丁點心程
今日終於都有得試衫，為左方便，今日特登整埋個頭，著埋對鞋，化埋個粧睇下襯唔襯到，哈哈，真係好！個頭同對鞋都ｏｋ襯架，不過個粧就．．．
條裙好ｏｋ，個頭都好ｏｋ（我估），因為一試出黎朋友仔就讚好夾，跟住佢話影相，比佢影左一野，我地再望番．．．
我即時話：嘩！好肥。（我指塊面）
朋友仔話：係呀！（好真心果隻）
我：
到底點可以化得我影相塊面唔包，有番ｄ輪廓呢，有無人可以救下我。
P.S. 條裙真係造得唔錯，大家想造晚裝果度真係個唔錯既選擇。
今晚十點零鐘既時候，突然覺得好窩心（係純綷的突然，無咩特別樹情發生過架），然後好窩心咁同神傾下計，我懷疑神好掛住我，哈哈，不過咁，都係我講野多啦，好耐都無試過咁lu，到底．．．果一刻．．．係咪．．．。
要維持體溫係25.5度真係唔容易。
呢個星期都係呆呆滯滯的我，出街都硬係唔記得帶外套，到底邊間巴士公司賣行廣告話唔駛著外套，衡溫25.5架！次次都凍到我亞媽都認得。有日仲要塞車，我呢，因為時間既關係，未到屋企就變左凍餅（凍到彊左既老餅），就係咁，我攰左好多日。根據人體自然調節機制，原來係凍既環境，人會自然地消耗能量以維持體溫，即係話，如果一個人維持係凍既環境所消耗的能量，會比佢維持係正在溫度既環境所消耗的能量為高，故此，能量消耗多左，人都自然容易疲倦。
我好相信我呢個禮拜無啦啦攰都痴左線咁，同變左凍餅有莫大關係。
講完凍，又講下熱，ｄ天氣真係呢，總之坐係屋企會令到個人好唔舒服，唔知想點咁，直至個太陽消失左，成間屋至充滿番生氣，開始懷疑到底．．． ．．．
P.S.他媽的....女....今個星期攰到醫生都唔願睇..= =
食左今次中醫開既藥都一個禮拜勒，感覺唔錯喎∼
今次覆診的藥好特別，除左喝得，仲洗得，佢教我番煲攞黎洗面喎！用中藥洗面我都係第一次．．。個心不其然諗，咁塊面咪好苦囉，不過上次ｄ藥已經唔算苦，今次果ｄ仲比上次無咁苦，真係好。洗既時候好似將ｄ涼茶放上面咁，有ｄ痴痴地，跟住我又諗勒，到底佢係想叫我敷面還是就咁洗面呢？就咁洗一洗都有效架咩？？硬係覺得奇奇怪怪。
上次佢叫我呢兩日唔好食蝦蟹既迷題已經解開，其實真係一路飲ｄ藥一路都唔食得，仲原來唔止蝦蟹，係海鮮至真。不過，我食飯既時候都試過唔記得食左ｌｕ（我係記得無叫海鮮架，只不過原來碟野有海鮮，食完至醒起，真係失策．．）。
今朝番工，做埋禽日未做既事＋今日要做既事＋私事＝放工，星期六最忙都係今日啦我諗。
放工後，首先去左換扮靚靚既野，跟住順便睇左ｄ床褥，唉∼睇中都唔岩晒屎！！
然後，去左換書，跟住去做肥蘇，跟住食野，跟住睇中醫，真係好鍾意呢位婆婆，佢好可愛呀。
再跟住去左睇導火線，呢次無剎破狼咁激，但我都覺得好睇喎，好少動作片玩搏擊。其實未睇之前好驚架，因為我買左戲院特登唔賣飛個隔離位，隔離係一排六張空．．．個心就諗起一ｄ傳說，咁呢，我連野都唔敢放落隔離，好在跟住比另一邊隔離騷擾，同埋套戲都令我睇得算投入唔記得左咋。
睇完就去左買野，買左好多３３呀，都係超級番工款啦。
今日每個行程都一個緊接一個，順利到不得了，我覺得８號仔吹走左我ｄ撈甩勒，真係好愛佢呀！愛上８號呢個號碼添
本來柏布離我地而去，我係完全無感覺架，不過，原來失而復得係十分驚喜的。
開心唔係因為可以放早果幾個鐘頭工，唉∼唔好講笑，我唔想再係呢間公司遇上ｄ咁既早放機會，ｄ人真係會迫屎喎架！至於開心，係因為．．．咁岩要交功課但係我未做完，呵呵，唔駛番學，名正言順地遲交，真係開心死。
又講下呢個排隊既經歷，我諗係香港除左遇到大陸人愛打尖之外（無論男女老幼啦），其次最熱門打尖的朋友就係亞叔勒，係咪上左年紀既男人都係唔等得好耐既呢？？我屋企件亞叔都係咁，真係好似搽左面幪膚咁架，無道理可言。
係我遇到呢ｄ亞叔之後，我就發現ｄ醫生講得好岩（起碼有５隻手指或以上的醫生／醫師講過我好緊張），原來我個人真係好緊張架，果個亞叔企係我後面打後面條靚仔尖之嘛，但係佢無咩野咁，我仲緊張過佢喎！好聽ｄ叫路見不平，唔好聽ｄ真係關我茶事咩，但係我就係忍唔住，同埋呢．．．我發覺，我個人好急，開始發現同朋友去街，我會行係前面唔知急咩咁．．．，但好笑既係．．．除左醫生，無人覺得我緊張，反而岩岩相反，咩都唔緊唔要噃。
