這就是我在2月14日收到的花花，一直都懶得放上黎，不過最近玩緊個網上遊戲都要上載相片，就順便放埋張相黎呢度啦，佢靚唔靚就見人見智，不過就真係可以放好耐，玫瑰黎講，我自己買果ｄ兩至三日就謝晒，但呢次放到兩星期，ｄ襯花仲利害，好似係泥種緊咁，會一路一路長大，原本得ｄ草既變左有花冧，ｄ花冧仲要開到，足足放到一個月，亞媽直頭叫我試下放落泥度睇下種唔種得番添，只係我無理佢，真係好利害，鮮花都可以放咁耐，到底係花店的功勞，還是本身隻花種係咁既呢？

終於又完左兩科，又係忘記背後，努力面前既時候（即係唔好問我考成點啦，唔記得架勒..呵!），希望真係可以忘記，唔駛Retake啦..。

自從黑面神係門神個位度裝左電腦之後，門神用左一日，就發覺隻手開始有Ｄ問題，真係由手指痛到上手臂噃，唔做又煩，做又痛添。呢個問題都唔知可以點解決，門神仲未諗好，因為魚與熊掌，唔想揀死一樣。

跟住落黎，會有兩個星期FREE TIME，呵，呢個星期暫時都預約期滿晒咁滯，仲忙過番學呀！一於要relex，一於要靚靚，仲要執好我的空間，同埋．．．呢樣好重要，就係整理我封resume，搵過份好工，兼夾搵個好老公....。

然後，好好預備我另一個．．．死期！！！！！

神秘有奬遊戲已經結束，我就揭曉我的遊戲中奬資格啦。

就係，好簡單，第10000個登入本網頁者，就係得奬者囉。

可惜，就好似我擔心的一樣，第10000登入者是．．．．．．

所以，我打算退一步，過了10000的最接近者是這個IP:59.106.4.57的，

又可惜，你無留言．如果你係我的朋友仔，就留個言比我啦，我個奬品等緊你架．．^^。

在PRC考試前，我的排程還是蠻滿的，基本上就算回到家，都没好好的溫習過一次。

昨天下班後，本來約了到Bella試做激光，後來跟同事午飯而擔誤了，取消預約後，到了faces取試用裝＋補分，之後到Johnnar那兒做熱石按摩，那張暖墊令人躺下後不願起過身來呢！然後，約了Grace，由太子到元朗，我竟然用了一個半鐘！！最後還是遲了一點才到達神召會崇拜，其實是佈道會，但並没有感動我，我想那不是屬我的家吧。不過，還是給鼓勵往不住禱告，不可停止聚會的方向遇進，唯一原則是真心地作。最後是晚飯，回到家已經很晚。

今天，午後起過身來，趕忙地出門口，（還是不住在看七十二家房客，似乎蠻好看的）上車才發現没拿銀包，就因為折返，延誤了我的時間，一個Facial就幹掉我整日的時間，最後還是草草買了個精華素，但其實算是十分超值，因為做了個免費的注氧TREATMENT，著實令我的皮膚好多了，還加送了一支大大支洗面膏，又不知可以用到何年何月了。然後，到了銅鑼灣，本來打算看看有什麼禮物呀，衫褲鞋襪買呀！怎料見到祟光ｏｎ　ｓａｌｅ，就入內逛逛，一個超級市場已經夠我放血，我只是買了Godiva雪糕和數支果汁，都已經數百元，還重重的，不過，如果不是因為太重，我相信我會繼續Shopping，因為，出門口才發現所以的On Sale應該是指各名牌低至一折的清倉大減價，還有禮物呢，置身呢！！可是．．．我最近的血．．．差不多放乾了。

無事出街少破財，這是考試前夕不好好溫習的代價吧！

依而家的情況黎睇，仲有十日左右，超級無聊有奬神秘遊戲的得奬者應該會揭終(唔記得個終字點寫..提提我吧)

我咁講，聰明的你係咪已經知道個橋妙呢！

又係時候提一提大家，每次入黎都記得留言呀！

因為照而家的情形黎睇，我好可能唔知呢個得奬者係乜水，更有可能呢個係．．．　．．．。

如果．．萬一個幸運兒唔係我的朋友，呵呵．．等我諗下點好先！(有冇咩提議呢!)

