朋友問我有無興趣去睇隱形鬥室，佢話佢同事高度推介，於是我抱著平常心一看，然後我都高度推介，的確十分十分好看，笑中有淚，高度推介大家抽空一看，如果你都有興趣一看的話，找我吧！

每個人與生俱來都有一個隱形的心靈鬥室，有許多人在裡面找不到出路，困於死角當中，但上帝每一天都在門外叩門，只要我們願意打開心門讓主耶穌進入，許多傷痛和眼淚都不會再成為困擾，我們可以笑著面對每天的挑戰！

．．．因為那在你們裡面的、比那在世界上的更大。《聖經》約翰一書4章4節

以上是此片的宣傳語句，看罷此片後，令我一度沉思．．．因為那在你們裡面的、比那在世界上的更大。

電影裡面曾播著這首歌，都係而家你聽到既背景音樂。

「壓傷的蘆葦，他不折斷；
那將殘的燈火，他不_會吹滅。」
尋求_你憐恤我的軟弱，誰願無力走過這生？

盼救主垂聽心中困倦，
現實_壓迫中裝出歡笑。
旁人自顧，沉溺虛空宴樂，誰安慰念記？

耶穌_顧念我，求在你懷內，
醫好我的創傷，潔淨_我罪，
你捨身拯救我生命，全能主應許。
耶穌_顧念我，求被你陶造，
一生裡緊靠倚，再沒有畏懼；
賜犧牲的愛與醫治，這是你應許。

以下網頁有隱形鬥室的詳細資料：

http://www.media.org.hk/lifemovie/theroom/

耐唔耐講開野既時候，屋企兩個活寶貝有時會問下英文係咩，咁就簡單地教一兩個生字佢地記下，今日佢問開一個題目，我就好自然地讀個英文，佢就好自然地答邊個罰企話？上天罰企呀？！乜証書咁煩要罰企既。咁都比佢諗到．．．^^b。

繼上次說過和某君晚飯後會失眠，今晚我又和某君飯聚，但又忘了注意不要喝茶(其實我都不曉得到底是否茶的關係，其實我根本忘了可能會失眠的關係)，於是我又果然失眠，現在已經零晨四時多了，萬試萬靈，需要通頂的那天找某君吃飯相信會是明智之舉呀！

然後，突然想起今天是某某的生日，原本都想給他一句祝賀，只是剛巧朋友說著他的煩惱時，又令我打消了這個諗頭，我不想突然成為別人的煩惱，而且我根本没想成為煩惱的意思。不過，免不了有一種很可惜的感覺，始終由親近變成陌路，著實令人感慨，天下間最莫名其妙的感情莫過於此。

打到呢度諗起以下首歌，只係咁岩諗起，同歌詞無咩關係，大家唔駛胡亂竄測。

　 到底應相愛  或分開

    假設情不再  應該等妳決定

    我假裝瀟灑望海

    我早都知妳離不開  真叫人感慨

    但我對妳愛念  未曾改



 　我但願  他珍惜妳

    這顆心不忍看妳落淚時

    一串串  令心酸酸  仍舊仍舊眷戀

    我但願  他珍惜妳

    愛可一生一世永沒盡頭

    不要我  內心輾轉  無盡無盡掛牽

    愛妳卻未開口  寧願像現在是好友

    願妳開心  偶然想到我

祝　比比生日快樂！

祝　某某生日快樂！

今日收到電話，新公司話驚我公司留我，我會唔去　貴公司做，所以搵左　貴公司前職員上班，我岩岩辭左職架勒喎！然後又話佢地商量下先，好明顯我同佢地溝通唔到！攪到而家就算佢真係話請我都唔知做唔做好，一件咁簡單既事都攪到咁那煩既？？？第日真係要對住佢地做野既話咪．．．吐血身亡都似！！

今天回到公司就想著辭職的事，今天還是明天，最後當經理差不多十時回到公司的時候，我的決定是今天就離開。今次同Ann說的時候，她没什麼，反而和經理說的時候，他很驚訝似的。不過始終，他都没給我一封推薦信，我亦深信他不會再記得給我打，如果不是每天都打電話給他提醒的話。

今日同英姐說我走的時候，她的樣子很失落似的，比我還失落似的，的確，回到家有一種莫名的失落感，不知為什麼，其實我對這間公司真的没半點留戀，或許是一種習慣吧！

今日下午去了觀塘見工，只是相約了Connie的飯局取消了，如是者，午飯的繁忙時間到逹APM，逛了逛，還是到了紅螞蟻吃飯，很多人，要搭枱，聽著兩個媽媽級的姨姨訴說著家中小輩的事，兩代的看法還是折然不同，我都是她們口中的那些，想了想，我可以做得好一點，只是要做的時候又忘了．．。

見完工，就回尖咀，當我公司在佐敦時，要到遠遠的港島，當轉工到港島，郤要回到尖咀，在耍我吧！好了，完成所有任務時，都是計劃看車車的時候。在九龍看戲始終不及屯門便宜，最後還是回屯門看，又逛了逛街，又買了點東西，又遲到！幸好只是看不到預告，想不到車車原來很好看，畫面精緻得不得了，像真度很高，表情亦很豐富，故事情節雖没有什麼很特別的地方，但配上葛文輝、林海峰的出聲演出，整體感覺十分良好，值得激讚亞葛，活像一個天生西瓜刨的聲線，很攪笑。

