丁點心程
今日係勞動節，我的手部係最應節架！不停咁用電腦，用到都有點痛。事緣係下午取消晒所有setup後，就係個網度搵番ｄ野，一搵就停唔到咁，好似都幾得意又睇下，睇睇下就一直研究到而家勒，原本諗住溫溫書／做做功課的大計又擱置，對！是擱置，同取消係唔同架。咁唯有之後繼續努力啦。
哎呀！連搵工呢個大計都擱置埋添．．>.<'，番到屋企就係咁！= =''
原本只係諗住改下個title，點知按錯掣，原本的所有都還原基本步，我隻寵物．．．即時暴斃晒，嗚！於是上網再搵下其他啦，有個小水滴好似幾得意咁喎，仲好hit咁，幾經辛苦搵到點整勒！希望養得大佢啦 。
之前收到學校的信，通知測驗地點。第二日又收到學校的信，又以為是一般通知信，原來是出了上季的考試成績，呀！突然醒覺，雖然已看到結果，但心情還是免不了緊張起來，心跳跳多左幾下，又不知所以地多看了幾次，似乎這事實不是事實般，很奇怪！
吾！我要努力，下次要考到個over level既result!
stole from sandy
希望我的朋友仔們，每日都開開朗朗。
*其實我好想自製呢ｄ閃字，真係好靚呀！不過礙於懶＋笨，到而家都唔識。希望sandy唔好介意我攞左黎用啦．．^^"
自從生日以來，都無一晚早瞓過，發生咩事？
星期一，無番工，都無去街，因為要預備星期二的測驗，都係深夜溫習比較專心；
星期二，無番工，本來想番，但係真係唔得，仲有ｄ病，捱到測完唔知係咪個腦活躍過度，失眠。
星期三，要番工，撐住想瞓既身體，迫於無奈要番工，放左咁多人假係會”屎”架！只是倦極回到家還要趕功課，又到半夜。
星期四，唔知醒，份功課又未趕完，就再花一個上午趕工，一個下午回到公司再趕工，番學交功課，放學，兩點瞓，四點見証由微雨至雷雨，行雷呀！閃電呀！好驚呀！我又失眠．．= =''。
星期五，要番工，但塞車，又遲大到，攪咩呢今個星期 ，本來打算OT做埋ｄ手尾，但係一番去就收到ｈｒ講埋晒ｄ白痴野，加上歌莉亞都未走，眾人都交野比我做，仲要叫我出街速遞，真係當我咩呢下，於是，我好唔客氣咁同未來亞姐講，呢ｄ野我有權唔做架喎！落雨斯濕，好似老馮咁，仲要搵經理個名撻我。即時乜叉都唔想攪，做好本份就走人，我要努力搵工．．哼！
同亞業食飯之前，去左搵AIKI，其實我成日怕阻住佢，不過又想搵佢吹下水，佢地兩個不約而同問我塊面做咩咁，成個星期無覺好瞓嘛，係殘ｄ架勒！仲以為今晚都頗攰會瞓得著，上到床又係輾轉反側，攪咩呢？因為我換左honey張被？唉！周生，你唔好唔要我呀！我真係好愛你架．． 。
今日要開工了，以很不捨得的心情起床，昨晚不知是測驗令我興奮過度，還是無睡意半夜時發揮它的功效，整夜輾轉反側，四時半還眼光光，依我估計，只睡了個多鐘頭罷了，就這樣眼紅紅，眼光光．．眼泛紅光地呆普回公司．．． ．．．。
公司的地震明朗化，只是我的去留．．．ａｍ．．． 。人事關係有時普實令人摸不著頭腦，一年連升兩級既神奇秘技誰可匹敵！還是保持眼光光．． 。
期望今晚可眼白白地就咁做埋ｄ功課．．^^。
今日都係無番工，唔知係咪禽晚換左張新貓貓被唔憤還是真係唔係暖既關係，一起身就開始打乞嚏，一直間歇性地打到就番學既時候，覺得情況惡化，還是要啪粒無睡意，果然啪完係車上狂瞓左一輪（我都係傻架勒，無睡意食左就有睡意，有睡意食左就好精神．．= =""），最後只有落車轉車時，同埋係門口既時候再睇多兩睇，遲左小小至入場測驗，本身頭痛＋流住鼻水＋心跳加速既我，一入場就發揮小宇宙力量，投入測驗，乜病都忘了，寫呀諗呀一直到差唔多剩番半個鐘既時候，弊！仲有兩題＋之前未諗到既未寫喎．． ，又急急趕趕的係唔係都寫番ｄ，最後都係覺得唔夠時間．．-_________-。
係叫停筆之後，即時手軟（都好似唔係寫左好多野啫，真係要改善下揸筆既手勢．．），頭痛想嘔見暈既感覺又即時湧現。
值得一提既係最後一條題目，我睇完即時笑左一笑，唔知係咪亞SIR知我地心情緊張諗住臨尾比人輕鬆下呢？如果係的話我會建議下次唔好出咁多題同埋有得揀囉．． 。
題目係咁既：話說Ivy有個男朋友(James)佢中左一部價值一百萬既豪華房車，咁就打算以一舊水賣比未來老爺(Ivy爸爸)啦，咁世伯當然一口答應，之但係未將架車送到比世伯之前，Ivy識左新男朋友Leon Lai，好自然舊男友就反口唔想賣部車比世伯勒。
咁到底James有無違反到合約呢？!
