| «‹ September 2015 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2007 年 9 月 8 日 星期六  | |
不變應萬變  |
無啦啦發現原來係呢度開版的日子係2005年2月既事，嘩！兩年半啦．．．
我真係咩都無變咁，眨下眼就黎三年，好得人驚呀．．．
不過最得人驚既係：諗諗下．．身邊ｄ人都變晒咁滯．．．
無拍拖既拍晒拖，有拍拖既拉埋勒，拉埋左果ｄ仔都有lu．．．
換句話講．．．得閒陪我反既人已經越黎越少．．．
而我．．．等到頸都皺都未嫁得出．．．
仲有我個仔．．．我諗亞媽都係生你唔到架勒。
|
| 刊登時間︰2007-09-09 02:47 AM [ 訪客留言(2) ] [ 編輯日誌 ] [ 分享至FACEBOOK ] |
| 2007 年 9 月 6 日 星期四 | |
| 買野∼ |
今晚本來約左偉文，點知佢遺忘左我，我就係條街度漂流，就係咁，我又買左好多野．． 。
其實原本諗住做姊妹係好簡單既事，到時交個人出黎咪得囉，點知因為條裙，攪到所有野變得複雜左，攪完內胆，攪完個頭，攪完化粧，今日買左set指甲油（因為對鞋露左Ｄ腳指，肉酸啦！），又買左件開胸衫（因為中場會比自己抖下，換番衫），仲買埋個袋，仲有想電埋眼眼同做淋巴（因為影相眼腫＋面肥），又想買過第二隻就隠形鏡（因為眼紅紅左好耐Lu，唔好睇），我真係由頭執過自己一次咁，開始係度諗仲咩要攪咁多野 ，都係唔想失禮主人家啦。
就係咁，我就窮上加窮，希望買買埋埋ｄ野，就算完左我都會用晒佢啦，唔係真係唔抵呀！ |
| 刊登時間︰2007-09-06 09:25 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 9 月 5 日 星期三 | |
| 好彈呀！ |
呢排每晚都好夜瞓，攪到番工呆呆滯滯咁，今日好忙呢！其實唔多野做，只係我又狂錯，人地又狂錯，連部機都狂出錯，結果做一樣野要重覆ｎ次就變左好忙啦，睇住熊多多係度玩真係好想搭訕架．． 。
夜晚約左做肥蘇，早左就去左睇化粧品，試左ＭＡＣ，個化粧小姐攪到我仲醜，係咪玩野．． ，跟住去左BIOTHERM，佢同我做左個皮膚分析：水份~30，油份~40，彈性99，即係我好缺水，仲係接近嚴重既程度，油份正常中偏低，差d連油都缺埋，不過可幸既係，仲好彈好彈啦，爆晒登咁滯，最後幫襯買左支ＳＯＳ，我真係要ＳＯＳ囉。
然後做肥蘇，部機真係掂掂地，一次過幫到收毛孔，美白，去印，瘦面等等，因為只係試做，所以時間唔耐，對我最見效的都係毛孔收細左，同埋塊面緊左，至於美白去印就同普通做完肥蘇差不多，本來真係想搵間做淋巴，不過佢死都要開ＣＯＵＲＳＥ我就無ＪＯＩＮ啦。
番到屋企都好晏咁，轉眼就十二點，轉眼又兩點，噢！我又兩點至瞓．．。
|
| 刊登時間︰2007-09-06 09:03 PM [ 訪客留言(3) ] [ 編輯日誌 ] [ 分享至FACEBOOK ] |
| 2007 年 9 月 4 日 星期二 | |
| 掛住玩 |
哎呀！其實個心好想溫下書呀，做下功課啦，但個人就．．．
九月的節目真係多籮籮，首先話去睇戲（不斷延期中），又話大食會＋化粧大典（好令人期待），然後又組隊去食自助餐（成功推左），仲要見見ｄ兄弟姊妹們（走唔甩），還有公司中秋之旅（唔去有ｄ笨），跟住間唔中忙下去扮靚＋買野（無論如何月尾都要靚），得閒要諗下有咩玩新郎（有無推介呢大家？？），最後壓軸就自然係靚靚新娘子的大日子啦。
已經夠我忙，一日星期最多玩一日的限額已經用突。我個心唔係飛左去"呆"度，就係去左"玩"度。 |
| 刊登時間︰2007-09-05 01:11 AM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 9 月 3 日 星期一 | |
| QM |
差唔多去到白熱化的階段，換句說話講，去到我聽都唔係好明既階段，又話後面果ｄ淺既．．。
不過，雪中送炭既係．．偉文幫我借到計數機，真係感激不盡哦。
我要努力呀！加油呀！努力呀！加油呀！！
P.S. 今日周董有ｄ怪怪，希望唔好比我講中，我對做第三者一ｄ興趣都無架！我的真命天子呢？？死晒去邊度喎！！ |
