今日又番學，最後我都係無交功課，食lunch的時間都曾經一盡棉力咁去左自修室做，點知最後我眠左一眠，起身就已經夠鐘番工。

帶住個好奄悶我心情番學，上堂果時食晒個有ｄ苦既Delifrance公司三文治，一講到test我個心又跌左一跤，於是放學去左７仔，買左兩個雞包，三粒牛肉，一支750ml可口可樂(其實想買1.25L，聽聞可樂真係可以令人快樂Ｄ,但太礙眼勒），一盒士多啤梨蝦根大。我真係好放肆，因為太多高單糖食物係會令人無咁有記性架！！呢個時候我應該食多d合桃／松子，補腦嘛！！不過，我真係想開心Ｄ，於是番到屋企又開包薯片．．．　．．．係咁食．．．食．．．食．．．

學海無涯，我真想回頭．．．有無岸呢！

今個學季應該係我最放肆既學季，一開學就去左旅行，然後病左，記憶所及我應該無試過病兩星期唔番學，學期上左一半，我缺席左一半，有幾過份都唔駛講，然後繼續貪睡，繼續貪玩，繼續貪食（雖然已經推左好多，但仲係有去既時候），真係投入書本的時間少之又少。

我個心，同書本．．．有段距離！

新年收到ＳＭＳ，可能因為無諗過，收到有想喊的，有感動的，想喊係因為，你永遠都係出奇不已地令我措手不及；感動係因為，可能咁岩呢個時刻，太講中我的心聲勒！多謝馬田，順便用黎祝福大家：

新年la，又到新年la，忘記舊年ｄ唔好野，08年要加油ar，克服一切的困難，完成自己目標．．．　．．．

多謝aiki, peggy, connie, martin, laser 同埋唔知邊個同邊個 (係我衰..:p),總之多謝祝福過我既人,雖然我未必會覆,但我收到,記得,而且心裡感謝你地架!

新一年，等我數下有咩想係今年開始做既先，將會分兩類，一係可以靠自己既，二係唔止要靠自己既．．．

一．有：

１．儲錢　(講左好耐，都無貫徹執行過，今日開始一定要！！！）

２．箍牙　(講左好耐，都係因為無錢！）

３．激光矯視　（諗左好耐，但．．．好驚！）

４．攞A　（起碼都要攞到個，唔好懶！）

．

．

．

二．有

１．搵間教會番

２．搵間公司做

３．搵個好老公

４．改變自己，黎個突破

．

．

．

在2007年的最後一夜，相約了肥添諾到龍鼓灣燒ｂｂ，今次去了肥推介（其實係蝗蟲的推介）的流星花園，又無介紹錯喎，環境不俗，有投射電視，地方細但人不多，感覺寛敞，食物算美味，種類都不少，尤其是有我至愛的燒魷魚干，香到呢！食左好多好多塊呀我！

只是，今晚的天氣冷得很，是個練寒冰掌的好時候，所以諾好勤力地練習，哈哈！每次都由他來加炭，然後每次洗手，洗手過後被冷風吹著，感覺上．．．手上的水真的可以極速變冰似的呢！我們為你的勤力加許！（釘橋花梨蜜廚屎！！）

全晚做得最多的動作是在火爐上烤手，然後開始在火爐上十五二十，哈哈，跟我一起的人都是跟我一樣的傻痴痴呀！超低能，勁攪笑．．．

無無聊聊燒至倒數後，神奇的事就發生了！麵包超人上左我個麵包身呀！你睇，超人幾爽！肥話：點睇佢都係方包超人啦。但我覺得極其量佢都係麵包超人上錯左身包身者，你睇，佢有個圓到不得的的圈圈鼻，同圈圈權架，仲唔係麵包超人，呵呵呵！

最後，由我送超人一程，我食你個頭呀！哈哈，食你隻眼，哈哈哈，食你個鼻，哈，食埋你個口，哈哈哈哈哈，食晒。

好似由二十歲開始，我就保持住一個恨嫁既心情，好想快ｄ嫁呀嫁個有錢人呀！不過，又未必想拍拖，奇奇怪怪的。

但今日，好耐無見的蕭公子係facebook放左佢ｄ結婚相，睇完一大輪，發現，原來不知不覺間，我已經唔恨嫁，無左想結婚呢回事，人既感覺真係難以觸摸。

其實有咩好過而家，做個受保護的動物，哈哈，甚至不動物。以前會想照顧老公，為佢做這做那果ｄ思想，諗起都打冷震添。嫁好，唔嫁好，拍拖好，唔拍拖都好，只要係活在當下，自己感覺良好．．．就係好啦。

唉~

唉~

唉~

食之無味，棄之唔知算唔算可惜。

今日放工十五十六，最後都番左學，一路上堂仲一路咳，真係唔知做咩會咳架喎！連咳都好似係為左要咳而咳咁，好奇！但我控制唔到。咳到個人都無晒胃口，因為經常咳到嘔咁，我有理由相信如果個肚度有ｄ野，應該會嘔得出，好在係無啦。

番學∼好悶，次次都睇半堂鬼佬版星期ｘ檔案，我聽唔明，都無心機聽，今日更加索性瞓下，好唔容易按夸到九點九。

今日全日叫左一碟雞扒芝士腸薯餅飯＋肉鬆包？定批，但只係食左三份一舊雞扒(太難食)＋兩條芝士腸＋一塊薯餅＋肉鬆ｘ。放學因為太凍，加多杯怪味熱華田取暖，又病又悶又攰又凍又．．．　．．．無人性架！我生命果點燭光好昏暗，有ｄ懞濃，係咪做特效？咁樣映得我靚ｄ咩？！！

番到屋企收到封信，之前入左會果間野，佢送我聖誕禮物喎，仲要係豐胸美乳霜（價值＄５６０），都唔知攞好唔攞好。

呢個係我聽過最感動的愛是不保留。真係感動到好似我要嫁咁。

我衷心的祝願

願　主祝福你們

http://www.adachoi.com/v5/

無番兩日工，唉！（下刪好多個唉字）

無番一日學，唉！（下刪好多個ｘ字）

我有好多野未做呀∼真係好得閒去屎，但唔好要我病。

好辛苦又唔係，硬係條氣頂住頂住，個頭扯住扯住，個人唔上唔落唔知想點咁，今日下午食左個比白飯好只係一點點既炒飯（真係好難炒飯炒到同煲白飯無咩分別架囉！），都好在係咁，我食唔落，如果唔係應該可以嘔番出黎，乜我唔係傷風者咩，做咩無啦啦狂咳，又無啦啦作嘔，又無啦啦．．．　．．．亞心係度亂跳，好煩！真係人都癲。

救命呀！！！！！！

雖然基本上唔關我事，不過都關心下到底張晉係個咩人，睇完佢個blog，覺得佢真係好正，都放心啦。

祝佢地有情人終成眷屬，白頭到老，永結同心。

http://blog.sina.com.cn/maxzhang

p.s. 如果我都搵到個咁正既基督徒就好lu...