| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 11 月 23 日 星期四  | |
| 前度 |
今日見到朋友的前度男友，感慨良多！
你知道嗎？佢好努力咁搵緊佢既下一個，佢向前望，你都向前望啦。
佢可以係你既知己、好朋友、普通朋友，甚至朋友都不如，甚至都仲係你前度男友呢個叫做特別ｄ既位置，但係時間一路過緊，身體一日一日過緊，思緒都一日一日過緊，男朋友呢個名號過左時勒，留番比下一個啦，男朋友既影響力都過左期架勒，為佢哭泣呢個功能都要失效啦。
既然你想佢幸福，何不想多一想，自己都可以好幸福。
前度 － 指的永遠都係過去式，過去的一部份而已，就係咁多，無再多架勒。
好好愛自己，而家你有幸福，只要一路跟住時間走，以後還可以有更大既幸福。
|
| 刊登時間︰2006-11-23 10:33 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 22 日 星期三 | |
個腦塞左  |
今日又去左睇靴，最後買左兩對長的，一對短的，買完番屋企至諗：到底我想買靴黎做咩呢？！
我平時又好少著裙，又無咩短褲，好似純粹係因為入冬就想買靴．．= ="。
攪到我而家好想買番ｄ短褲襯番ｄ靴添！但係媽媽見我呢排狂買野，面口已經燶燶的。
然後，無咩野做又睇下ｄ種野既資料，至諗起禽晚黃雨喎，我ｄ菜ｂ咪浸死晒囉！！！
點解我會今晚至諗起！如果禽晚記得，可能仲有得救，ｂｂｂｂｂｘｎ呀！希望你地逄凶化吉啦。 |
| 刊登時間︰2006-11-22 09:04 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 21 日 星期二 | |
| 背心王vsPOLO王 |
又開始番風，就挑起條換季根，係屋企執番ｄ夏天衫換季，嘩，原來我有好多背心，粗略數過有五六十件，單係打底既就有廿件，計埋掉果ｄ好可能有成百件，仲未計果ｄ連身裙呀！吊帶裙呀！其中三份之一，甚至係一半都無著過，ｄ牌都未除既添．．。
執完我果ｄ又順手執埋人地果ｄ，如果我咁都有成百件背心，我估佢有成二百件Polo shirt，最勁既係全部都無開過既。一日最衰都係我！！簡直係捉蟲，叫佢比人又唔肯，阻住晒。
執左幾箱野出門口，但係個櫃都係完全無空位，間屋既空間感仍然一ｄ都無大度，次次執完都係無咩分別，真係吹到啤啤聲。唔通我真係要嫁出去果日至會得到一間好整齊，無咩雜物既屋？？更加恨嫁添．． 。 |
| 刊登時間︰2006-11-21 01:04 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 20 日 星期一 | |
心情差  |
今日的心情很差，很想哭，整個早晨除了工作上的，都没有講過什麼，都没有什麼笑容。
只想靜靜地躺下去．睡，想睡就睡。 |
| 刊登時間︰2006-11-20 01:21 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 19 日 星期日 | |
發惡夢  |
呢排又開始發番惡夢，之前果ｄ關於我既謀殺案我都無咩點理佢，但係今朝果個真係好恐怖，嚇到我即時醒左，狂喊，好驚呀 。
証明我真係寧願有事果個係我，就算我病，我死，我諗我都可以處之泰然，前兩日我話我寧願病果個係我，然後我禽晚好似發燒，佢就好似無樹咁，咁我真係寧願我病勒，今朝起身都無咩啦，係攰ｄ之嘛，唔知係咪因為咁至發惡夢呢？！
突然有ｄ感慨．．．因為害怕失去，所以唔想擁有，最後一無所有。
但係相反去諗．．．只要懂得放開，就可擁有更多，最後豐裕滿足。
開始明白有人話：『神要你失去既時候，其實讓你擁有更多。』呢句說話既意思。 |
| 刊登時間︰2006-11-19 11:34 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 18 日 星期六 | |
| 行街街 |
今日同多熊去左行街街，然後去左唱ｋ，然後番屋企果時撞到輝輝，叫左佢三次，個傻人唔認得我咁，佢話佢今日特登唔搭架巴士，我又咁岩上左架村巴至比我撞到。（噢．．撞到我是你的不幸！）
今日終於見到輝仔．．．既相一面啦！都唔係好醜樣者，仲有輝輝個靚靚老婆．．．張相，不過輝仔兩個都唔似既。死仔成日講到自己鬼咁可憐，鬼死咁差，再加上佢對水汪汪的眼睛真係唔知笑好定喊好，而家明你點解唔搵我，搵親我就提以前，我未老架！我展望將來架，叫你個仔叫我姐姐好勒．． ！ |
