| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 12 月 22 日 星期五  | |
| 痴根 |
妖！今日到隔離部間攪扒地，佢地係午飯時間開始，死肥佬就唔那比我食飯，迫我同佢一齊去，人地都唔知我乜水，我都唔知人地係乜水，成碌杉咁阻住個地球轉，我去黎都唔那知做咩！都唔知係我太有自知之明還是死肥佬六十年都無洗臉唔那記得。
於是我中途走番入自己個場，佢搵人黎搵我仲話黑我面，我都未黑呀！！！！！！人地ｄ眼對住我好似搭左升降機咁，會自動升上天花板架，我自問真係生得細粒左ｄ，點都飄唔到上去同佢地打交道囉。
|
| 刊登時間︰2006-12-26 02:28 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 21 日 星期四 | |
| 老套 |
今朝好開心咁番工啦，番到去收到邀請去人地個扒地，通常ｄ節目都係攪埋同一日，首先約左朋友食飯，然後又話要做節，於是我推說唔出席勒，但係個肥佬係要我去，一個朝早我推左三次，最後第四次佢個樣懶嚴肅咁同我講ｘｙｚ，我唯有答：咁我到一到啦！點知佢編埋個時間叫我屋企人等我九點至食飯．．．我即時被吹脹左。
到食完飯番去，劇情進入到高潮，一番到去個死肥佬就同我講佢報左名，佢報左我同佢合唱卡啦ｏｋ比賽喎，我即時石化，然後只係識傻笑，心諗唔係呀化（死肥佬）！！！！！！但係佢仲眉飛色舞咁既樣，仲週圍同人講．．． ！！！！！！今次唔止石化，仲彊化添！！！！！！之後同樹仲係我ｄ雪上加霜，叫死肥佬攞佢部機黎幫佢錄影，死肥佬開心到升左上天咁．．．我就跌左落地獄，唔係搵ｄ咁既野反呀．．． 。
最後，我幻想自己係一隻公仔，一個鐘咁多啦！
第日佢好開心咁同我講番人地讚美佢既恭維說話，仲敢問我食飯食成點，有無遲到，老屈我話我講九點食飯，真係痴那線架！ |
| 刊登時間︰2006-12-26 02:17 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 20 日 星期三 | |
| 悠悠 |
今晚為朋友仔慶祝生日，約左一次又一次，第一次好似我唔得，第二次我唔記得，第三次終於都成事啦！不過之前我係諗過唔到，因為病病嘛，好在今日都已經無咩樹者，唔係又係我，好似係度玩野咁．． 。
佢一路都話要去悠悠，我不嬲去邊都無咩所謂啦，之後佢再形容個地點．．． ．．．點解又關左佢事？
呢間野真係ｏｋ呀！又抵食，味道唔錯，服務都算係咁，環境不俗，只係好多人排隊等位啦，我呢ｄ大小姐真係黎遲ｄ都唔會等佢黎食呀！之後陪佢買玩具，嘩！好貴既機地呀！我發現每個人都有佢既駛錢方法。跟住佢陪我食雪糕，好味的蝦根大呀！
跟住番屋企，仲係好早．．真係好．．^^。 |
| 刊登時間︰2006-12-26 01:48 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 19 日 星期二 | |
| 好攰! |
岩岩番到屋企，又覺得好攰，個頭又開始有一點點痛，唔通又想發燒？？？？？
今次燒得黎無咩病徵添！真係好野，無啦啦攰到眼都雙晒，莫名奇妙！！！ |
| 刊登時間︰2006-12-19 07:11 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 17 日 星期日 | |
| 星期日 |
今日唔願起身，無番教會，下晏都唔願去園圃，無乜聽佢講野，只係望了望自己的園圃，今次睇到佢地總算大了，不過還未到成熟期，本來打算落肥／農藥，只係唔知道下星期會唔會收種了，就只是鬆了鬆土，又和導師傾左一輪，本來佢想幫我收割後再移苗追肥，但今日肥無黎，我一個人收晒ｄ成果唔係咁好，還是等下次吧。之後陸續發現蟲蟲，就捉左一個下晏蟲，種ｄ多蟲既農作物真係捉蟲！！！！隻隻都食我ｄ菜食到肥屍大隻！！！真係吖．． 。
都比預期既時間遲左走，出到去又遲左，只係做左個推油按摩，佢不停話我內熱好多火，跟住又駛左ｄ錢，下次要立定心腸唔駛錢至得，真係好窮！跟住約左人食飯，去左札幌，其實我好肚餓，但係佢話佢唔肚餓，我就自己叫左個一人餐，之後唔敢叫野食勒！當時又諗起同真ｐ豹黎呢度食野既情景，我記得我果日連碗麵都食唔晒架！都唔想佢請我食飯，結果我請佢！我發現我有時有ｄ不必要既執著。
臨走既時候，佢攞左兩張書簽出黎叫我揀一張，我即時笑了笑，因為呢個係我上次去南丫島時想買同一系列既書簽，雖然經文唔同。我不其然個腦係度諗，我望住呢一款書簽既時候諗起兩個人，佢望住呢一款書簽既時候諗起我，有ｄ諷刺既感覺。
書簽上寫住：
耶穌說：我是光，我到世上來叫所有信我的不住在黑暗裡 (約 十二:46)
我估佢想鼓勵我，都好感謝，可惜我需要既係另一ｄ經文。
『 為何忘掉那日，立志你跟前，奉獻一生？
為何流浪世俗，漠視託負，令你心擔憂？
此際重拾信念，跪到你跟前，願你接納。
