今日咪咪去左全身照PET，Q醫收左我地一皮野，郁下又一皮，郁下又一皮，真係易過借火。呢排都好珍惜同佢講笑的日子，難得佢仲好講得笑，夜晚睇電視個節目亮相，見到果隻貞子男孩，豆豆話：佢慳左隻眼，跟住我話：媽，你可以試下剪呢個髮型。XDDDD

我流漣係咪咪張床唔願走，大家就開始係度胡扯，初時講開Ｄ鄉下話，講到大家唔知大家邊度鄉下，跟住佢話我發音唔正，開始同我上最緊要正音現埸版，一路係咁ＯＮ　ＯＮ　岸，我就咩呀，咪ＯＮ　ＯＮ　ＯＮ，佢：唔係呀，ＯＮ同岸唔同音架，點唔同者，我學佢個口型，ＯＮ　ＯＮ　ＯＮ，佢：係ＯＮ唔係岸，岸係上岸個岸，（佢開始教我寫字），我話：字我識寫喎，我唔識你個發音之嘛，佢繼續ＯＮ呀∼ＯＮ呀∼我地已經笑到肚痛。

如是者，係佢話唔識表達點ＯＮ法地ＯＮ左一輪，大家係樹ＯＮ　ＤＯＧ　ＤＯＧ左一排之後，懶音王終於撞岩個正音，成功分得出點發音勒，捨得落床，出番廳，到個大懶音王問我ＯＮ咩，佢學我一樣唔曉發正音架原來，．．ＸＤＤＤ。

連日黎係大雨底下走黎走去，加上係雪房冷凍，就咁我又不勘一擊病左，本來仲要死番工，好在黑雨，臨時唔駛死番去，點知場黑雨真係咁勁，我在感恩的時候，有人在飲泣，天有不測之風雲，是禍是福，人有時真係不能參透。

如是者，星期六瞓，星期日瞓，星期一端午節瞓，今日終於醒番好多，似番個人，不過一起身就見到隻手好似起左ｄ疹，有ｄ痕，好驚呀！唔係果ｄ野番發呀∼

之前睇濕疹起因可能係皮膚唔夠保濕，壓力大，又可能係身子弱，身體的抗體反應過大，自己打自己，唔知我呢隻係咪咁，不過以前中醫話係蛋白質過盛，我都係自我保護下先，要戒口，要早瞓，要保濕，唔要番發。

最近我好容易就好忟，可能環境問題啦，好想搵個人傾下計，但都唔知傾咩好，我只係覺得個心鬱住鬱住咁，可能，我真係諗得太多，但其實，真係可以唔諗咩，船到橋頭真係自然直架咩，只係到時無得揀的時候，迫住將就。

同咪咪去睇專科，再去政府醫院，照完又照，睇report又睇，醫生話而家無野可以做到，再掃瞄啦，不過可能都照唔到ｄ咩，排期兩三個月（即係隻眼盲足兩三個月／如果係復發的話又拖多兩三個月），醫生話其實好快架勒，平時要等九個月，然後再睇番以前做手術個專科醫生，佢鬧住咁話你咁樣都係晒錢，諗住問佢咁情況係咪有機會復發，想去私家做唔駛等咁耐啦，佢話照晒你破產啦，咁你照唔照，果時我真係好興，但咪咪仲識笑，佢真係勁。

咪咪係我唔知情底下自行去睇醫生，跟住自行回家時仆親，比我知道後，每次佢出街我都擔心，盡量都會跟住出去，好彩我咁岩又辭左職可以自由咁跟出跟入，但我真係唔知屋企ｄ男性動物攪咩仍然好似好放心，有一日我聽到閂門聲，我即時開房門睇下，老豆就好安然咁坐係度睇馬，原來咪咪出左去買野，我即時問佢做咩唔跟埋一齊去，佢答我，係啦，佢自己要去，你去跟住佢啦。我真係比佢吹到啤啤聲！！

跟住佢地兩個出去食野，一個人番黎，我又問，你地唔係一齊食野架咩，佢話咪咪要食ｄ野佢都唔岩食，咪各有各食囉，我真係ｏ晒嘴。一個平時都輪輪盡盡，無啦啦都仆親的人，而家仲少左隻眼，咁都放心既？？一個咩都自己黎，一個咩都唔郁，同佢講你睇住咪咪啦，佢第二日就話病比我睇，好辛苦，個頭好唔舒暢，有病說不清果種心理病，大壓力嘛，望住隻牛真係無野好講，佢係一個無計劃的人辦，每樣都見步行步，有時連行步都懶，佢最叻的就係搵到咪咪，無論遇到咩事都一個人頂晒，每日都開開心心，就係想我做番個平常人，過番我本來的日子，每日都係賺一日，呢種平常心有時都好難得。

