今日一起身就去急証室，攪左一排之後，又變左急住要走，好急好急咁要逃離急証室，但仍是在那裡打轉．．.\ll/.　。

唔理三七二十一見到出口就出，都係老樣子啦，明明要去左，我行右果類．．= ="。

可能好少睇急症，坐係度真係覺得自己做左廣東版ER大配角咁，每個人都有一個故事。

入到去見醫生呢，我都未見過咁後生既醫生，佢ｄ動作表情態度都好靚仔，一黎就"嘩"不特止，又繞腳，又好似唔知自己講緊咩同做緊咩，最抵死係佢同事問佢野，佢都好唔負責任咁未聽完就答唔知，總之整體感覺同一個剛會考畢業出黎既靚仔無異，但佢係一個醫生，真係比佢醫都唔好話唔驚。

之後去左園圃，開始唔鍾意呢期ｄ農作物，好麻煩，收左好難食既豆，同埋一隻椒，都係辣辣青椒好味道，辣得黎好甜，可惜佢已經係垂死的邊緣，今期收成麻麻地，有果都好可能唔食得，都係冬天種野好玩ｄ，起碼唔駛日晒雨淋。

　　多少次聽過金培逹所作的曲，都有莫名的感動，他是香港其中一個驕傲，都是香港人的寫照。這首歌也不例外，很感動，宣傳傳得十分成功，有效地令它應有的作用發揮出來，一句香港始終有你，香港始終有我，將全港多少個看似渺小的香港人心繫香港。似乎深化港人愛港愛國意識的推行越來越成功，別輕看那只是一首歌，我愛港的感覺都強烈了，無怪祖國對打壓意識那麼看重。

　　香港始終有你，香港始終有我，當所有香港人都深信他的努力能成就香港更上一層樓，香港就真的可以更上一層樓，這就是marketing，就是promo，就是作為一個管理人該懂的技巧，也是香港人很了不起的地方。

　　我為作為一個香港人感到驕傲，因為宣傳裡說：我們不屈不朽，而事實上，很多香港人又真的很有傻勁。為傻仔而喝采！！ｙｅａｈ！！但願有一日我都可以成為一個有用的傻仔，其實不是發揮港人精神，而是發揮基督的精神。

作曲：金培達
填詞：陳少琪
監製：金培達．陳少琪

點點燈火彷彿流螢　照亮百家姓　成全這小島變巨星
東方跟西方的文明　邂逅了衝勁　繁榮這裡　遇上安定　
明艷紫荊風中爭勝　找對了路徑　花瓣開得繁盛
人人能力大小也力拼 任誰留下血汗　就是個精英

香港始終有你　(香港始終有你)　讓萬眾掌聲響一世紀
香港始終有我　(香港始終有我)　十萬個驚喜多一世紀
感謝你　小天地　創天地　盛夏冷冬各種天氣　不捨不棄　
才會了不起　香港始終有你

獅子山觸得到長城　血脈裡感應　和諧靠你　賦予生命
明艷紫荊風中爭勝　找對了路徑　花瓣開得繁盛
人人能力大小也力拼　任誰留下血汗　就是個精英

香港始終有你　(香港始終有你)　讓萬眾掌聲響一世紀
香港始終有我　(香港始終有我)　十萬個驚喜多一世紀
感謝你　小天地　創天地　盛夏冷冬各種天氣　不捨不棄　
才會了不起　香港始終有你　(國︰因為你在這裡)
讓萬眾掌聲響一世紀　香港始終有我 (國︰因為我在這裡)
十萬個驚喜多一世紀　感謝你　小天地　創天地
盛夏冷冬各種天氣　不捨不棄　
才會了不起　香港始終有你

