今日終於正式開工，其實都無咩要做，好得閒架，只係無左個software令我有ｄ頭痛，希望比我爭取到最後有番啦！快ｄ快ｄ快ｄ．．．

從來都無諗過可以係咁近屋企既地方番工，真係激正呀！不過就會悶ｄ啦，番工又係呢度，屋企又係呢度咁。

今日呢邊既同樹們都好好喎！唔知聽日果邊點既呢！

之前Training果陣ｄ同事就勁可愛勒，我真係自愧不如，要好好學習。佢地講野既速度係激快，每一秒都必定有字，一人一句完全無dead air，轉數之快勁過吳君如，個人認為佢地可以當DJ，快之餘內容都好好笑，又有個好單純既同事，同會面紅既上司，總括黎講係：好可愛啦。

雖然係果度做野都好開心，但點都唔及得"近"黎得令人興奮．．呵呵！而且無咩野做又無咩人，為所欲為呀！！！！

好近呀！！好興奮呀！！！！

岩岩睇完一公升的眼淚，呢ｄ病真係好折磨人！！一路睇一路想喊添．．．。

哈哈，今集覺得我好似劇裡面亞也個妹，我野蠻、粗魯、無句好野講．．．　．．．．。

今集佢爸爸同佢一家人講家姐既病時，妹妹話：突然之間講ｄ咁既野，都唔知比咩反應好。

爸爸同妹妹講：好簡單架咋．．．　．．．，只要攞番你藏在內心的善良氣質出黎就得架勒！

妹妹就答：藏在內心的善良氣質？！我邊有ｄ咁既野喎！

睇到呢度，我就更加覺得我同呢個妹妹好似，我邊有ｄ咁既野喎！

我只係一個妄想當天使既妖魔鬼怪，仲係越黎越想變天使既妖魔鬼怪，點樣至可以滅左我ｄ妖魔鬼怪氣呢？！

同老肥租左個地方種野，今日第一次去到果度，最後選擇學人地種菜，今日短短幾個鐘做左好多野呀！又上堂，又睇示範，跟住自己翻土啦，買野，落肥，播種，都算快，不過因為時間有限，場地要收工，就草草咁做晒，唔知下星期去到ｄ種子會點呢！

我連相都唔記得左影番幅添．．．。

走既時候發現隻手損左，番到屋企發現中指起水泡，噢，要拿起做人添。到底起左水泡係咪唔理佢，佢就會好既呢？？！！

雖然好似好辛苦，又攪到損晒，污糟晒咁，不過都幾好玩吖！唔知我呢個農夫最後會唔會失收呢．．．。

有好多人話我呢位女子做ｄ野好奇怪，我話呢種叫獨特，哈哈！係第二度搵唔到架啦！好珍貴架！．．

（大家唔好，有時做人都要讚下自己至得架嘛，我又痴痴地添．．）

***係度要多謝老肥先得，無你我就唔會覺得去耕田係一種快樂，真架！***

今天晚上，忍唔住同某某講清楚，估唔到講既過程我會狂喊，而家至覺得，原來我真係在乎，呢ｄ唔係遲鈍係咩呢？！講左好耐好耐，我都唔知佢明唔明，又或者我都唔知我到底明唔明，還是順其自然算數。

不過，最起碼個人舒服左，我都係鍾意坦坦白白，對大家都好。希望大家都可以開開心心，幸福快樂。

老了十歲

歌手：張敬軒 | 作曲：伍仲衡
填詞：林夕 | 編曲：

歌手：鄭融 | 作曲：張家誠
填詞：陳少琪 | 編曲：嚴勵行 / 鍾興民

從小老師也加倍認真 來教導我步過紅綠燈
右與左 必須清楚看真
那管一次做錯 也都可摧這生
何解我戀愛雙倍殘忍 從來是快樂過便不會僥倖
動作小 簡單偏偏最深
我怎可以做個 最優秀路上行人
※ 明明綠燈 轉眼變成紅燈
假使相當勇敢 怎可挽回自身
若要衝 損傷怎可以不留痕
來又去 要找的際遇未接近
△ 明明綠燈 轉眼變成紅燈
抬頭前望去 對面馬路如此吸引
逐秒等 心急總加倍的難行
難道我 要必先壯烈地犧牲 去換吻
如夜了 我衣衫太薄便歸家 靠路燈
誰想到走錯死裡逃生 才明白較沒有夢想更不幸
若誕生 不好好開過心
也不可以被愛 我不過是像泥塵
Repeat ※△△

