禽晚趕功課，諗住今日返學交，完成後見仲有時間就瞓左陣，點知一瞓就瞓到上堂既時間，噢！唯有send個醫貓比rita算數，最後一堂都無番，唔知考試會考咩呢？！不過算啦，隨遇而安。

原本仲諗住放學去行下豬仔麥特賣場，都取消lu，本來想取消埋同"奇人"既飯約，但係一開電話就收到msg話已經book左枱，咁唯有去啦！係銅鑼灣行左陣，想睇下而家ｄ手飾係咩價錢，但係真係咩價錢都有，又睇左ｄ日本飾物書，ｄ款真係好靚呀！講真唔係諗住做生意，自己整比自己都好開心，只可惜ｄ日文同ｄ圖都好複習，唔明，都係慢慢黎做住ｄ明既先！其他野都好平咁，同一個地方又有好平，又有好貴既野，好奇怪。

好耐都無行街街，真係行極都行唔完，但係時間又夠，拿拿臨去還書，又拿拿臨走番走番轉頭，真係熱到人都癲，行過維園聽住六四ｄ歌，然後到維園的出入口處，不停廣播請支持支聯會，捐款既口號，到底攪六四係要黎多一個名號去支持ｄ社團定係真係想平反到六四，即時覺得好商業化。

趕忙咁準時到逹現場，不過真係好熱，行左入商場順便睇多陣野，無幾耐就收到電話叫我自己去先，原來book左個同奇人一樣黑忟忟既"一間"食日本野，唔通驚我個樣"殘"親佢？兩個人食左十樣野，好似係十樣，等我諗下先．．．

First Order:

1.池魚剌身　2.東京卷　3.薄餅　4.牛舌　5.羊扒　6.蟹　7......我真係諗唔起添.....

Second Order:

8.章紅魚剌身　9.石頭飯　10......真係好似叫多左三樣野架喎.....係咩呢!

另加:綠茶，龍井，巨峰提飲料

埋單都好貴呀！我都好耐無試過兩個人食成千蚊野，真係唔係你請都唔得呀！多謝晒老闆．．呵呵呵！我食得都好開心，不過如果唔係咁貴就仲開心，其實唔好話ｄ人唔鍾意同老闆食飯呢個慣性吖，我覺得你真係好有老闆feel，我都有小小壓力，就好似果ｄ你覺得人地做得唔好，但係只係望住佢唔出聲果ｄ態度，如果我係伙計我會寧願你出聲囉。

食完我仲想食甜品，不過見你好似好忙咁，就算啦，點知你話車我番屋企，又好！番到屋企仲可以睇到王子．．^^，仲食埋ｄ雪糕添．．．岩晒！

今日既心情級別係： 十分開心

岩岩睇招職想搵野做既時候，順便睇埋佢ｄ專欄之類，其中講進修既專欄講開我讀緊既野，又令我諗野．．．

其實攞個學位既學歷可以話係我既理想，當然，我唔係以為一個學位可以令我做到ｄ咩，但係．．．係最起碼我覺得要做既事，不過，而家只係讀個ad dip都咁，再讀上去我又會點呢?好多關連性既問題....

第一，我覺得我根本就under level。

其實到而家我都無好好地咁寫過一篇完全係由自己寫既assignment，大都係搵資料，然後拼拼貼貼，雖然睇野／搵野/諗野既能力改進左，但係寫野既能力無改進咁落去咪又係唔得囉。

第二，工作VS進修。

搵工既時候成人都比人話我做既野好Jun，我都知，不過如果番工八個鐘都好專注，之後仲要上堂的話，我真係應付唔到喎！番到去都瞓咁就無意思啦！而且有ｄ科真係唔講得少，濃縮精華片段，真係睇少一隔，下一隔已經唔明做緊咩。但係繼續做小小四咩，其實我唔想，而且做得耐左小四，人地就會定左小四位比你。

第三，＄＋生活。

要讀書就要有錢，要有錢就要有工作，要有足夠既錢，工作就有足夠既辛苦，工作辛苦，就讀不了書，讀唔到書就成績差，成績差即係倒錢落海，浪費錢錢＋時間，身體又會差．．．不過最重要既係，係我既字典裡面，生活不單只工作同讀書。如果要我生活係只有讀書同工作既日子，我會 ，我會好 。

不過，如果放棄左呢次機會，應該無第二次機會，畢業後拿不折不扣的港大學位，對我都好吸引，港大畢業生呢個名我都好想要，呢ｄ咪叫虛榮囉。但係，既然都係要讀，攞香港大學既cert，點都好過攞個part-time learning既名好多啦！難怪理想一般都係無咁理想。

最近我係咪講錯左ｄ咩呢？定係因為我無咩心機，所以ｄ人都奇奇怪怪左？？還是．．．．．．

我想講呢！我只係想改變，變好ｄ．．．再變好ｄ。

咁呢，首先就想可以早瞓啦！所以朋友仔呢就唔好咁敏感，你無做錯野，我諗我都無做錯野掛 ！其實我地不嬲都係咁架啦，係咪？都係果句，唔好咁認真啦！輕鬆一點做人會開心一點的。不過如果你覺得我有咩做得唔岩既話，請話比我知，謝！