以前有人同我講，佢要死你唔比佢死咩，我覺得佢好無情，因為我係個會想極力阻止人死的人，我會覺得我有責任令佢唔好諗住死。不過而家心態改變了，真係有ｄ人點都要行條死路，盡過力就由得佢好了，每個人都有權選擇自己的路，我都無必要吃力不討好，應該平常心去面對。咪咪自己有事，對住三個煩人（當然包括我啦）都一樣咁平常，我都係對住兩個者，無理由唔得既。我要學識做人的最高境界　－　平常心！！！

如果無記錯，諗轉行應該係過年前後的事，由是但求其去考個試開始到而家都幾個月勒。由第一日考慮係咪應該轉行的時候，我向上帝禱告說，如果呢條係祢願意見到我行的路，請給我明示。

如是者，我好容易咁一次過PASS左兩個試，不過唔代表咁樣增加左我入行的決心，於是，我問左朋友們的意見，差不多打牌咁清一式係負面的，唔，好大的牌，牌面我輸晒添。

如是者，公司有人事上的調動(不過其實調唔調我之前都想走,只係無諗住要轉行)，而今次，提醒我重新再諗一諗，呢個算唔算神的明示呢。

然後，我開始聽多ｄ關於呢個行業的事，期間了解過唔同公司，期間繼續我的工作，我本身的課程，同埋關於呢個行業的考試，個人好亂，亦都好忙，到底點好呢，我無確實去聽到／收到神的指示，而事實上，我同神的關係．．．算得上疏離，然而，入呢行的目的郤很清淅．．．

係幾年前開始無番教會，其中一個原因，係我頂唔住裡面部份的所謂基督徒，當然，其實我無資格去講人地咩咩咩，因為我又有幾咁咩咩咩呢！！但我真係頂唔住，身心軟弱，近年開始，希望自己可以強一ｄ，我係希望透過呢個行業，做對人的工作，改變自己，可以的話將福音帶比人，試諗下，當同人講我做呢行的時候，同同人講耶穌的時候，某程度上要面對的野係咪好類似呢？！我就抱住識多ｄ野都無妨的心態，辭左職，心諗，就算做左一排，遲ｄ唔做呢行，我學到的野都對我將來做野都有幫助，因為一年保險三年人，學present，學見人，學知識，每一樣都有幫助，於是開始上training，

係training的期間，我仍然在考慮兩間公司，係當中聽多了，睇多了，了解到保險／理財策劃到底係一樣什麼東西，就唔似以前同一般人一樣抱有懷疑／掉以輕心，其實只要了解多ｄ，自己就知道咩係需要同唔需要，只不過自己唔會主動去了解到底要點，正如以前我都唔會睇下買左ｄ咩／唔識睇買左ｄ咩，以前唔知原來而家就開始理財／同遲幾年後至開始係有好大分別。但心底裡，我仲未有入行的決心，只係提及我轉呢行，朋友的反應就．．．而事實上，我有得揀，我對做番老本行的信心遠大於轉行。

當我再度猶豫，又有事情發生，咪咪突然話佢有一隻眼睇唔到野，初步睇左醫生話有可能係癌上左去（因為之前咪咪患過癌），如果係咁就大件事勒，我即時諗，如果買左保險就好，即時送佢去驗清驗楚，同埋如果我老早做理財策劃就好，唔駛好似而家咁要諗錢錢錢，不過不幸中之大幸係而家都唔駛等好耐（因為醫生都覺得大件事嘛），星期二就會去詳細ｄ再驗，呢樣係咪祢同我的明示呢，我真係深信保險及理財的重要架，最多我好努力咁做啦，咪咪老勒，唔好有事，唔好咁樣提醒我啦。

今天是我上Training的第三天，不過我還未正式簽約，在我的心目中，我還未當自己是個保險人，然而，我發覺在朋友的心目中，我已經是。

我找一個朋友，他開口的第一句話就是說：唔好搵我買保險，無朋友做架。然而我找他，只是因為我以往也會無聊地找他，没想到跟他說過可能做之後，他會這樣跟我說話。= ="