明目張膽

曲：張佳添＠宇宙大爆炸
詞：黃偉文
編：青山大樂隊

等　終於到夜深
才能收集上次你　留在飯店那紙巾
夜更深　不敢送贈的吻
全憑我手中的偷拍照　營造著你那體溫

＊我　如果想一世人　和你過
　平時就要企後幾吋　去幻想　別要摸
　
＃若有　一天公開　明目張膽的愛
　我怕會讓你　太意外
　我的愛　只願　縮到最小　彷彿不存在
　就算　我最愛你　情願好好遮蓋
　化作了密碼　不公開
　我一向　都慣自言自語　沒別人愛
　難道你發覺我志在　就會肯滿足這期待
　如若我也有權愛　同樣我也有權不必被愛
　
揀　偏僻角落坐
完全袒露就怕我　全部被你看情楚
待你好　只不過是幫我
成為我愛演的一個我　其實未算太坎坷
　
Repeat＊＃

暗裡進行更自在　不相戀　誰會受害
但願盡情地種　誰說花　需要開
　
若我　一天公開　明目張膽的愛
我怕會讓你　太意外
我的愛　只願　縮到最小　彷彿不存在
就算　我最愛你　情願好好遮蓋
我怕揭露了　不精彩
拆穿了　總盼望誰在意　蜜月難再
如若你發覺有我在　就結束暗戀的時代
無謂去博你憐愛　明白叫你太煩的　不是愛

如若我也有權愛　同樣我也有權揀　怎樣愛

今晚去左睇地海傳說，我好眼瞓呀！係戲院都恰左兩秒，有ｄ畫面都有宮崎駿既神髓，不過好多都比較遜色，總括而言，又係一套十分說教的電影，係咪我呢排需要聽呢ｄ道理呢？！

故事係講人生大道理，死亡、失去係每個人需要面對既，生存就要面對死亡，有死亡所以要好好珍惜生命．．．

知道啦！！要面對失去，要面對死亡、要面對生命．．．　．．．就黎悶屎左。

我就黎悶屎，你就睇我多過睇戲咁．．．唉！又約下星期，我討厭呢種慣性，但係你出到生日呢個絶招，我諗起好耐以前我生日既時候想有個人陪我，我就問朋友仔，我應唔應該話佢知我生日呢！佢話緊係唔好啦！當時我唔明，今日我明勒，有ｄ被迫feel嘛，我以後都唔會提我生日，想為我慶祝既人，就算唔知佢都會問啦！朋友仔講得岩。

原來我真係好唔識人情世故，真係要好好學下，咁點好呢！我應該點做好呢．．．唉！

今日Ex生日，番緊工見到係喎，十號就打個ｓｍｓ比佢：豬佢生日快樂！

跟住佢覆番：謝了！

哈哈．．佢果然係"豬"。

今日新聞既頭條係有個科大生自殺，係網上新聞竟然睇到來自佢個Blog既節錄，雖然可能人地都係公開既，但係都叫做係私隠啦，咩左比人咁登晒出黎好似好唔尊重，我即時諗，我係咪應該有ｄ野唔好寫係度，其實一開始我都比較保留，但係保保下又變左咩都唔留咁滯，我係度諗，如果我自殺既話，你地呢ｄ知道我有個日記網既人千祈咪爆響口呀！唔咩都咩左既時候，大家心照算啦，我唔想我ｄ私事上大字報，公告天下呢。話時話，Touch wood先，到而家我都覺得我係會死於自殺，爭在幾時真係好睇唔開，不過就算我同十個人咁講，我估十個都唔信。