frittata.net

***探完妹妹，離開時撞見醫神太喎，估唔到佢都行百利，又估唔到生完個女都係激瘦喎***

唔知大家仲記唔記得我寫過既家有小魚呢？！

話說係數月前，一個風暴要黎唔黎既日子下，小魚生左一堆小小魚，可惜小小魚相繼辭世，最後只剩低細鬼頭一隻倖存至今，以為經過幾個月後，細鬼頭大個仔可以融入比較大既魚缸中啦，入左去一日都好地地，第二日就開始生到一點點．．-____-!

唯有搬番佢去箱仔醫病，天氣咁凍，又病，又要適應過新環境，唔知細鬼頭捱唔捱得住呢！

***黃昏時，媽媽大叫有人生仔呀！嚇得我措手不及，係隻魚仔生仔者，可惜早產，全部未出世就夭折了! ***

後記：原來以為夭折既ｂｂ未死架，到今朝早就發現其中一隻游下游下喎！ 　到夜晚番到屋企，第二孕婦又產下鱗兒，呢次就有多幾條生猛小魚，攪笑既係，佢下晏生一次，夜晚又生多次，不過都唔似得細鬼頭媽媽咁一胎生成百條。唔佑第二孕婦又會點呢！期待中．． 。

真係好鬼死凍，但係都真係要執野，唔係真係可能生蜘蛛．． ．．就黎變 。

一執就發現有好多陳年老貨仲係度，零四年既"陳皮"，零二年既"乾""泣"，結果豪晒比垃圾桶，佢就食到飽晒，我睇見就覺得自己敗家！仲岩岩入左d新貨添．．=.=。

仲有個發現，有個唔知乜乜乜既燕窩美白咩咩咩既版仔，睇黎都仲用得，但係為左唔好搵塊面黎校飛，我就將成盒以用得唔好晒既方法放晒落隻手度，洗完發現隻手即時白滑左，真係掂掂地喎，不過我連呢盒野既出處都已經唔記得左lu。

我一直有一個心願，只是這心願逹成的一天，似乎很近，但亦似乎很遠，一直都處於很予盾的狀態，因為除了這心願，還有另一個大相逕庭的"自己"，"東"和"西"這個極大的予盾是否可以同時發生？

每次看見一些義務的福音工作訓練都很有衝動報名，當然訓練的目的是想透過這活動，吸納人完成訓練後作為一個服侍的義工，而這和我的心願很一致，總覺得生命能夠令生命回轉是很有意義的事，感覺上我很願意回國當貧困小朋友的義務教師，我是可以出一點力，但同時會問，是否真的有這"能力"，天知道我是一個依賴的大小姐，天知道我愛自由，天知道我弱不禁風，天知道我有很大"自己"。

於是，有時"自己"會打低這個心願，有時"別的"會打低這個願。

只是，日子一直地過，心願仍在，而且漸漸地，似乎發覺方向會是什麼。回想一次分手，失去他後我開始學習獨立，我開始學習依靠自己，做以前我不知自己是否可以做得到的事(當然我覺得可以做得到的事，仍然願意有人代勞啦！ )，我開始變很勇，很想每件事自己都可以做得到，不只是別人幫助我做，期望他們可以教我做，以昔日懶惰的我，有人幫就懶理，然後每次有事都會依賴地找別人幫忙，由細到大，我是很幸福的，總有人會願意甚至主動幫忙，或者別人看我還細，還者是天生我是香港女生的幸運，或者我剛巧碰上有心人。正因為這樣，我依賴性很強，但郤竟然想獨立，現在回想，這進展似乎很配合我的心願，感謝主，我知道祢才是最愛我的，只是．．．。

應該等覺得自己合適，還是用"勇氣"去取代呢！我做得到，但這是需要很大的努力和犠牲，交接點在那兒？要說一句我願意很容易，但背後所要背負的郤很大，我有這個能力嗎？我真的義無反顧嗎?

突然想起，其實我見過月亮同太陽同時出現，或者以為很大的予盾，有時候是可以同時發生的。

魔鬼先生著　http://hompy.netvigator.com/main/comments/ngkakei

當感情變質, 別說感受不到, 你和他也是.
如果真的感受不到, 只是更悲涼的事實, 就是根本從來沒有投入過.
一年, 兩年, 三年...
年份, 就等同虛耗的光景.
究竟是六年, 還是七年?
有得選擇, 寧願只是半年.
感情, 收與放, 都在剛剛好的時份.

說離開, 其實難度不高.
無論站在哪一邊的位置, 時候到了, 自然知道.
想騙自己, 也編不出故事.
選擇先走的那個, 也許是因為到最後一刻;
才想起在這段感情裡, 原來沒有愛過自己.

才發現鏡子中的笑容, 在自己看的時候竟然這般陌生.
原來自己的笑容, 一早已經忘記了.
現在這個, 一直是為了某個人而設計, 練習, 表演.

醒覺的那刻, 其實最難受.
難受是那心的呼叫, 明明已經甚麼都留不住了, 只是仍走不動, 離不開, 只能呆站原地.
「回來好嗎?」聲音少得毫無殺傷力, 連自己也說服不了自己.
那刻, 似是被自己遺棄了, 連感覺都不再撐自己, 天旋地轉, 到底是甚麼拉住了我們的關係?
被動的想起舊事, 卻想不到自救的方法, 只浮現要不斷挽救的歷史理據.

想起我, 想起我, 請抽空想想我...
乏力的叫喊, 空洞的傷感, 劇情需要的眼淚.
誰可憐?


完了.
兩個字, 一段感情.
很不化算嗎?

愛情, 如果可以計算, 那還想要嗎?

要做功課既時候通常都唔係好願做架！個心明明諗住早d返歸做功課，偏偏番到屋企就係食飯睇電視打機上網傾計又一日！唔知係咪逃避現實！

於是，最後都出現左今日呢個情況，就係．．．係公司做！今日係我第一次正正式式係公司做功課，當然都唔係堂堂正正啦！（話說我個位係四殺，四面都有人可以出現殺我一個措手不及的。）就係我既專注做緊功課既時候，都察覺四周圍係發現呢個秘密，雖然都唔係明目張胆，但態度上係一於少理架！事關做左一大半無奶油唔收埋尾既同薯，今日經理們好合作地外出工幹，正所謂口講無憑，就當一眾天地線人透明好了。

最後，連同我相熟既美菲到差唔多放工既時候都忍唔講，你今日咩都唔理係度做功課呀下！殊！又被發現添．． ！

下星期就大遷徙勒，到時就唔再係四殺位，簡直如入無人之境呀！前後左都無人坐．．呵呵！(唔知幾時正式請人呢！）真係想研究下係咪唔駛dl都玩到MSN添呀！

返得學多既人唔知會唔會都有個習慣，就係做功課既薯后，睇好多資料之餘，將有用既資料呢度抄ｄ果度抄ｄ，天下文章一大抄咁樣完成功課，當然，都會加少少個人意見咁啦。

估都估唔到，日記都興呢樣野．． ！睇住朋友仔既日記，咦！喂！攪咩鬼衰衰咁抄我ｄ感想，雖然或者你都好有同感，但係都用番自己ｄ語氣寫啦．．假假地呢個都係"你的日記"嘛，撞鬼你咁都copy&paste寫黎有咩意義呢！我都睇得唔開心．．因為．．我想睇既係你呀！明無？咪咁屎懶啦，下次唔同你去街街架．．呵呵 。