哈哈．．好期待既呢，不過我都仲未諗到買咩做禮物添！

今日有花收，收左十八枝紫玫瑰，應該係我咁大個女第二次係情人節收花(如果無記錯的話，不過記錯都無人知啦..呵呵)，仲記得第一次收既都係玫瑰，無咩特別，只係幾枝玫瑰，但就好開心，傻到逐塊花辨抆出黎玩佢鍾意我，佢唔鍾意我呢個玩意，哈，岩岩禽日至發夢見到佢，人老左，淨係好記得後生既野，呵！係啦，兩次都唔係情人送既花，分別係一個鍾意，一個唔係幾鍾意。

係公司收左花之後，其實我好低調咁收埋左佢，後尾比祖澤見到，佢彈到一文不值，好好笑，跟住送花人見到，又狂話有無攪錯，大彈左一輪，反而收既我無咩野，係lu，如果靚ｄ就好lu，我相信我係奇怪架。就因為佢送左花比我，於是我同佢食左餐晚飯，但係食完後有ｄ好似企左係十字街頭咁。Anyway，我真係好鍾意花呢，番到屋企插起佢既時候，又ok靚喎，無咁殘，仲有ｄ似花球..。

P.S.1.   今日係老豆生日，番到屋企順手送埋紥花比佢當生日禮物....kakakaka (其實我想買蛋糕，但真係扲唔到呢！）

P.S.2.　今日GM都送左每位女同事一枝花呀，好有心．．^^

四天的春節假期，轉眼就過了，本來這四天都應該分別到親戚朋友家中拜年，但最後都只是今天到了Imen家中，全因為她的盛意邀請，先是電話，然後短訊，再來多個電話，還說已備有糕點，遊戲，利是款待，教我如何拒絕她呢．．。

其實那大顆兒的朋友都認識，只是不相熟，玩完笑完一輪，去了大榮華晚餐，前後腳去到，當然，我都會跟住Imen啦，但Grace轉位唔同老公坐，我地又調黎調去之下，我坐左係Grace同Imen之間，又無端端，Imen問我仲有無番教會，原來Grace係元朗番緊，我睇到佢有個信主後的鄭秀文既笑容，佢多次同我講不可停止聚會。成個感覺我覺得好奇妙，因為原本係佢地全班人當中，無人係信主的，而咁岩，我的最近生活真係爛到不得了。感謝主，讓我起碼停一停，想一想。

近來大陸給大風雪吹襲，香港都因此遇上多年没經歷的長寒，連續一星期？兩星期？總之連續多天，很多很多天的寒冷天氣，那些什麼多年一遇的標題在新聞紙上無日無知。

十二年一遇的鼠年（這樣說我們就像是應該更珍惜我們的日子），其實還是有點帶著十二年一遇的豬年的愁雲慘霧。我不開心，這是真的，開始在想著盧盧的說話，在電台工作多年，每日如是的日子讓他覺得很没意義，直到有一日，校正了方向，從新由主內出發，出奇不已的事就發生，他被選了當上福音電台的主持人，生命意義之所以不同，全在乎人的心，這點我明白，但即是怎樣做呢？

我又在想著我的方向，每日都做著没意義的事，這著實是我的感覺，這令我的生命很没動力，該做些什麼呢！

可幸的是，還是有些人會給我鼓勵、支持，是你們對我的努力，令我會努力一點，放棄自己對我來說太容易，但看見你為我努力，我又怎可以不努力。我没有什麼好，更不是你們眼中那樣美。很多謝你們為我付出的時間，心機，努力，包容，支持和體諒，就算只是一剎那，但也足夠了。

鼠年大家都努力，向著幸福的標杆前進吧。

hehe......最近諗左個有奬神秘遊戲想同大家玩，

遊戲規則係：每次入黎睇過我網址的朋友仔們,只要你有留言,就有可能得奬。

遊戲內容係：神秘的(只有我知道)。

截止日期係：不日截止。

參加資格係： 只有我的朋友仔至有參與資格（因為唔係我朋友我都唔知點比個奬你啦！)

P.S.各位朋友，記住要留言呀！(我要知你係邊個至比到個奬你架嘛)。

希望．．．個奬可以順利送出啦．．．。

又到左好攰的時候，呢兩日都好攰咁，每次只係諗住上床抖抖，但一抖就整晚無起過身，唔好以為瞓左好多個鐘會好精神，番工一樣係好攰，放工又一樣係咁渴睡．．．

如是者，今日係渴睡的第三天，我由尋晚食完飯頂唔住瞓陣，一瞓就瞓到今日黃朝八晏，起身只係整左個超正沙律食，

材料:

九牙生菜，意大利生菜，番茄，粟米... ...

超正既原因係：

以上的材料，全部都係我種架..哈哈哈！

尚有材料：

蘋果，奇異果，藍莓，蟹柳

配料：千島醬，olive oil,　果醋

食完又好眼瞓咁上床抖抖，一抖又數小時，我的天呀！好多野未做的時間，就最想瞓，最容易病咁既！（其實係咪我無咩時間係無咩野做既呢！）

今晚一定要努力，時日無多仲要瞓晒佢真係好浪費！！！