我找一個朋友，第一句就直接地問他星期六／日有没有時間呀？他郤反問我什麼事，硬要我先說才回答，然而以往的他不會這樣。當我說出那件事（其實是替他做點事，約時間）之後，他就像放下心頭大石地回答說：哦．．咁得閒呀，兩日都得。= ="

我跟一個朋友說著說著一些無聊事，他忽然說（係我心目中好無啦啦，因為我無諗過佢諗我諗既野）：我唔會比你做到我生意架。每日都不知多少人做過你生意啦白痴。= ="

我上完堂約了一個朋友食飯，他跟我說，如果你做呢行呢，你就唔應該咁咁咁／應該咁咁咁（例如我當日的衣著打扮）。我答：原來你已經當我係保險人，但我仲未當我自己係喎。當日的衣著只是要黎符合上堂的要求，給你的什麼也是（雖然有些作用我是知道的），竭而不捨地邀約晚飯，只是因為我很想見你，我真係好掛住你，跟我轉左行没關係，但很多謝你没有像上述的一樣把我看成別的，反而要我覺得我應該變得跟現在不同，我明白你所說的那些被我截停了的話，你未講的我都收到了。謝了。

我終於明白，原來如果我跟朋友說我轉做保險／理財這行業，我就會自動變色，給你們的有色眼鏡標籤了，到底我係你地眼中變左咩色呢．．．哈．．．我估係黑色，立即變黑又得，即時變黑又得．．．哈．．．著住件黑衣，變埋個黑心鬼，好似我講咩都搵你笨。講真，我係有心淡架，我當你地係朋友，係因為我當你地係朋友，無論我係唔係會成為一個保險／理財行業的一份子，我對你地的心意係一樣無變的。撫心自問，我無變得好似你地想像既咁，我入唔入呢行，我都認同保險同理財呢樣野係好既，幫到人既，以上的朋友，真心的，唔搵我都搵第二個你信得過既人傾傾，越早做定策劃係越好。他日後悔唔好怪我無同你提過啦，係你唔想我提咋，有此為証．．^^。

你是愛　你對我的愛從没改

没有因歲月改變　没有因我罪生厭

我呼喊你名字　你笑臉向著我

你一次又一次

你是愛　你對我的愛從没改

就算今我又失信　但你的信實不變

我呼喊你名字　你笑臉向著我

你一次又一次

有你愛我　讓我知道我是存在

有你愛我　讓我知道我重要

有你愛我　讓我知道我是人

被珍惜的一個　讓我知道你是愛

(宣明會助養兒童歌曲2008)

曲：嘉琳 & 蔡志豪
詞：林夕
編/監 :蔡德才@人山人海

 
從我投入你不相似的世間  
便不斷的  慨歎 
還曾弄濕  這雙眼
難明存活怎麼艱苦  似攀山

然後回望我非必要的襯衫 
換到甚麼   讚歎  
才明白你   縱使苦慣
微笑卻比起一加一   更簡單 

從此   喜悅是發覺
原始不等於不快樂
為著豐盛來自分享快樂
你與我都要學

能扶著你是最高的高興
原來完美大志   無須比拚
成就最大正是找到使命
散播暖意  造就笑聲
擴闊生命 
完全為掛念你   純真反應
能為你奉獻像溫馨約定
叫我的心境   如水清

鳴謝你令我心輕得  可遠飛
認清自己  佔有

早前忙著考試，直到10號後又完成了兩科，但史加早裡的日子還是没有什麼空檔的。

10/3  考試

11/3  試做激光

12/3  做facial

13/3  整機

14/3  整機

15/3  Joyce & Joan聚會 (最後取消)

16/3  做facial + 睇改造情人

17/3  整機

18/3  休息啦

19/3  同哥鈍傾野

20/3  屎單黎晚飯

21/3  受難節祟拜

22/3  在家休息

23/3  wink's frd bbq

24/3  整機

25/3  又上堂lu

26/3  做facial + aster飯聚

27/3  同樹鵬傾野

28/3  又上堂lu

29/3  帶肥去做facial + 上宏利 + 飯聚

30/3  大陸gel 甲 + 按摩

31/3  同比利飯聚

01/4  又上堂lu

02/4  整機

03/4  公司生日bbq

04/4  慶祝兒童節休息一天

05/4  考卷5

06/4  教會祟拜

07/4  學美容

08/4  又上堂lu

09/4  美菲+偉文飯聚

10/4  到屎單黎公司

11/4  又上堂lu

12/4  帶小草去減肥＋自己做facial+慶祝肥生日

13/4 休息

好快就要交Assignment + Test，要乖ｄ比多ｄ時間溫書ｌｕ。

產品提供的主要成份：
Squalance, Tocopherols, Hyaluronic Acid, Glycerin, Vitamin C, Bifidobaceria Extract, Hyrumine Hamamelis, B-Arutin