回到家才十時許，但感覺上已經很累很累。出外的消耗遠比在家的多，就算是一樣的晚睡。

今日終於收到Offer勒！好開心呀！！！我終於可以逃離PVH勒！同埋我又轉field勒，今次做物業管理，唔知如果繼續咁轉工法，我到死果日會唔會做到７２行呢？不過聽日都去見工，見埋呢期啦！雖然係好遠好遠同埋唔係好鍾意既觀塘。

收到消息之後就開始諗下做咩好，幾時辭職好，幾時番工好呢？我又要執野啦，又要預備番學，又要預備番工，又想去下旅行，無論如何，大陸都要玩一玩架勒！！！我好耐好耐好耐無去過旅行勒！咁呢．．．好似唔夠時間咁囉！！！

我覺得有ｄ曙光，希望繼續光落去啦，我又生生性性咁做得好好地啦！！！其實我都有ｄ擔心，又驚無佢心目中諗得咁掂，又驚我負擔不起好忙既工作加好忙既上學，今期要讀我未上堂先頭痛既A/C呀！！！而且星期四、五都番學，星期六仲要番工，我驚我唔慣，我唔要song C呀！

今日還是睡到很晩才醒，因為星期六的晚上都是卡通片的黃金時間，看完了加旋都已經三時許，睡醒，忙著找工作，然後到了小肥家吃木槺蛋糕，好甜好甜呀．．．．我不愛那些練奶的味道呢！

然後又是一輪胡扯，相約好了的約會又不知會否落實呢？！狼羊物語，狼羊物語呀！！我要睇．．，還有隱形鬥室，還有車車，還有魔盜王，還有．．．好多野想睇添。約我啦．．約找啦，我就黎放完假要番學勒．．。

所謂夜晚唔願瞓，日頭唔願起身，呢句說話長期發生係我屋企既人身上。

話說我好鬼攰，想瞓既時候係咁叫某人瞓佢都係掛住打機，攪到好鬼夜都仲係開住燈！好唔容易咁熄燈瞓覺，過數小時後，某人既鐘響完一次又一次，某人都係唔起身，然後到有人叫佢起身，某人都係唔起身，如是者電話響，又有人叫某人起身聽電話，攪左半個朝早，終於某人都起身番工。

某人番工之後，無幾耐，甲同乙又大聲對話，似乎又討論著什麼，又無幾耐，甲離家出走，乙開電視開到連樓上樓下都應該聽到電視做緊咩。又過左一排，有人回家，叫我食飯，當然我毫不理會啦！瞓覺大過天呀嘛！

最後下午至起身，好似瞓左好多個鐘，但係成個人同無咩點瞓過無咩分別，整日都未回魂一樣，呆呀呆呀呆呀！於是咩都無做過咁呆左一日，我同媽媽講佢地無比我瞓過覺咁，媽媽話：你姓賴架？我心諗：問你至知喎。

今日一返到公司就做野，不停咁做野，其實係搵野，係公司氹氹轉，轉到差唔多收工果時真係有ｄ想嘔同埋已經好鬼攰，仲有ｄ頭痛，我都唔明，點解可以攪到ｄ野咁亂，佢就乜都唔理，我就係度執佢手尾，不過我都唔係最慘果個．．．。

好趕好趕咁整埋ｄ野，其實我都唔明我做咩要咁趕，勤力又無得分既！攪埋ｄ野六點至收工，去左電影中心買飛睇超人，原本諗住睇車車，但最後約埋wink姐，wink姐又唔like車車，其實超人又貴又無位揀又唔係好好睇！不過我都買左三張飛，然後就好安然咁係隔離睇書等人齊勒，睇左好一陣子至突然醒起，應該要買四張飛！！我唔記得左wink姐原本約左人睇戲，係我既印象只有兩個人聯絡過我講睇戲既野，我個腦就不其然firm左三個人勒．．．．。最後臨急臨忙咁買多張飛，攪到要人一個人睇戲咁添，真係唔好意思呀！！！！

講番超人，一般好睇啦！不過可能我太攰，係果ｄ愛情位，即係靜落黎既時候我都可以瞓得著，散場既時候比wink姐話我似個女奸角，點睇都無樣野似掛．．．= ="，如果要話我傻的話，我寧願似女主角勒，佢連超人係佢身邊都唔知。然後就去左北海道食野，都係一般啦，好似無上次咁好食，唔知係咪因為我真係好攰啦！

全日同wink就好似交換partner一樣，我同古生傾，佢同豪少傾，老實講，我都有ｄ怕提及某ｄ話題，真係唔好煲我啦！以我讀過既social physical講，一般咁煲法係無咩好結果架！三年三年又三年，十年都黎緊頭既友情我唔會就咁無左呢！淡化ｄ淡化ｄ再淡化ｄ．．．。