今日都係無做過d咩，淨係去食左餐飯，食左四個鐘，因為．．．　．．．，要做姊妹，要腦震盪下玩咩遊戲添，大家有咩玩人奇招可以話過我聽嘛？仲有ｄ勁肉麻骨痺既台詞，真係要諗諗佢。

時間話咁快就過，由我都唔知係咪要做姊妹，直到突然話佢註冊勒喎！原來酒又分開擺既，又原來已經有左，我咩都唔知，都唔知係我好有問題，還是我太無問題。

今日起身就諗下份功課應該點做，手頭上有人地比既功課副本，不過為左一點堅持，我要自己做好佢，就咁就賺左一句欣賞，多謝晒，哈哈！我可不是那麼清高，只是那份功課我照抄的話會過不到自己，而且我有的是時間（半個自我安慰吧！）。

如是者，開左個頭又click住左ｄ頭髮，還是算了，起來到老遠的地方做節，順便經過圖書館，又花了兩小時找書看，資料多的時候就要費時揀選，時間溜失得那麼的快哦！

兩小時開左個頭，兩小時準備出發，兩小時去，兩小時找書，兩小時吃飯，兩小時回家．．．　．．．

回到家唔記得花了多少時間畫了一幅畫，之前諗左既野都無一個結果，今日諗完都總算係坐言起行，呵！算了完成了一點想做的事，好不無聊。

噢！夜了，連埋瞓覺又一日，一日都唔知做過ｄ咩，但係每日都係差唔多咁過。

咁又一日，又一日．．．　．．．

呢兩日無咩心情打日記，唔係心情唔好呀！只係無打日記既心情者，攪到有ｄ複雜咁添．．。

不過為左令呢個月睇落完滿一ｄ，無理由臨尾香架嘛，打住兩日無謂啦，有ｄ謂果ｄ太太太長，唔單止你無時間無心情無眼力睇，我都無．．！

係咁先！

岩岩腦震盪不果，我都唔明點解我清楚咁睇完書都係唔識做功課，仲要摸不著頭腦果隻！

好衰唔衰我震唔掂ｄ功課就震親盞燈，根據統計，屋企ｄ燈係燒之前，大部份都係經我隻手促成既，今次都唔例外。

我ｄ功課呀！我惱人的兩個英文字呀！我盞燈呀！噢！我的天呀！！

今晚餓鬼頭胎咁無停過口，係夜晚開完晚餐之後仍然係食唔停，係睇完兩套電視劇之後我至突然醒起，我一路睇一路食足兩個電視劇既節目時段，真係唔覺唔覺呀！唔知係咪食左ｄ西柚做飯後果呢！跟手又煲湯圓食，而家又想食，我發現我日頭可以唔食，但係無論日頭食唔食，夜晚都好大食，好肚餓呀！

哎呀！！

原來話都無咁快我堆積左好多問題未解決，

未解決，堆住先，又未解決，又堆，呀！！

雖則話有ｄ問題無得解決所以唔當係問題，

又雖則話有ｄ問題解唔解決都唔太係問題，

再雖則話．．．　．．．

但最後總會有ｄ係問題既問題要好好解決，

解呀！解呀！我要求救！我的解題專家呀！

今天一早帶著鬱鬱的心情離開家門，下午還是呆呆鈍鈍的，胡裡胡塗地走到了中央圖書館，噢！我真的完全忘了要辦的事。還是算罷啦！就這樣心裡窩藏著另一個惱人的自己，直到不已為意地打開了"天使心"這雜誌，番前看後没什麼大吸引，只是它附有一小本－標杆人生，解題專家又來到我跟前揭開惱人的迷底－不是要知道自己"想"什麼，而是想想到底神造我的目的是為什麼；不是心魔摧毀自己，而是罪疚感喜歡自己不成功。雖然我都不太明白我明白了什麼，似明非明的樣子，但心寬了郤是事實。

看罷了一本雜誌，吃了個下午茶，又看了NLP的上半部，只是草草看了兩本書就花上了半天時間，晚上如常上課，我決定要好好做一個勤力的學生。

放學回家途中聽了聽收音機，本是聽著3姑在胡說八道，但著實八得不中聽，就轉聽了麥sir的頻道，記得之前總覺得他只懂教訓人，但今晚聽起來郤從心佩服，不知是否因為得著NLP小半日的薰陶，還是今次他的對象由學生轉了家長，的確他能夠清晰地掌握來電者的心態，然後給予合適的引導，後來還聽得我想哭，今天上了好一堂思考課，還是要多多努力和學習。

以馬內利。

１．日子就這樣溜去　說不出我心裡疲累
　　如何才能脫開百樣悶愁　重尋獲真自由
　　在我心內渴望完美　只可惜那真正自己
　　無從尋求理想化恨仇　我深深感歉疚
　　誰在我心中掌權導我向前行
　　除掉空虛失落　疑慮與愁雲
　　長夜裡基督指引伴我向前行
　　為你添上喜樂　驅走苦困

２．念到昔日身伴良友　此一刻又身處何方
　　良朋摰友已一一別離　難重拾昔日情
　　面對生命滿是矛盾　看不清那真正目標
　　何日才能跳出苦惱範疇　再高歌與歡笑
　　誰能為我解憂困助我出黑暗
　　令我不再困惑　信心堅穩
　　長夜裡星光閃爍　日朗清風滲
　　若有基督相伴　不怕路難行

P.S.祝 童年時的好朋友生日快樂。

今日没什麼作，悠閒得很，悠閒有悠閒的福份，今日見到很美很美的天空，一片紫色的天空，發出一絲絲金光，美得没法形容。

是拍不下來的美，只供悠閒人閒來感歎造物主創造的奇妙。

今日本來過澳門，諗好晒行晒，仲睇左ｄ資料，諗住做左ｄ正經野然後就玩，玩完番黎番學岩岩好！

點知，我唔知醒，其實有聽過鬧鐘嚮，只係個人唔知攪咩無起身既意圖或企圖，咁又瞓番勒！

激氣，醒左都忍唔住發自己悶氣，其實我真係幾想去架！

不過扇啦，我都係個隨遇而安既人。

今日又有人提我：乜你成日都唔駛做咁既？你到底知唔知自己想點？

我好多野都想，但係想完一輪又會變左唔想，咁應該點呢？有時都好忟，打完信出去有得見又唔見，見完又唔想做，做左又做唔長，成個做野藍圖最要用神同時間就係呢ｄ階段，我就係咁係呢個階段不斷投資，然後未等到收獲又離場，攞黎賤！