| 刊登時間︰2006-11-19 10:56 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 17 日 星期五 | |
| 港樂 |
今晚有人請睇港樂－馬勒第三交響曲，其實我都唔知咩黎，不過有時都鍾意聽下呢ｄ管弦樂。
一路睇就一路諗起克勤話：港樂好Pro。
真係好Pro，連演奏三角鈴同搖鈴都好Pro，諗起細個上音樂堂兒戲地玩，估唔到咁簡單既樂器都一樣可以奏得相當精彩，果ｄ即放即收既功力確係勁，睇番簡介，第一部份表現的正是剛強、果斷。就係果斷，無想像過全場可以係最強勁既時候，即收。深深佩服呢份功架。
果斷又係我欠缺左既根，搵下有無種子放番粒入去種下先。
第二部份開始是一些令人舒暢的音樂，比較輕鬆愉快，令我不其然心裡感謝神，再看看簡介，又好似真係有呢種既意思。
中段，忽然只見長髮一飄，本來敲鈴的果位，一秒就飄左十米番入房，速度之快令人咋舌 ，原來要係房裡面演奏另外的樂器，我唔明點解要係房裡面演奏，還有一段吹號，都是在房裡進行，點解呢？？
到第四樂章，開始悶．．．平時我可能無咩耐性，但係聽呢ｄ，我有。平時我可能覺得自己矮小唔鍾意，但係呢個時候，矮小是好的。前後左右都不耐煩咁左擰右擰，呢個時候係屋企聽會舒服好多，但節奏澎湃既時候，現場睇真係比聽震撼好多倍喎。
第五樂章 － 天使跟我說
簡介話：天賜喜樂是有福的城，天賜喜樂没有終結！天賜喜樂由彼得來令受。耶穌把喜樂賜予彼得，也永遠賜予世人。
到第六樂章 － 愛情跟我說 就完結了一個精彩的演奏。
看完整個演奏，很佩服裡面所有成員，不少是一人演奏多樣樂器，小提琴手的一拉，一按，一挑，技巧之熟練，雙人打鼓中的合拍，單簧管那令人著迷了的音質，長號既獨奏．．． ．．．，還有指揮，還有作者。
港樂好Pro。
感謝主，感謝友人。 |
| 刊登時間︰2006-11-18 01:32 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 16 日 星期四 | |
| ｐ之結婚 |
今日係P仔既大喜日子，佢今日好感動咁，我好少．．．應該都未試過見到新郎哥咁激動既。
我地幾個傻既扮靚靚出席！豹豹個粧都好襯，多多都唔行既，熊熊就最勁，最鍾意豆ｄ眼捷毛，又想學下化粧呢範野添。（有投訴．．唔敢放ｄ相出黎Lu）
P既婚宴好有感觸，可能每個人都有佢既感觸．．． ．．．。
祝 ｐ仔好似童話故事ｄ結局咁，永遠幸福快樂咁生活落去。
順祝 今日生日果位：生日快樂。
以馬內利。 |
| 刊登時間︰2006-11-17 01:21 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 15 日 星期三 | |
| 應 |
清左個場之後，只有小水滴呢隻唔似寵物既可愛怪物係度撐場。
我真係覺得佢講野好應景架！
禽日，當我望佢既時候，佢舊雲寫住：今日"岸"多多。
今日，當我又Look落去，見到舊雲寫：1日1敗。
我今日敗左係買衫手上，最衰都係P，可惜要買果ｄ無買，買左其他野，仲激起左我既購買慾添，叫做忍左手都破左好多財。
番到屋企收到ｄ單，頂佢吖，月頭找完數月尾又要找喎！改還款期都唔大大隻字通知聲，無晒預算添，又要硬食，蝦我未出糧既者。好那窮呀！！！ |
| 刊登時間︰2006-11-15 07:36 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 14 日 星期二 | |
| 超得閒 |
今日AMC放假，我就超得閒，係度上網閒聊，基本上無咩做過！其實我好想研究下有無ｄ出神入化既辦法去好好處理一下個系統，不過都係要借書睇下先。
今日得兩個MI係度，基本上我同佢地係處理唔同範疇既野，不過呢！我相信呢批人同AMC都好熟下，總係覺得佢地有意無意咁監視我，但係我都係好肆無忌憚，佢地都明白我實在太得閒，上網變得好理所當然，但都係比人恐嚇，我聽完又好自然咁表現一個驚訝樣，但再諗深一層就．．．車．．．我真係唔驚呀！
而家係呢度做野個感覺好鬼奇，睇落係佢地既人，但名義上唔係，個職位懶大咁，但實質又唔係，做既野簡單到爆，但就要向老頂交待，總之就奇奇怪怪。
我都唔係好想咁樣閒落去，最好比我自己由頭搞過所有野，橫掂我都無試過自己由零開始砌晒全部野，都想試下，搞掂上左軌道就岩岩夠日子走人，咁都幾好吖。我要借呢個機會upgrade自己，希望得啦！ |
| 刊登時間︰2006-11-14 09:09 PM [ 訪客留言(0) ] [ 編輯日誌 ] [ 分享至FACEBOOK ] |
« | 20 | 21 | 22 | 23 | 24 | 25 | 26 | 27 | 28 | 29 | ... | 71 | »
|
