園圃又開始開放，今個星期已經是第三個星期，夏天宜種植瓜豆，我覺得今次自己好貪心：

第一．今次我自己一個人一片天地（我覺得呢個係我性格上的缺點）

第二．種左好多野，數數先．．．有青瓜、胡瓜、冬瓜、白玉豆、青玉豆、玉豆、小棠菜、菜心、白骨通菜、青骨通菜、薄荷、辡椒、怕醜草，仲有唔記得左係咩黎既農作物。

其實都唔係想咁貪心架，只係園友鼓吹，我就越整越多，在此特別嗚謝：天馬肥＆多啦肥(雖然你地唔會知我嗚謝你地..)多謝你地行動上同實際上的慷慨支持，令我個四方格好滿足．．）

今日同事帶我去睇醫生，醫師一黎就用佢ｄ唔喊唔淡的廣東話跟我們說話，我聽唔明，直到同事話，唔係呀！佢係我同事黎，我至醒覺醫師一路講既係：你女朋友幾靚喎！！醫師足足重覆講左幾次，我第一次聽唔明仲好順口咁答：係呀！

被人誤會的情況還是時有發生，繼早前同豪少去Join個朋友被誤會係情侶後，前陣子同同學仔探MISS同佢個女時仲離譄，MISS無啦啦問我同佢計劃生BB未．．．，我R"爆頭都唔明MISS何以見得我已經嫁左比佢！！！！

對於呢ｄ野，我真係好唔明，點解明明唔係會比人覺得係，明明係果ｄ講到出口人地都唔信係。有朋友咁形容過我：真係估你唔到架！我諗我都要咁形容ｄ人，真係估你地唔到架！到底我奇定係你奇呢??!!

男朋友呢個話題好值得研究下...

之前睇d心理測驗xyz之類的文章講到，我：

１．永遠將想追你的人當成朋友，令戀情無疾而終。

２．他只當你是朋友，不要胡思亂想。

雖然有ｄ矛盾，不過都好中。

然後，有朋友話介紹朋友我識，但又十個唔信我無，最後每次都被欺騙，今日都唔例外，不過叫做識多左個醫生，大家都講笑話要份見面禮．．．　．．．簽名病假紙一疊吖唔該。

不過都好，好耐無見朋友仔啦。下次要去探小B呀！

今日生日，本來有點事想今天做的，但今日醒來自己都忘了生日哦，晚上才想起來，太遲了，那就算了吧！留待下一年（如果還有）（如果還記得）（如果．．．）

今日的心情倒不怎好，還是那些老問題，解決不了就是解決不了，開口說什麼換來的都只是句句傷心，不知怎的，每次一片好心都得不到效果，反而惹人討厭的，人到底應該怎樣做的呢！

日子過得很快，而我還是呆立在時光的隧道中．．．　．．．

前兩日同輝輝食飯，哈哈，佢話掛住我喎！！好明顯我又變左身做鍾無艷。其實都唔算食飯，係佢陪我食宵夜，係巴士站等我，接放學咁，平生都好似得呢次，真係冧死．．。

成晚不停咁講佢既故事，感覺真係好似曾相識，或者每一對男女的問題都大同小異啦，隱隱約約我就諗起同個死八公既往事，咁就夜有所夢中見左好鬼耐，最攪笑既係佢個look唔到左，變左有ｄ白髮既鬈毛亞叔，長髮及肩果個娘娘款再配以粗糙的皮膚，簡直係見到都有ｄ食唔落飯的感覺，不過我發覺原來無論佢咩look，變成點，只有向我走來，我似乎還是拒絕不了。原來已經十六年．．．　．．．

曲：伍樂城
詞：林夕
編：伍樂城

童年你與誰渡過 聖詩班中唱的歌
再哼一哼可以麼
當時誰與你排著坐 白色恤衫灰褲子
再穿一穿可以麼

遺憾我當時年紀不可親手擁抱你欣賞
童年便相識 餘下日子多閃幾倍光
誰讓我倒流時光一起親身跟你去分享
能留下印象 閱覽你家中每道牆
拿著你歌書 與你合唱

從前你與誰路過 逛的公園有幾多
再走一走可以麼
當時誰對你凝望過 是否真的比我多
再演一演可以麼

* 遺憾我當時年紀不可親手擁抱你欣賞
童年便相識 餘下日子多閃幾倍光
誰讓我倒流時光一起親身跟你去分享
遺憾印象 沒有你家中那面牆
拿著你相簿 *

從前拍過的相
多麼妒忌你昨日同過的窗
早些看著你美麗模樣
對你天真的讚賞
Repeat *
從頭細看 你六歲當天 已是我偶像

生活没什麼，"没有什麼"没什麼大不了。

如果可以將自己看輕一點，如果可以將別人的缺點看輕一點；

如果男人的尊嚴可以減一點，如果女人的任性可以減一點；

天下的有情人相信會開心一點。

今日保持心情愉快，好似係呢幾年裡面心情最好既一個生日，成日都忍唔住笑，唔知做咩咁。

不過今日紅雨喎，計劃又失敗埋添．．．雖然兩者無咩直接關係。

全日有兩個驚喜啦，居然有人送蛋糕黎公司喎！好開心呢，無啦啦有蛋糕食，攪到班大少好唔扺得地話我自私．．呵呵！生日係大晒架．．我話！仲有就係估唔到壞人會同我講生日快樂，收到祝福係好開心架，收到預計唔到既祝福就更開心添。