解構如下：（參考楊美儀-護膚74個成分一書)
squalance (無資料）

Vitamin E又稱為Tocopherol，屬油溶性的維他命E，使用低濃度已有效抗氧化，使用高濃度時則有保濕功效；1%以上更可減少皮膚水分流失，可減低防曬產品所引致乾燥現象及消炎退腫。但可致敏感。

Hyaluronic Acid（玻尿酸）屬於水溶性保濕劑，是很理想的保濕成分。有玻尿酸的產品，油質感很低，但具黏性，它有強力吸水特性，塗上皮膚不會被吸收，但能形成一層保護膜，令皮膚表面有大量水分，同時可防禦細菌感染，減低皮膚粗糙情況。

Glycerin（甘油）又可稱Glycerin或Propanetriol，是保濕產品的基本成分，有效鎖緊水分避免流失，大多數跟性質相若的多元醇混合以中和其黏性，但高濃度可導致粉刺增加。

Vitamin C 有抵抗自由基，鞏固皮膚組織，增加製造玻尿酸，消炎，抑制黒色素，將黑色素還原及製造骨膠原蛋白以保持彈性的功效，可改善老化，皮膚鬆弛，防止皺紋產生，淡化黑斑，減輕紫外線對皮膚之損害的功效，但極不穏定，容易氧化，失去效用。

Bifidobaceria Extract & Hyrumine Hamamelis (無資料)

Arutin（熊果素）美白原理和Hydroquinone（笨二酚）相近，能抑制酪胺酸酵素，因而減底黑色素的產生，是廣泛採用於美白產品的成分，但懼光，容易變質，過高濃度反而令黑色素增加。

個人用後感:
有效美白，用後黑斑有減淡跡象，質地清爽，就如玻尿酸的特質一樣有一層薄膜保護的，對此產品用後感不俗，但美容小姐的態度就極度的差，所以都係搵過有類似功效的產品用算啦，坊間美容產品多的是，這是我對美容業的壞份子無聲的抗議。

係我正式接到通知問我轉唔轉公司的同一日，Grace邀請我番教會，我揀左番受難節祟拜，第二朝，諗起要番祟拜竟然不明所以地有ｄ緊張，到今日掛住玩，真係有諗過不如唔去，最後都趕趕忙忙去左。

今日無緊張的心情，反而有ｄ唔習慣＋唔耐煩架，因為都係好多人，要係出面等分流入座，一直話裡面已經無位，但又比人等，跟住又放少少人，再等，又放少少人，呢個安排有點兒．．．

雖然上到去，心情都係好普通＋唔習慣，但唱歌唔夠五分鐘，我個人仲係有ｄ唔耐煩的時間，眼淚無啦啦就開始流，我諗起係永光番受難節祟拜的片段，個腦有好多問題，眼淚不住咁流，其實一開始自己個心已經叫佢停，無奈開左掣係要時間收番，而滿腦子的問題同答案仍然繼續，好自然，眼淚又跟住呢ｄ問題同答案繼續運作．．-_______-"，直到友人都忍唔住問：你無野吖嘛！（我都心都問緊自己同樣既問題，不過粗魯ｄ：你無野呀！！）我搖搖頭，眼淚還是繼續流。

今日係我第二次去錦光，仍然好明顯地覺得，那裡不是我投身的地方，但，我無勇氣／動力去我心目中的地方。

我的耶穌，你的犧牲，在各各他髑髏之地，捨下尊貴拋下榮華，在十架上，你的禱告：

" 父呀　赦免他們　他們不曉得　他們所作的

 你說　今天我要　與你一同在樂園

 看　你的母親　看　你的兒子

 我的神　我的神　為什麼離棄我　我渴了　成了"

我的耶穌，我的救贖，你曾為我白白犧牲，我的軟弱被你剛強，我把靈魂交在你手裡。