係我睇完呢個問題之後，我真係服左亞ｓｉｒ咁都諗得出呢條題目．． 。
（比我都要Leon Lai啦，佢分分鐘可以送架唔止一百萬既車比我老豆啦．．哈哈!理得James賣唔賣部車比我吖．． 。）
最近實行了一些本著為自己好的事情，希望改變一下，養成小小的好習慣。
首先是戒牛，由於美容師說我的暗瘡成因是血毒的關係，想了又想，最可能戒掉的"毒"就是牛之後，已成功戒牛好似兩星期了^^v !
然後，有一天看到電視節目，節目主持人說，想要皮膚滑滑的方法原來很簡單，就是只用凍水洗臉，平常大都在洗澡時順便洗臉的習慣就改變了，橫豎天氣也漸暖嘛，試試亦無妨．． 。
前些日子，想著到達貧困線的自己，這個月我花了很多＄＄，因為生日打算給自己禮物啦，因為需要啦，換季了嘛，無論衫褲鞋襪都要買過了，還有未買的袋，未箍的牙，未報的課程．．．想到這裡，人就不其然 。
就在某日上班的途中，見到助養兒童的廣告，每天只是七元，七元這個＄很小額，似乎很容易做得到，回想當年，如果由我出世以來就儲小小＄，不多，就十元，到今時今日我都擁有點點積蓄，不用像現在這樣子了，於是，我決定，由今天開始，每天十元。
我說過要你快樂 曲：倫永亮 詞：向雪懷 編：Day Leung 生命似無數連續細小故事 即使傷心了一次 再有更多夢兒 想著你才會明白許多世事 得不到的一些愛 卻永遠埋藏深處 今天生活似寫意 我也似忘掉往事 你那影子退出了 誰人知 在我心中的愛意
*我說過要你快樂 讓我擔當失戀的主角 改寫了劇情 無言地漂泊
我說過要你快樂 換你一生開心的感覺 原諒我 原諒我 求原諒我
今日我 還有許多許多故事 當中的一位主角 與你有些相似 消逝了 時間磨滅許多往事 得不到的一些愛 卻永遠埋藏深處 repeat *
repeat *
今天一早回到公司，我估，我没遲到。^^v
没想到做功課做至四時許還有點睡不著，今日起得了身之餘，還很精神、精靈的呀！心情亦很好，在公司没太多事幹（只是舊的還是堆著没幹），整天都在版版閒聊，今天多多玩消版，以往所有的版版都給她消滅得一乾二淨了！有點點的不捨得呀！就好像打日記的回憶突然被消除了般！没有了點點的回憶，像是失去了什麼似的．． ，雖然不捨，但我還是由得她，有點點怪怪的， 。然後整天就和他們閒聊似的，很無聊，但我喜歡。
今天很想爹爹人，終日都扁扁嘴加傻傻笑，放學的時候，無人給我爹，就跟自己說著話，後來有隻蟑螂走在我跟前，跟我過不去似的，我大叫，咒罵著的郤是別人，一邊叫著你的名字，一邊想起你清淅可見的臉，很想可以哄哄你，擁擁你，走到巴士站，一隻差不多全黑的貓貓似是忐忑地走著，走在這裡又不對勁，走到那裡又不像樣似的，最後，看著牠骨瘦如柴的身軀拖著躝跚的腳步一步走到黑暗處，依稀帶點蒼涼。
回到家，惹怒了友人，一開始就問我問題（我都回答），然後再來是第二條，第三條（開始覺得煩厭），但還是一一回答了，只是問題還是繼續，第四條，第五條，我忍不住叫他停止，我是很討厭人不住地問我問題，很没意思似的，由第一條至第五條你都没給我一個似乎與你或與我的回答有關的說話，幹什麼！你說這是關心，我說是這廢ｕｐ，同樣的問題再過些時間又是問多一次，說我變了，倒不如說你不了解我，又或是，以往你不會連續給我發問，就不會有這種情況，請不要連續只給我發問問題多於五條，我真的會發皮四的！
。
stole from sandy
，本來打算OT做埋ｄ手尾，但係一番去就收到ｈｒ講埋晒ｄ白痴野，加上歌莉亞都未走，眾人都交野比我做，仲要叫我出街速遞，真係當我咩呢下，於是，我好唔客氣咁同未來亞姐講，呢ｄ野我有權唔做架喎！落雨斯濕，好似老馮咁，仲要搵經理個名撻我。即時乜叉都唔想攪，做好本份就走人，我要努力搵工．．哼！
。
。人事關係有時普實令人摸不著頭腦，一年連升兩級既神奇秘技誰可匹敵！還是保持眼光光．． 
，又急急趕趕的係唔係都寫番ｄ，最後都係覺得唔夠時間．．-_________-。
。
。
。）
。
。
，雖然不捨，但我還是由得她，有點點怪怪的， 
