添布頓與尊尼狄普的絕配影片都是必看之選，今次亦不例外，只是今次的尊尼倒給小矮人搶盡風頭，有點失色。但故事盡是黑色幽默，豐富的構圖，豐富的內容，還是目不暇給。

官方網頁內有d小game玩，都幾得意架！

http://chocolatefactorymovie.warnerbros.com/games.html#

P.S.圖片轉載自官方網頁內

斷耳－盂蘭節出生，七夕被轉送他人，因在運輸時不慎斷耳，故取名為之。

斷耳本是娥姐身邊的解悶玉兔，不慎流落凡間，所謂每逄佳節倍思親，眼見牛朗織女年度私會，私兔郤形單隻影，睹物思人，見到圓形物體就自動投奔，憐哉！憐哉！

懾影娛記拍到當時情景，翌日頭條想必是：痴情玉兔，被貾凡間，悲從中來，投杯自盡。。

P.S.多謝晒!我還是想要個似麵粉公仔的麵粉公仔！斷耳唔知係咪喊呢．．黎左我度一日就開始有點點水珠了！

想睇七劍除了因為徐克、題材，最重要是因為黎明，一個在眾多宣傳海報裡面，最不像樣的造型，我會形容佢"醜樣"，因為很想看看黎明的"醜樣"，所以看了七劍，卻少看到海報上的造型，反而出奇地多見"少二"裝的他，更出奇的是相當襯，估不到這戲的男主角是黎明，還以為是甄子丹，畢竟這是套武打片呢！

故事情節不多說，一句話，好好睇！全長二個多小時全不覺悶，反而濃縮了的人物關係還想可以細緻點拍下來，再來個七劍之青干劍，七劍之游龍劍都不俗！看完還有意猶未盡之感，有機會還想看看原著小說．．哈哈！

看罷還喜歡了戲裡的一個演員，就是上圖的那個，他叫周群逹。戲裡有句對白問他：你為什麼經常笑？你笑些什麼？只可惜找不到他笑的相片，或許"笑"真的容易讓人喜歡你，大家都笑多點吧．．

P.S.精美的圖片是轉載自　http://ent.sina.com.cn/m/c/f/qjxts/

打電話比朋友仔，通常好熟的話，我的開場白會係：點呀？今日係公司都係咁樣打比亞肥。

我：點呀？

肥：就死勒（一個真係就死的聲線）．．

我：點死法呀？（以為佢好忙咁被人勞役中）

肥：我聽日要交Paper，但係仲未做到三份一，你話死唔死勒（苦不堪然地回應）．．

我：哦（由低至高八度）．．原來係抵死！*

*註：因為數個月前已經知道要交Paper，只是一般人都愛臨急找死！（包括我．．哈哈 ）

唔開心咁起身，唔開心咁出門口，唔開心咁回家，希望開開心心咁睡個好覺！

話咁快我個悠長假期就放完了，好好好唔想返工！ 放假的日子實在太好！雖然都攤抖多時，但要認真做既事似乎一樣都無做(每日都係忙住做d無為野)，仲係得個講字！再講下啦．．講講下應該都會有一日實現既，好過唔記得左．． ！

每樣野到最後，都總有一種依依不捨的感覺，假期！我會掛念你的，你要等我！

作曲 :  Cho Kyu Man
作詞 : 周禮茂

聽 你不斷呼叫我 劃破 寧靜我的心下墮
在難過 講不出愛沒結果 口和唇 緊緊閉鎖
哭 也一話都不說 害怕 連累你一生日月
憾無缺 只差跟你曾遇過 給過你 太多波折

*寧願沒擁抱共你可到老(共你能夠終老)
任由你來去自如在我心底仍愛慕
如若踫到他比我好 只望停在遠處祝君安好
雖不可親口細訴 (多麼想親口細訴)*

說太多話我想說 但我 還是要啞口道別
任由我 天空海闊流著血 只要你 白似冰雪
Repeat**

由於無返工，閒來係屋企無樹幹(所有正經野都無心機做)，就睇左好多野，除左香港先生，仲睇埋eason + at 17的演唱會，無係現場但還是覺得很精彩(其實唔係現場都好係損失)，都一樣會拍住手一齊唱同埋傻笑架．．哈哈．．唱得好，氣氛亦好。

鍾意睇Eason除左因為本身歌好，佢又唱得好之外，仲有佢既白痴，成日成個低ｂ仔咁周圍走呀，有時個樣又乸埋一舊，失驚無神又衝落台呀，講野九唔搭八呀咁！但係我就係鍾意佢夠癲，夠放呀！拍住邊個都係一場Good Show！

但係我好耐都無睇過佢既Live勒，自從果一次，真係好想再睇，令我睇得最多次演唱會既就係Eason，其次就係Beyond了！

Eason is the best!Beyond 永遠不死!..Yeah!!(低b中 )

本來都無咩興趣睇香港先生，但係最近睇到ｄ有關高生(勝出者)既新聞，似Rain？？同埋佢彈鋼琴既片段後，就令我好想一睇勒。今日終於都睇晒，原來都幾好睇，幾有娛樂性。

之前偶然睇電視既時候，都有睇過佢地果ｄ前哨戰咁既野，對呢位高生真係無咩印象，起碼我唔覺得佢高大威猛有型靚仔囉，反而對另一個好有印象＆好感，後尾至覺得佢好有亞ex feel，撞鬼囉！無野既，無野既，睇電視者．． ！

睇完鋼琴表演之後，對呢位平平無奇既高生加晒分，鋼琴既魔力真係非同凡響呀！如果男朋友咁樣為自己彈奏一曲，真係乜都應承佢呀！

但睇完整個show之後，對已經加晒分既高生反而減番分，如果final一定要我揀，我會揀另一位，唔係因為肌肉(熟我既人都知我好怕肌肉人)，而係因為男人最重要既係Gentle、自信而不自傲。

P.S.佢一ｄ都唔似Rain！

本來，今晚乖乖的想早些睡覺，因為之前醫師說過，人如果在晚上十一時至二時進入了睡眠狀態的話，就會自然產生一些什麼來提高自我的免疫力，讓身體得以保持健康、平衡的狀態，錯過了，這些什麼就不會產生，久而久之，大家都想像得到。自出良胎以來，這個時間在睡眠的日子可說少之又少，或者這就是身體差的其中一個理由。

今晚算是早些上床，心情亦好了點，因為似乎不太痕癢，是好了點吧！没想到還是老樣子，十一時許\上床，一時許\就痕醒了，還精神奕奕的，到底我有没有睡著過，我也不大清楚，只知道今晚又要跟睡眠廝磨，好不討厭，不能好好入睡簡直是一種折磨，我還要忍耐到何時呢？

每個人都說我在詐病，敏感之嘛有幾辛苦者！突然想起我左眼見到鬼，鄭秀文裡面的一句對白：，「車！有幾愛丫，識果七日！愛咪愛佢\ｄ錢！」就算把口話信ｄ人呀，個心都係咁諗架啦，「車！有幾愛o者，識果七日！愛咪愛佢\ｄ錢！」有時連我自己都問我自己：「車！有幾愛o者，識果七日！愛咪愛佢\ｄ錢！使唔使咁牽腸掛肚呀…使唔使咁牽腸掛肚呀…」

原來針唔吉到肉，有時真係唔知痛！