輕看名利勢力，情願撇下，為我主奔跑！
時光不會停留，人生轉瞬便逝，願珍惜光陰不再歲月蹉跎。
明天挑戰頑強，全心聽你任用，能跨口窄路全為你走過！
（燃燒一生完全為你不枉過！）』
|
| 刊登時間︰2006-12-18 08:37 PM [ 訪客留言(2) ] [ 編輯日誌 ] [ 分享至FACEBOOK ] |
| 2006 年 12 月 16 日 星期六 | |
| 前往以馬忤斯的路上 |
在二零零三年五月二日，我到了永光，參加培靈祈禱會，當日所講的，是一個門徒前往以馬忤斯路上的福音故事。(路 廿四：13-35)
二零零三年，我在前往以馬忤斯的路上，二零零六年的今天，我的光境似乎没有改變過。
『捨去生命才得到生命』
剛認識了一位朋友仔，他給我親愛主，牽我手的歌詞。
昨晚看到多的卜，那個父子的故事很令人感動，我都好想可以抄來跟大家分享，不知多會否介意呢？ 這故事的未段，兒子說了個不能實現的希望，令我在想，我最想為父神做的會是一件什麼事呢？
今早，朋友仔又給我這一段：緊緊抓住自己生命的，就要失喪生命；但你若放開自己的生命，就要擁有真實的生命到永生。 (約 十二:25)
中午，又再看見這以馬忤斯路上的默想。
現在，就是我放下自己的時間嗎？昨晚我還是一隻小妖！！！小妖，天使，小妖，天使，小妖，天使．．． ．．．我性格固執，但没有一個固執的角色。 |
| 刊登時間︰2006-12-16 02:59 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 15 日 星期五 | |
| 好日子 |
今晚約了早宜、拍機、光利到譚魚頭打邊邊，食物質數都不俗，但服務就．．． ．．．，不過，都無損大家的心情，還是笑了又笑，我都忘了你跟我說過要我公開剖白的那件事，没想到你們那麼上心，其實都没什麼大不了呢！我的確不希望你們因為我的三言兩語而有什麼什麼的，對別人不公平嘛，反正都没什麼相干的事，反正我都只想繼續地没什麼相干罷了。總覺得朋友仔太過在乎別人對他的看法，放輕鬆一點吧。說說笑笑的時間過得特別快，打了四個小時邊邊，回到家已經一點，今晚又三點不睡，我的老年殘樣又再現槳糊了．． 。
不過，我相信你們都不會太察覺"殘樣"重出了槳糊，因為我有另一絶招"化粧"，今日還塗了睫睫液，電了睫睫都不覺得怎樣，但原來塗上睫睫液後，分別就頗大了，睫睫變得長長曲曲的，再加上我的睡眼雙雙，就成了一隻小妖，總覺得雙眼皮的自己似隻妖精，只是單眼皮的自己又活像個白痴！
今天是文迪的大好日子，剛巧亦是徐子淇嫁入豪門的大好日子，看著新娘子都一臉幸福，新郎笑不合襱的樣子，那份滿瀉了的甜蜜廣泛地散播開去，讓我都不其然都替他們開心哦。
文迪，祝福你們永遠都甜甜蜜蜜，如膠似漆，相親相愛。 |
| 刊登時間︰2006-12-16 02:46 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 12 日 星期二 | |
| 騎呢夢 |
禽晚又係咁發夢，不過都好零碎的，東一忽，西一忽咁。
首先係復仇記，之前夢見個死八公蝦我，今期到我復仇！！！
原本好地地咁同老媽去食野定飲茶之類，總之我唔知做咩攞住兩杯水，周圍行，經過見到佢，點知佢檔住條路唔比我過，我本來都好好禮貌，但係佢特登咁款，我就開始興，果時無啦啦兩杯水變左四杯，就咁兩杯贈送左比個女既，兩杯送左比個死八公，不過女既甘ｄ，我連發夢都有ｄ理智，驚ｄ水熱會淋親佢，差ｄ同倒落地無分別，但係佢都怒啤我，應該向佢對眼倒落去睇你仲點啤，哼！一起身又係想打鑊佢。
跟住畫面一轉，我做左特務，都唔係好記得詳情，只係記得其中一幕我地行動中出左事，山泥傾瀉，係逃跑既時候，計數好叻個女仔一邊講而家山泥瀉既速度係ｘｘｘｘ，我地跑既速度ｙｙｙｙ，照咁計我地ｚｚｚｚ就．．．，最後佢留守尾門，壯烈咁為我地全部人犧牲左，其實佢一早就知會有一個人走唔切。
任務繼續，如是者去左個賭場，我地既行動曝左光，係度賭緊錢既大家其中有人被釋穿左身份，係廣播度話如果手上有咩牌果個人就係內鬼，氣氛變得好緊張，大家都想捉個內鬼出黎凌池咁既樣，最後劉德華(無啦啦變左拍檔)，就好似魔術師之賭神上身咁，係佢果隻本來比人做左手腳既牌上面又做番ｄ手腳，無樹發生，真係標晒汗。
其餘既出生入死場面都唔係好記得，到片尾係死左幾個，剩番幾個，任務好似完成左咁啦。
醒番既時候諗，到底我有咩專長可以做特務呢！個夢好似無講喎！一路都只係跟住人出生入死，又出生入死。 |
| 刊登時間︰2006-12-12 12:27 PM [ 訪客留言(0) ] [ 編輯日誌 ] [ 分享至FACEBOOK ] |
« | 17 | 18 | 19 | 20 | 21 | 22 | 23 | 24 | 25 | 26 | ... | 71 | »
|
。不過呢．．．我打算．．．係打算．．．０７年（其實叫做由而家開始啦！）．．．我想．．．可以專注一樣野，希望我做得到啦。
。