但係唔知點解，今日周董問我係咪喊黎，對眼好水．．．　．．．，答完佢之後，個腦開始有十萬個為什麼？？我今日係勁開心囉，唔通佢以為同佢玩完我會好傷心？？好奇，望我ｄ眼神又奇，又欲言又止咁，我開始要檢討下係咪我做錯左ｄ咩．．哈哈。

如果日日都好似今日咁心情咁好就好囉．．．。

係而家之前，我做左第一件無聊事，就係搵左周董跟我一齊無聊，真係好無聊，都係平時既佢好玩ｄ．．。

係而家之後，我想做第二件無聊事，就係搵．．．．．．．ｄ野，真係好無聊，希望我記得，而且做到．．。

咁呢．．．我既生日就可以係無聊中結束＋開始勒！

哩個呢．．．好貫徹我全年的生活模式，我要佢做今年既記號。

下一年呢．．．就係另一個題目開始勒！Yeah Yeah Yeah！！！！

話說今日六合彩彩池有二千多萬，媽媽忘了買，但攪珠時偏要看，於是我又看著它攪攪下．．．又攪攪下（個人都幾鍾意睇開彩，唔知點解！），跟住開左我的生日日期，又開左死人頭的生日日期，如果我要買的話，我是會買這樣的生日日期，咁就中左四個字，唔知今次中四個字的話會幾有多錢的呢?

然後，媽媽話佢興買其餘的兩個號碼．．．真的嗎？？！！有人話每個人一生人都起碼有一次中頭奬既運，只差在中果次有無買，如果係真，呢次就係我中的時候，但係我無買．．呵呵！

我的生日＋你的生日＝無啦啦又要我諗起你個死人頭！！！！！！！！！！！！

我想買錶、買銀包、買袋、買護膚品同埋換季，就係我把口仲講緊忘記佢忘記佢的同時，今日我極速地買左隻錶，其實只係路過，由睇到至買左唔駛十分鐘，咁都唔奇，奇就奇在我又鍾意隻錶，又唔鍾意隻錶，同埋其實我係想買隻白色錶，買果時都仲諗住要買過隻白色，仲有，佢根本就唔襯我個屎大奴。結論係：我為左買野而買野，呢排壓力大咩？？！！

返學途中見到好多衫衫都好靚，我有實際需要換季呀！！！！！！！

做完幾個月園丁後，面面多左好多斑斑，而家個樣又老左十年，好有實際需要理下佢呀！！！！！！！！

．．．　．．．開始想發神經．．．　．．．

．．．　．．．我要買野呀！．．．　．．．

今晚番屋企果陣，條友都發神經，佢揸得比平時快都算勒，有人想轉線插埋黎都唔讓喎，已經驚驚地，跟住仲勁，遇到個夾硬黎添，不過都唔讓喎，只係向左邊一閃，差點咬到前面架車，隨即右邊一避，過程十分乾淨俐落，完全無收過油，我仲以為我玩緊賽車，要左閃右避逢車過車，雖然我都好想快ｄ快ｄ，但我只係想快ｄ到屋企，唔係報到囉。

奉勸各位會不安全架駛的朋友，唔撞唔係你技術好，只係時候未到，小心為上，多謝合作。

今個星期向世界出發的主角是蔡少芬，到達的地方是耶穌的出生地。我只看到昨天的和僥倖地看到今天的片尾部份。

返教會的時候有簡單地行過苦路，其實只是從想像出發。苦路真的很難行，背起十字架真的很痛苦。蔡少芬流著淚說：當她都嫌棄她的生命的時候，有聲音跟她說：你唔要既比我。。眼看蔡少芬的興高采烈、感動流淚，媽媽都抱著懷疑的態度問：係咪真係乜乜物物呀！而我呢，我的淚都在眼中打轉，因為我想起那聲音．．．　．．．

我想起那聲音語重心長地跟我說：你番黎啦。就係因為這說話，我開始正式返教會，我以為教會是那聲音想叫我番去的地方，然而，我之前並没有正式返教會，又怎算得上"番黎"呢。到底"你番黎"指的是"去邊呢"?某程度上,我討厭必然要面對的那些討厭的人，每日要面對討厭的自己已經很累了．．．。

最後的一幕講清理，清理是在痛苦與眼淚中進行．．．　．．．我都好想番黎，到底幾時至可以死番黎呢？？可以走痛走淚嗎？？