今日算係好忙下，無啦啦又要追人野，我都唔明某同事（下刪數十字），總之我覺得我同佢好唔夾啦，不過我會忍，我知佢都會忍。

係我追人的時候，本來有ｄ勞鬼氣，不過細心ｄ諗下，佢又答得好好笑。

第一次打去:

我：我想問下... ...

佢：我要check下... ...

過左一排打去：

我：你check成點呢?

佢：仲check緊，轉頭覆番你。

我：（開始勞鬼氣，check咁耐仲係check緊，明耍我）咁你個頭要轉幾耐？？

佢：十分鐘。

佢個頭轉十分鐘，甩未呢??

最近唔知做咩介於敏感同有ｄ敏感之間，細想之下，可能：

1)　轉左防晒霜　<---- 　好似用左幾日都無事架喎！

2)　粉底＋面油　<----　就係用左果日開始出事！

3)　面油　　　　<----　因為今日無用粉底都出事！

4)　轉左藥          <----　雖然食得唔定，不過無理由一日出事，一日無咩事架！

5)　食錯野          <----　呢排狂食ｄ圾垃食物，真係好好味架！

總之而家好痕，唔想見人。

又到番學既時候，無得抖無得抖。

今晚係呢期既第一晚番學，上QM，原來我落狗籠彎都係要遲到的．．。

我呢隻笨人例遲會唔會唔識呢．．。

一入到去已經無咩位，求其坐左係中場，我諗我近視深左好多／有散光，我睇唔到螢幕D字。

好容易過左成個鐘，隔隔離同學既朋友至番，迫左黎坐我隔離，頂，佢有好強既氣，全身散發住濃郁既煙味，勁到没法擋呢．．。

我好唔容易咁頂到中場休息，即時好High咁轉去坐頭位，覺得自己撥開左雲霧見清天，因為：

１）螢幕ｄ字原來好大隻架，清楚晒呀。

２）空氣仲．．

今日呢個亞Sir好攪笑，令我諗起Uncle車，我相信我會好有心機咁讀好佢，攞番個A。

Happy Birthday to You.

Happy Birthday to You.

Happy Birthday to You You You.

Happy Birthday to You.

最近硬係覺得自己踩親亞姐條尾唔知道，佢對我既態度呢．．．真係唔知用咩黎形容好。

衰ｄ講係扮晒野，型ｄ講就．．．好Cool囉，淨係唔多啋我同另外一個女同事。

總之就係同佢講又唔like，唔講又唔like咁啦。

我係咪真係踩親佢條尾呢．．．還是唔覺意撞親佢心口呢？？？

真係好想開口問下佢，但係好似唔係咁好，咁典姣呢！！！！

最近有傳言某人想搵我幫手，又令我重生萌生去意添，呢度實在係無為得黎無空間，其實我都好想可以安安定定的。

某日，某君洗完白白出黎，一室香皂味，而佢身上唔知點解有陣B味，我一講，佢仲係度左右fingfing，肥dodo，白雪雪（就好似米之蓮咁．．哈哈），真係好想攬住佢，軟淋淋應該好舒服。

又某日，唔記得做咩對眼只係望到佢隻手臂，個腦就諗起雞脾，即時想咬啖佢，我都好耐無咬過人勒，好想咬！！！不過．．．唔敢。我要做番個斯斯文文既女仔，唔可以似隻狗架．．．。

唔駛多講，一個字：型。無啦啦見到賣廣告，即時碌大左隻眼，真係好想睇呀！！！點解香港咁遲至上．．．

激正官方網頁：http://www.transformersmovie.com/

其實個人唔算好鍾意睇怪獸／機械／血腥暴力，呢套超例外，聽住首歌都已經好有親切感．．．。

官方遊戲網頁：http://www.transformersgame.com/

睇完想引誘人地個仔買番黎玩添，ｄ畫面靚到呢！

日日打針真係好慘，睇到我心都實埋，我就好似廣告咁講：唔打針得唔得呀！！（不過明知唔得．．．-_____-)

隻手打到腫左，仲皺起晒，好想拔左個針孔佢，希望真係打埋兩日就唔駛打啦，醫生唔做得呃人架嘛。

大家為靚妹祈下禱吖，要好快無事，然後繼續可以食食食．．．

呢排真係家宅不寧，病魔快ｄ遠離我屋企。

我終於深深咁明白咩叫誓願。

呢排對住d野呢...一邊祈禱,一邊只係呆坐左係度,然後重覆地祈禱,然後又坐左係度,

如是者...每日都誓願,祈禱好多好多次。

正如同某人食飯一樣，事前我係無諗架，但發生左之後就醒起，又係七月。

本來今個七月特別ｄ，因為岩岩完晒ｄ試同埋好多朋友仔的生日都未同佢地賀一賀佢，以為會發下一輪傻咁渡過，不過呢，一開始就．．．　．．．，都係好忙，但又唔知做左ｄ咩咁啦，每日都攰攰地架。

而家期待緊．．．我真係好想瘋狂勁癲．．．起碼一次咁多啦。然後七月就咁就過左去．．．咁就好勒。

期待發神經．．．吼吼吼．．．．．．．．．