至於其他，其實講明一ｄ我都係發緊自己脾氣，明我既人會知我好善忘，我試過嬲一個人，佢好了解我，過左兩日佢問我你記唔記得你嬲咩呢！我又真係唔記得左喎！ 咁咪即係無樹囉。一般黎講我唔會生氣多過一日，心情唔好就成日都有，又未至於去到低谷，關口，我其實唔係好多大件事要煩，點睇都未係死得住，所以呢！我真係無野，無心機者，都無咩大不了掛。

唔好擔心我或者將我既事睇得太嚴重啦！我都唔明點解，辭職既事又總有人覺得我衝動，到底係覺得我無能力搵到份好既工還是要替我不值呢?我又唔明點解要係辭職前額外搵番ｄ著數至甘心？？我都無唔甘心！又做咩硬係要將你既價值觀放入我身上呢？好奇怪！好多人都好奇怪，不過都多謝大家關心呀！我知大家都係關心我，不過我無野呀！唔駛擔心，一切都好似以前咁，ｏｋ？！仲有無咩唔明白？

好勒!我今日終辭左職，但係個結果同無辭無咩分別．．．= ="，其實原本都好順利，我連封reference都打埋比經理驚佢會唔出比我，點知拍七留我，我都唔知好定唔好既情況之下，就好似firm左再做住先，但係信又照遞左架喎，唯一唔同既係，就係當我通知左，之後我唔駛等就可以即時走囉．．．車！

我覺得我真係唔係好識得推人，尤其係我有好多考慮，本身唔知好唔好既時候。咁樣，我咪又係會hea唔搵工．．-________-"。

好勒！又係review既時候，最近我真係覺得自己好不濟，就好似飄浮係個茫茫大海度一樣，何度是岸？我真係唔知道，只知道，我唔可以再浮係度，好似屎撈人咁！屎我係一篤屎，命比蟻便宜．．．　．．．。（我唔係講我呀！唱下歌舒緩下氣氛者．． )

我諗起，聖經裡面既一段，人物都唔係好記得，只記得門徒見耶穌係海上，就問耶穌，耶穌叫門徒落海走去佢度，門徒就落海，原本好勇咁可以係海上行，只見風浪甚大，就驚起上黎，於是沉落海．．．。唔識形容點解會諗起呢一段呀！可能我覺得自己飄緊，又可能我係小信既其中一個，又可能．．．。

我身邊有一ｄ基督徒，有一ｄ話自己信但我又唔覺佢信既基督徒，而我呢，到今日我都唔知話唔話自己係基督徒好！因為係我既角度，唔番教會既已經唔係基督徒，但係番教會既都未必係基督徒，因為信仰需要實踐，因為主耶穌的同在唔單單指番教會，而係生活中有神既同在，唔係佢會每日保佑你既意思，而係生活裡面會學效主耶穌既榜樣，好似好易，但又好似好難。每一個人都有自己既Norms，係成長既時候建立番黎，所以應該無兩個人係絕對一樣．．．我講左去邊呢！

其實我想講我想改變，無論任何一方面，我要重新開始，完左呢個學期我要建立早睡早起呢個習慣，所以呢！其實我禽晚同你講既野係真架！我知你會睇，所以都講下啦！多謝你陪我，更加多謝你話會娶我，就正如之前男朋友同我講既一段說話一樣，無人有必要去就我架！我知，所以我感激所有會就我、錫我既人，其實我有時都覺得你好慘，我都有ｄ唔好意思，你講真又好，假都好，已經好夠，我會去搵我既陳鍵鋒架勒！多謝你。

呀！點解會講呢ｄ野呢．．．我想講，以後我要活在當下，今天的事今天做，我都仲未做好ｄ功課！= ="，要好好處理當做既野，要面對現實，要對自己有信心，要聽人講，要保持健康，要多做運動，要早睡早起，要相對地勤力．．．要住咁多先啦！會唔會貪心左ｄ呢．．． 。

