有時會想，生命是什麼，人要多無聊就有多無聊，要多醜陋就有多醜陋，為何神要給人生命呢？還要給人有能力生出更多的生命。

剛剛見到亞詹抱著自己的孩兒那個樣子，就想到答案，想起聽過很多為人父母曾說過的一句話：一見到自己的孩兒，工作點辛苦都忘記勒！我有時會想像，如果有個人打你，給你生孩兒一樣的痛楚，理應會對他恨之入骨，我有時會懷疑，如果我生的話，我會怒視我的孩兒，怒視我的丈夫，想像不到的痛嘛！

但，生命就是令人喜悅的事，所以母親經過十級痛楚後，抱著親兒還是很窩心的。於是我想．．．神給人生命是喜悅的，所以，祂讓這喜悅的事在我們的世界發生。

如果每個人都看待別人的生命是一樣令人喜悅的事，世界應該很美。

P.S. 請尊重生命，做人唔好做得咁討厭。送比ｄ平時好討厭的人．．

今日唔開心啦，後母發癲，我都唔知踩親佢邊條尾，佢應該有九條尾，舖定係我後面等我踩！！！真係想同佢炒鑊大既，但係我做唔出．．>.<

今日做評估的時候話我唔獨立唔主動唔自發喎！我應該係人地未問我之前問人地想點，又話我唔主動幫人做野，人地好忙咁，我好得閒喎。（我就走去問佢話好似好忙果個人，佢都無野比我攪，只係佢無我咁準時走者。）

我完全覺得呢ｄ係莫須有既罪名，早就講左有咩可以搵我，唔通我下下追住人問：我有咩可以幫到你！咁不如比晒我負責好過啦，人地唔主動搵我原來係我既錯，因為我唔夠主動地知道人地幾時要ｄ咩。我其實應該要做人地條蟲。

又話ｄ人只係叫佢，唔會叫我，就係因為我唔主動幫人，頂吖！唔通人地要搵你我唔比呀？叫佢地唔好搵你，咩都經過我先好無，真係好嬲，好想同佢講：做咩呢ｄ野，你唔早ｄ主動同我講，要等到今時今日。

呢排覺得無論係邊都係我唔岩，公司係咁，屋企係咁，邊度都係咁，真係好唔開心。

不過唯一可以高興既係，我真係好冷靜，面對住一個嘴饞饞既人，我仲可以好平心靜氣咁同佢講我唔同意你既睇法，然後佢繼續嘴饞饞，之但係我又真係衰左遲到，要我100%準時真係好有難度，仲要為左佢就更加之唔願意．．．呢點我真係要克服下。

然後我又好想唔做，但係咁，我同自己講，去到邊都會遇到ｄ不知所謂的人，我要訓練下自己要點應付，不過個心un住un住好唔ｃ服，為左佢個心un住一日真係好唔抵架．．．，應該點樣保持我既心境開朗，又可以頂得住呢條＠＄！＠％＄＠％好呢？

今朝番工，放工無街去就去左園圃，以為咁樣又逃過一劫，點知去完園圃，去左睇中醫，之後本來好順便番屋企，但戇dog dog的我想Check下幾點上車，點知拍錯機，拍左出站，橫掂都要入過閘，諗起想ｃｕｔ台，就諗住去問問啦，又點知神推鬼拱咁去左行街，一行就幾個鐘，係咁試．係咁買，連原本的目的都完全忘記，買到興高采烈咁番左屋企．．。

總共買左一件長褸，一件短褸，一件長外套，一件短外套，一件tee，一條裙，一條牛仔褲同埋一條長褲，我對下期月結單．．．不敢想像．．．。

連日黎都瞓得好少，可能因為咁，無咩抵抗力，經常覺得凍，凍凍下就凍病了。

禽日上完個沉悶的堂，番到屋企都仲係磨，磨到好夜，頂唔住要瞓既時候，董生唔懂性咁搵我，同佢傾到四點，真係頂唔緊，一瞓就瞓到今晚六點，起左身食左少少野，又瞓過，今日已經唔凍，仲好暖，呢個暖度令我唔想止住佢．．^^，不過諗起星期一仲要番學就．．．，仲未交功課添．．．唉！讀書既日子真係可以死，但唔好病。