今日係今季的最後一日考試，我正式被宣佈"certify"，不過心情仲係好好，既然改變唔到就唔好諗，始終都要接愛既，係咪？！

係放工果一刻玩左個十五十六，結果我揀錯左，令我做左半隻湯雞咁去考試，完場後打比馬飛諗住叫佢接我，點知佢叫我：你淋下罷啦。= ="(對我真係好!)，不過我都係犯賤架勒，我鍾意人咁，坦白ｄ，我又可以坦白ｄ叫你去死．．哈哈。

之後我地死左去行街，我想買遮睱膏同埋眼影，不過ｄ遮睱膏全部都好乾咁既，Shiseido同Aube的Shadow都好似幾好，可惜無得試，睇睇下見到呢隻朱古力野http://www.bourjois.jp/news/20070620_b.html，試上手真係好靚，諗緊好唔好果日愛黎掃上身，唔知襯唔襯呢。

跟住去左間好難吃的餐廳食野，兩個好大食的人食剩晒ｄ野，真係節墮，但係全日都仲係好開心，我笑到牙咬都有ｄ攰，好誇！可能我本身都已經好攰．．，明明埋單果時十點幾，但係上車果時已經十一點幾，真係快樂不知時日過，就咁又一日Lu，我要繼續去玩！！搵我啦！！搵我啦啦！！！搵我啦啦啦！！！！HEHE

	Milk Chocolate with Dark Chocolate Chip Milk Chocolate with Dark Chocolate Chip marks the tempting contrast between the smoothest milk chocolate ice cream and the crispy chocolate chips.
Ivory Chocolate with Dark Chocolate Chip   Ivory Chocolate with Dark Chocolate Chip presents a dual palatal indulgence of GODIVA's best white chocolate and its chunky chocolate chips.

係６月２２日，我的起個心肝仔去左睇中醫(其實只係因為行過見到裡面咁岩無人)，食左一日藥已經覺得個人好左ｄ，最起碼佢幫到我正常咁排毒啦。每次睇親中醫，我都會問佢：可唔可以無咁苦呀！佢教我加糖。好成功咁食左三日再覆診，醫師問我：ｄ藥苦唔苦呀?？

我：可以接受啦！我無加糖呀！

醫師：咁苦ｄ得唔得呀?

我：下（我look大左對眼)．．．但係我都係閉住度氣飲架喎！

醫師：咁呀．．．唔好勒．．．（開始寫藥單）

我：（諗左陣）但係苦ｄ係咪好得快ｄ架?

醫師：（大笑∼）

我：-_____-" (橫掂都係苦，如果苦ｄ會好快ｄ，咁我揀苦ｄ勒嘛∼）

醫師：(笑完好一輪之後)而家都苦架勒!!

番到屋企望到都知佢真係苦ｄ，連ｄ藥都黒ｄ既∼∼不過呢幾日無咁見效，可能因為我飲少左一半，都係乖ｄ至得，我要快ｄ好！！

好快又考試啦，好似經過左好緊張之後，又變左唔理，希望最後過到關啦。

係呢個時候呢，個腦唔係諗住溫書，只係諗住考完之後去玩，個個都叫人考完試搵佢啦，但都好似講左好耐，唔知到時仲有無人理我呢．．= ="，未考完已經好想玩，好想好想好想發神經呀！！！！！有咩節目係最岩發神經的呢，等我諗下先．．

有位人兄我好欣賞佢的坦白，佢曾提及我的豆豆、豪華點，雞本上我外表的最大缺點佢都應該提及過，最近佢話：素顏是最好的。不過咁，我相信只係因為之前太殘，化左仲衰過無化佢至咁講，所以．．．除左想玩之餘，仲開始要扮靚靚，睇左好多好多好多相關資料，真係仲勤力過溫書，所謂一分錢一分貨，要靚的代價真係所費不菲呀！要三思而後行。

今日閒來無樹幹地行屈人寺的時候，比我見番搵唔番既"史上最ｘｘ"，即時想買，但實在太貴勒，好在諗多一諗，番到屋企發現佢變左八折，即時毫不猶豫，我可以向豆豆say goodbye勒．．^^。等我靚番ｄｄ咁見大家∼