| 刊登時間︰2007-09-04 01:50 AM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 9 月 1 日 星期六 | |
| 一個人的寂寞 |
突然間，有種失落感，是因為暫時完結了一個課題？是因為他這天消失了？
很想找人去玩，找不到又不開心，到找到了，原來．．．那種寂寞的感覺猶在。
一個人的時候覺得寂寞，總比兩個人一齊的時候覺得寂寞好，這樣，我還可以慶幸，只是因為，我．．．一個人。
一、二、三，為何在寂寞的時候所想起的，都是不愛我的人。 |
| 刊登時間︰2007-09-01 01:40 AM [ 訪客留言(2) ] [ 編輯日誌 ] [ 分享至FACEBOOK ] |
| 2007 年 8 月 31 日 星期五 | |
| OM TEST |
越黎越覺得自己無咩心機＋精力讀書，今日又測驗啦，我望住其中一題良久，真係陌生到呢．．．完全唔覺得自己有聽過呢ｄ野，求那其其寫左幾隻英文就算，真係好不滿！我諗亞ｓｉｒ會更加不滿．．。
好似未試過考試測驗早咁多走人，出到去仲有野食賣，跟住呢．．呵呵，我順便走左去LM，放左一大桶血，Ｄ野真係好掂，搽完好似無搽，但係Ｄ皮膚靚晒得黎仲有透明感，有Ｄ後悔佢做Promo果日無去到，只係相差幾日，而家買同樣既野就要比多幾舊，不過算啦，小姐話果日多人到不得了，我呢Ｄ巴之閉既去左都唔會等啦。
平時朋友話ｄ小姐態度唔多好，但係都唔係呀，我今日烏Wee到不得了，仲攞住d外賣走去櫃台，我自己都覺得騎，去到LM狂問野唔知想點咁，佢ｄ態度都好好呀，連第２個counter個姐姐仔都好好呀，我行過果時對住我好有禮貎咁笑喎！ |
| 刊登時間︰2007-08-31 11:17 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 8 月 28 日 星期二 | |
| 電玩 |
禽晚發左個好好玩既夢，就好似係度玩電玩咁，我又似當中既主角，又似局外人，個故仔係咁架．．．
我同一班人，有男男女女六七八個左右啦，唔知做咩呢班人每日都會週圍去，一齊玩，其中我同個女仔好似ｄ卡通片咁成日會嘈，但感情唔差，而嘈既原因都係好似卡通片咁，為左個男仔，就當男仔係A啦。
A同我無咩野，都無特別好，只係女仔對人有野至成日同我嘈，不過咁，有一日，我發現A有ｄ特殊力量，就好似打機咁可以變身呀，打怪獸呀咁，係唔記得咩條件之下，佢ｄ特殊力量傳染左比我喎！係我仲未適應到呢個特變既同時，大群怪獸突然特襲我地成班朋友，因為只有我同A有對抗的力量，我地就開始打，其他就逃走囉．．．
畫面就係我同A點對敵，同埋ｄ朋友點逃走兩邊跳黎跳去，跳到最後我就醒左LU。（最衰要番工．． )
好似無試過發ｄ咁好玩既夢，好似打左一舖機＋睇左一套卡通片＋一套打戲咁。（我唔記得講，裡面所有人樣都真係立體卡通人樣黎架，日本果ｄ矮屎得得果隻，真係好攪笑。 |
| 刊登時間︰2007-08-28 09:13 PM [ 訪客留言(3) ] [ 編輯日誌 ] [ 分享至FACEBOOK ] |
| 2007 年 8 月 27 日 星期一 | |
八月廿七日  |
今日心情好好，番工無遲到，Lunch去左驗眼，唉，已經四字頭，番學竟然有留坐，仲要一上車就落大雨，落車又無雨喎，入到KEC就派卷lu，係我既尺度係差啦，但其實都算中上lu，呢一科呢，計數機佔住好重要的席位，可惜我擁有的是一部唔夠全面的計數機（而家至知，計數機都要面面俱備）。
中場休息，都係搵個衰人，雖然佢禽日唔啋我，我仲以為佢今日都唔啋我，點知又趕得切喎！（可能佢知我搵佢做咩的話，真係會唔啋我..:p）不過都係就死咁啦，好奇怪，我都就死咁，但我死得黎好開心，雖然勁頭痛，同埋攰到野都唔係好食得落，今日真係心情好好，好到無咩唔好野可以影響到，日日係咁就好ｌｕ。
番到屋企係咁講野，同亞媽講起落雨，我都無講耶穌，佢就話：主與你同在嘛。禽日無啦啦一出房門，亞爸就問：你係咪同主既距離遠左？嘩！真係估你兩老唔到。我講既時候又唔見你地咁有興趣聽喎！
不過今日睇蔡少芬時真係想喊，劇情應該都到佢差不多做手術ｌｕ。 |
| 刊登時間︰2007-08-28 08:57 PM [ 訪客留言(0) ] [ 編輯日誌 ] [ 分享至FACEBOOK ] |
« | 7 | 8 | 9 | 10 | 11 | 12 | 13 | 14 | 15 | 16 | ... | 71 | »
|