好暖哦∼好暖哦∼好暖哦∼

多謝xx恩賜，我今日大傷風呢！

做左幪面超人，因為全日都紙巾不離面，今日用晒一盒紙巾＋三包tissue。

我個樣呢，真係超級吸引別人的目光，紅粉菲菲啦，特別係個鼻，除左損，仲感染到ｄ菌，即時腫左一舊．．。

親身體會到傷風唔好揸車呢個道理，除左無距離感，仲反應遲鈍，我今日斟茶果陣睇住佢滿瀉我都仲倒緊...shit。

跟住係條街度偶然遇上兩堆平排行緊的人，係我左邊的人唔知做咩傾向右邊行，同時，係我右邊條友傾向左邊行，結果

，兩堆人平排行到同我交接果一刻，我無位過，那個操國語口音的肥女人就順手窩左我一拳，真係好應！超人都窩，趁我病攞我命。

當我每次比人撞既時候，我就好想自己係一隻刺蝟、海胆，又或者箭豬，去教訓果ｄ係唔係都唔帶眼撞人既人，撞我吖拿，咁ｄ人行路就會小心ｄ。當我要比ｄ唔想佢掂我而佢又無啦啦掂我既人都係，掂我吖拿，咁ｄ人就唔會隨便掂人．．呵呵。

今日識左個人，佢叫馬田屎高西施，望望下佢個樣好似亞細，但講野既話氣就好似教我Operation Management既所謂Dr，果ｄ"問題係"、"奇怪的是"，好一個好有睇法既人，唔知點解，呢排講野少左ｄ，諗野多左ｄ，就覺得原來好多人都好執著，唔淨止我，講下講下又提到佢，好似除左佢，呢個世界ｄ人都唔到位咁，我中左降係咪，咁要識個巫師Lu。

突然想起這歌，無論你係邊個，同我咩關係，個人點，對我點都好，只要係我愛的，都祝福你：

結伴創將來　多麼的美
你的路　我的途　再也不分己與彼
有浪有風來　不捨不棄　每一明天也贈你

未懂占卦　也不懂命理
卻可先知我們　同步註定了不起
若我不普通　變得堅毅無忌
幕後有一個最大原因：因為你

每望向將來　都找到你
我所夢　我所期　全部喝彩因你起
你是我將來　不捨不棄　我的明天創自你

沒仰天觀星　看星宿日記
無問獅子雙魚　前面有沒有驚喜
一早知　幾多風吹與飛
活著也很快樂　自尋到你

天佑我的愛人　給她永遠笑聲　並常對她偏愛
天佑我的愛人　有她不再覺得生命無奈　敢愛

未懂占卦　也不懂命理
卻可先知我們　同步註定了不起
(若)我不普通　變得堅毅無忌
並沒秘方這是純因你

*天佑我的愛人　這日　明天　一世　把她寵愛
天佑我的愛人　有她不再覺得生命無奈　敢愛*

Repeat *

你是我將來　不捨不棄
每一明天愛著你

著完條姊妹裙就周身痕，痴膠紙痴損左不特止，而家其他部位仲敏感，早知就唔扎得自己咁緊，嗚．．。

真係無咩心情，唔想番工，唔想對住Ｄ鞋口鞋面的八婆，作為女人，我都覺得大部份女人係痴膠線架。

唔想番學，唔想面對一次又一次覺得自己低能白痴，如果可以咩都唔做，淨係望住個藍天碧海就好Lu。

到而家，都覺得生活裡最困難的就係面對形形式式的人，人類真係最麻Ｑ煩的動物，我攪不懂。

可以的話，柄埋自己，歸隱田園，每日對住神創造的美好天地，就足夠了。

又係半杯水的問題，如果你見到枱上有半杯水，你會點樣形容呢，是半滿的，還是半空的？

天空是灰色的，於是，當你對我說：我想起你的時候，腦裡面的反應是"你忘記了我"。

都唔止一次，都唔止一個人，既然忘了，就讓它過去，我是古怪的，我接受到你忘了，但接受不了你忘了，之後，又來跟我說你想起，我就是這麼一個你要忘了就忘了，要想起，就想起的人嘛？自尊心作祟，你要想起，就想想好了，不要來告知我你忘得有那麼徹底。

是遲了，你知我都知，既然都忘了，就讓它隨時間跑掉吧，時間没等過任何一個人。

你想起我！還是你想起你忘記了我！如果你不是忘記了我，你會否想起我？好奇怪的一種感覺。

P.S. 我只係想，唔好咁多人忘記我，唔好咁多人忘記後又同時間想起我，原來咁係會令人唔開心的。