記住！！搵我！！

番學比我的壓力越來越大，以前番學都唔會咁架喎∼果ｄ咩公開考試，我從來都無當係咩一回事，就算考得唔好，都仍然同ｄ豬朋狗友去狂歡，我自細就係一個唔會有壓力的人．．．不過．．．

今日收到下次的屎加早，望到都已經想喊，係好有壓力，一個月後，我又要習慣下面對每個星期唔係交Assignment就係Test的日子，仲以為讀少一科可以輕鬆點。仲有艾文的婚禮，我真係唔想再虧欠任何人。

讀書讀到而家，覺得自己虧欠左好多人，屋企人啦．．．男朋友．．．朋友．．仲有自己，埋怨既埋怨過，走既走過，嬲既嬲過，然而我的成績都無咩好過，我諗我既壓力，係黎自我平衡唔到各方面，我唔係叻女，讀書要花我好多時間，相處要花時間，聯繫要花時間，建立要花時間，無論家庭、工作、教會、感情各方面，都總有人會企出黎話，忙唔係一個理由，攰唔係一個理由，係睇你有無決心。決心?！我諗你真係睇得太多戲，當所有人都能人所不能。（講粗口咁．．:p)

然而，我想講，當體力經常透支，已經無咩健康可言，再花既係心力，再花．．．就心力交瘁囉。

每個人都想自己係別人的第一選擇，家庭如是，工作如是，教會如是，另一半更加唔駛講，咁樣的話，一人一日都唔會滿足到各方面。呢排朋友打黎問：你會唔會覺得咁樣係唔重視我呢？我真係呆左一呆，唔知點答好，我真係好明白果種心情，因為我都試過想自己係別人的第一選擇，只係調番轉黎睇，你可唔可以同佢一齊重視佢重視既野呢？兩個人一齊唔係要比較佢重視咩，多唔多過你，咁比，同人比人一樣，會死！不過，呢個又真係好自然的事。

所以要平衡真係好難。

順便感謝各位仲係度、仲撐我、仲會陪我hea、比時間同空間我既你地。

打個比喻，如果有一個明明犯左案的犯人，本來就肯定要入獄架啦，但而家因為警方的程序出錯，個犯就有機可乘，好可能可以無罪釋放。

咁，如果你係個犯你會為自己做過的事承擔，還是順應機會，話警方唔岩呢。

見岩岩考完試又無去園圃好耐，今日就去走一趙，不過一去到見到ｄ野，禽日既鬱結又番番黎咁。

佢真係好亂，於是我係咁剪呀剪呀，將一切唔如意的就剪盡，最後發現，哈哈！我剪到有兩棵得番個莖喎∼。

由於時間唔係好夠，求求期剪晒ｄ葉，施左ｄ肥，整死左ｄ小昆（係呢，我想問下蚯蚓其實有無腳架，我今日見到幾隻有腳似蚯蚓的物體，唔知整唔整死佢好！)，收左三隻辡椒同埋播左ｄ種就算ｌｕ。

今日去園圃的時候碰見岑根，就係我見到佢定睛兩秒的同時，佢望左極其樣衰的我一眼，然後隨即低頭，係佢身邊好高大但極其樣衰的男人就開始對我注目而視，無見多年，其實佢都無咩點變，只係多左一陣少婦的味道，唔知樣衰男係咪佢老公呢。

見到岑根，就諗起智文，其實我真係一個極其失敗的傻婆，我地以前好好朋友，但原來都只係我以為，其實佢好憎我，但又唔比我知，仲要係我身邊扮好友，為咩呢，真係十萬個為什麼！對我黎講，我唔會同我好憎既人熟，就算佢幾有利用價值，咁樣好辛苦架嘛，係咪先！不過唔知點解，我遇到唔止佢一個咁既好朋友。

希望我以後識的好朋友都係真心同我做好朋友架啦，憎我者彈開，我都要醒ｄ彈開彈開彈遠ｄ．．。