記低佢先．．呢個係五月廿九日講既！

Let it be and set me free 是不折不扣的金句，只是又何曾真真正正地給行動過來。

或許這只是心裡的願望，就正如歌曲的一個"願"字；

或許因為天生不是一只飛鷹；

或許因為天生只是一頭白鴿；所以，

任我出去任我飛，遊蕩兩日又重踏這地。

按我

任我出去任我飛，遊蕩兩日又重踏這地。

沒有牽掛就會死，難道我靈魂被你收起。

自己都管不了自己，太多錯誤經已因你起！

我都知，再找你，連幸福都要放棄。

其實你有多好？到別處碰不到？

至令我重返這條路？

臨近晚節不保，卻行到這一步，

難道天空海闊再無芳草！

＊願我可以學會放低你，就讓我重頭來過物色新知已，

　望著你的臉如山水一般優美，

　要走的我，總企在原地。

　願我可以學會放走你，但是我如何能夠學懂給捨棄，

　自問我可以忘記，但喜歡想想你，

　猶像你親於我自己，

　又怎可以，一刀切下來，親手，傷你。

＊ 其實你有多好？到別處碰不到？

　美麗到危險的程度？

　臨近晚節不保，卻行到這一步，

　沿路的山丘已化成焦土。

 REPEAT＊ 我只可以　將心割下來　親手　給你

今日出去做節，出到去食飯至知道原來兩老真係一個傻，一個癲既！

我都唔明，點解睇醫生開ｄ藥係自己鍾意食就食既，睇完番黎當有十隻藥，佢可以自己判斷話只食其中五隻，其他果五隻就咁食都唔食就掉左佢，之後呢，其餘果ｄ食左幾次又話人地ｄ藥唔得，要執茶飲，而執果ｄ茶呢，係自己係ｄ書度睇番黎既，再唔係就十年前睇過果時覺得好既藥方，佢幾時變左中、西醫呢 ，識得自己執藥既！

好勒，叫佢唔好，死都係要都算勒！但係又有人同佢癲，叫佢唔好咁樣幫佢去攞茶、煲茶之類，佢就鬼死咁聽話，照煲十幾廿劑直到個中醫都覺得唔妥，叫佢唔好再飲，呢ｄ係有重病至飲既藥，但係個傻既竟然話飲定先，個腦真係有問題架！

之後又係講極都唔聽咁睇下中醫又睇下西醫，又食下藥又唔食藥，跟住就話ｄ醫生唔得，好似係見下ｄ醫生就會好咁，唔駛食藥既，咁唔該睇心理醫生啦，真係激死！

然後呢！個癲既開始話懷疑佢撞邪，初時我以為佢講下，點知食飯果時佢話搵過人去拜神添！仲話傻既唔肯坐係廳，因為廳有ｄ觀音之類既野啦，又話佢成日唔出聲等等等．．．越講越離譜，我都唔覺有ｄ咁既事！但係佢地就開始循呢個方向講，仲差ｄ想搵人番屋企捉鬼咁，吹脹！之前個拾既買左ｄ野話避邪既野叫個傻既戴，我都已經無話可說，都唔明點解往往都要信埋ｄ咁既野，求個安心喎，咁我話信耶穌你又咁抗拒？真係好奇！咩都可以信，就係唔信耶穌。

好勒！講完一大輪，電視做緊警訊，又係ｄ行騙案咁啦！話說有個A君打電話見工，係A君幫個老闆借錢，當借一萬，個老闆分七千，A君就有三千，睇到呢度，我就話勒，用自己個名借錢就梗係要用自己個名還錢架啦，仲要分番七千比個老闆？咁都有人中招咁奇？？？跟住佢地就開始叫嫲嫲唔好信ｄ咩拜神黨，個癲既就搭嘴話係呀，唔好信呀，佢地查過你ｄ野之後就搵個人黎，講到中晒咁．．．跟住我就忍唔住話，你咪又係咁樣搵人拜神囉！= ="，分別係ｄ人主動／你主動者，係好中架，因為你講過ｄ咩比人知你都唔記得嘛，同埋病既野黎來黎去咪又係果ｄ，真係徙氣。

番到去，樓下看更都問個傻既點，我相信住開係度既人都好容易知道有人話病囉！入屋，個傻既咪坐左係廳睇馬，仲好多野講囉！都唔似個癲既講到咁誇張！到底我可以做ｄ咩令到呢兩位老人家可以聽聽話話乖乖地唔好亂咁黎呢！真係人都癲呀！

呢幾日既心情級別係：普通 。。

呢排好夜瞓，每晚都兩點／三點，甚至四點瞓，但係做過ｄ咩呢，真係唔知喎！

原本要交功課啦，只係搵左ｄ資料，又無心機做埋佢，學又無返，而另一份功課呢，睇都無睇過，由未test到而家，話要問既問題都無問過，唔要想點！我總係覺得自己對做功課／考試有點逃避咁，一日未死得一日都唔願做，但係唔願做又真係會死得。其實我都好鍾意返學，但係點解會咁既呢！每樣野都有ｄ矛盾咁．．．信又唔信，愛又唔愛，想又唔想，總係係度hea，hea完其實又唔係想hea。

話咁快就到左打算辭職既日子，但係好奇，因為美國班大帝又回港，今日余總係等開會期間，係我度企左陣，無意間就幫左我一把，佢開一句聲真係好過我千言萬語，經理即刻跟進，仲難為佢講得出話唔知。原來有ｄ野真係乜都唔做會自然解決到，沉默是金有時都不無道理。

令人討厭既事又有ｄ曙光解決，但係我真係好討厭呢間公司勒！如果唔走，我又會懶懶閒，到底真係搵到份好至走，還是走左迫自己要努力搵工好呢！又就黎考試，唔做野可以考得舒服D．．．點好呢！

已經耐唔耐透ｄ口風比家人，做定ｄ心理準備都好嘛，預左比人哦！呢個都係一個問題．．．仲有好多問題．．．？？？ 點好呢！豬頭。