今個月番工的第一天，唔知醒，No-paid Leave左一日。
前日無故小塞車，於是遲到，但又講唔上係因為塞．．．所以遲，最後硬食。
禽日仲掂，係因為無車開／無人開車，三班車夾埋一班開，又遲，又要硬食。
放工仲得，上左車唔夠十分鐘就壞車，真係早唔壞遲唔壞，上左公路就黎壞。
今日中奬添，奬我遊lift河兩次，上到頂樓落番一樓，之後佢唔落地下，又上番頂樓落番一樓．．．
淨係計呢幾日都甩到咁。
仲未計之前困Lift，壞機，次次送車尾等等等等等．．．攪咩呢！
禽晚瞓唔著，今日就淨係識得瞓，真係好討厭，我ｄ功課呀．．
呢排真係好熱，熱得好討厭，熱到成日都想搵ｄ凍野降下溫，不過睇完中醫佢話呢兩日要戒凍、戒蝦、戒蟹喎！
即時覺得Impossible。佢話呢兩日，係咪即係真係兩日後就可以食番呢？
樓下播緊藍色多瑙河（富豪雪糕），好引誘呀！！
我既雪糕呀！！！雪糕呀！！！越唔比食就越係想食添！
唔經唔覺無上網左．．．原來兩個星期，今日番黎勒，梗係要踩番自己個場啦，踩踩踩．．．踩旺佢．．．。
原來只係兩個星期，都發生左好多野，有ｄ感慨添．．．等我諗下寫唔寫番先。
講左今日先啦：
今日十一點半起身，去左銀行攪左一輪，十二點半食野，呢排都無咩胃口，作嘔作悶咁，有左咩？！
跟住番屋企執野兼等師傅黎，佢三點幾到，又攪左一輪。
發現仲有ｄ時間，就約去睇中醫（話去左好好好好耐），竟然仲有位，四點半準時到，但係都要等。
天氣真係熱到呢，橫掂都等，就行左陣街，跟住去左７仔買野飲兼買雜誌，
番去就好似人地等位咁，坐係度係咁睇，睇到坐得埋位，希望今次真係好啦，仲要快ｄ好。
仲以為有時間番屋企，點知睇一睇就已經攪到六點，嘩！出到去真係遲到。
我仲要行錯路，唉！真係好sorry，本來諗住．．．諗住好多野，不過最後呢．．．，我都知係我唔好啦。
終於都睇左變形金剛，其實．．．唔知點講，可能因為細個既情意結，硬係爭ｄ野咁啦，
我真係好想知點解咁細架車變完大過層樓，如果有模型可以咁變法，我好想砌下。
其實我真係好鍾意見到你，不過唔知點解，今日個感覺好似有ｄ唔同。
上星期四同朋友食完飯，係街度見到等緊唔知咩既劉生，果一剎那大家都見到大家，我就好自然咁行左埋去，好熱情咁同佢寒喧，不過佢雙眼除左果一剎那見我之外，我同佢講野既過程佢都係搜索緊唔知邊度架，我對眼又好自然咁跟佢搜索，發現唔見左朋友，咁就好自然say bye，橫掂佢都似乎唔係好想同我講野咁款，呢個moment令我醒起我係前度呢個身份，係咪就係因為呢個關係呢?
星期一，有位人兄按我公司門鐘，我一望之下，大家對住塊玻璃窗開始手指指，口裡係咁：E．．喂．．咁岩既．．．好耐無見，見番好似好熟咁，好好笑，公司ｄ同事讚佢靚仔，我真係好想知佢靚係邊，呢排播妙手人心，我就覺得佢似蘇永康(外型)，我似蔡少芬(戲既性格-多嘴)。
今晚，放學坐962經過某地方既時候諗起ex，跟住無耐，見到一個身影，咁似佢既，原來真係佢，我地竟然坐係同一架車，佢好似好辛苦咁，唔通又腰痛?佢係果個某地方落車，身邊有另一個女子，不過唔似係女朋友啦，本來想打電話比佢，諗左一諗都係算ｌｕ。
呢三個咁岩令我覺得ex呢個身份係一個包伏，如果我唔係某某ex，我覺得我地會好似見到文偉兄咁一樣係咁ｅ．．喂，如果我唔係某某ex，我覺得呢個電話我一定打啦，起碼唔駛擔心你做咩咁辛苦，所以呢，都係唔好有咁多ex好ｄ，下次可唔可以唔好散呢．．唉！
，好耐都無試過咁lu，到底．．．果一刻．．．係咪．．．
。
有日仲要塞車，我呢，因為時間既關係，未到屋企就變左凍餅（凍到彊左既老餅），就係咁，我攰左好多日。根據人體自然調節機制，原來係凍既環境，人會自然地消耗能量以維持體溫，即係話，如果一個人維持係凍既環境所消耗的能量，會比佢維持係正在溫度既環境所消耗的能量為高，故此，能量消耗多左，人都自然容易疲倦。
