考完試番到屋企謝左咁，一直謝到第二日。

今日全日都係瞓，唔瞓都要攤係度，好辛苦呀！虛脫咁．．．心裡面想著未溫既書同未做既功課，無計，真係唔掂，唯有瞓。

因為禽晚好擔心＋唔知做咩咁＝瞓唔著，今日又要考試，所以晨早流流索性唔那係張床度典，起身攪呢攪路，跟住同亞媽飲早茶，飲完就大鑊，勁想嘔一直到考試都係咁。

本來諗住今日去開考試就做埋積存已久未做又要做既野一次過去整埋佢，首先下就去左做facial，順便可以抖下，跟住還書，跟住出灣仔，本來想攞番本護照，不過去到岩岩人地夠鐘收工，咁就去左攞禮物，跟住又想去配番眼鏡，我由兩隻眼變左而家四隻眼啦，其實眼既野我唔貪，兩隻就夠，不過我有ｄ迷路咁，都係下次先，就搵車上港大，驚我又盪失路，無咩時間睇多睇呀！

上到去有人拍戲，見到王力宏，原來王力宏真人好靚仔架！同上鏡比我既印象都唔同既，佢望住人果對眼真係發緊電咁架喎！成個鬼仔咁得呀！雖然我ｄ比佢電親，不過我都仲係好專心考試既。

亞sir今次無欺騙我，出得真係好淺，有兩條同ｄ練習幾乎一樣，但係白痴如我做左十次，睇左廿次都仲係會做錯，真係死蠢。我對住我應該識又明知有野錯果條題目，玩黎玩去玩左我一半考試時間都有呀！最後我終於知道，我係白痴到無加番ｄopening入去計，條數就梗係唔岩啦，但係我明明睇題目果時知道果ｄ係opening bal，我都唔明點解我可以唔放埋入去計咁失敗。

考完試好肚餓就諗起兩個人，打左比個傻女，佢唔得閒應酬我啦，跟住搵個傻佬，佢都係無咩點理我，唔知係咪好忙呢！

溫左咁耐都攞唔到丁既話，真係有ｄ對唔住自己，不過攞到既機會真係有ｄ微。

其實唔鬼記得呢日做過ｄ咩，不過因為24號考試，咁我應該都係溫書啦，我記得我有做晒所以練習，睇完一次又一次，溫完又溫，做完又做至去考試架！

今日諗起欠交的功課，諗起最起碼要係考試前交啦！

就"的"起心肝仔做，比預期中快手完成左一份咁多啦。因為其實係好耐之前已經諗得七七八八，做都做起一半，所以好快手就攪掂，但係仲有一份呢！連搵咩做例子都未諗到，好唔好淨係交住一份先呢！

然後又無聊地睇下人地寫ｄ日記，講佢為左做欠交既功課逃學比人捉到。

我就諗起我細個好少欠交，更加唔會因為做功課而逃學（最多都係為左瞓覺同食早餐者），會唔會有ｄ得不償失呢？！不過再諗諗下，其實大個左反而係咁啦，又唔見我諗下自己有幾咁豬喎！

唉，心情麻麻地，又想死咁款！又唔想瞓，又唔想做，又唔想溫，就隨手搵ｄ野睇，搵到本讀經日引，因為今日睇聖經睇到馬太福音最後兩章，就搵番對應既日引睇，真係合晒何車，睇完就好似將我ｄ屈悶解開左。雖然我心裡面經常都想好似猶大咁，尤幸既係，我仲有機會，我知道呢ｄ係逃避，不過逃避唔係解決既辦法，彼得為自己的罪痛悔，恩典就臨到他，我或者做唔到，但最起碼我可以唔做猶大。

本來為左做姊妹果時可以似番個女仔呢，我就打算著裙，咁前日得閒就想修飾下對豬腿啦！本來都好好地，就試晒成隻腳，點知真係人遲鈍，ｄ皮膚都遲鈍ｄ，禽日開始發現敏感．．，好痕好痕添，跟住今日發現隻手都有痕，呀！好那驚呀！唔係又黎料呀！我仲要溫書，仲要考試，仲要做姊妹架！唔好呢個時候玩我啦！Please............。

禽晚係我食完個宵夜，正想開始通頂溫書既時候，大寶都正想開始打機，我又唔想阻佢，係我既角度呢講，無理由要人就我唔比佢玩，除非真係好必要時啦，但係佢係度我又溫唔入腦，最後就同佢輪流打機直到天光，唔係．．．天光後一齊去左食早餐，番黎佢打到岩岩無耐之時呀！我都唔明佢做咩咁鬼好興致，我既進度又一再延遲添！

話咁快就十月二十日啦，距離考試既日子又近ｄ，好緊張添，因為我花左好多時間同一擔心機咁溫書，真係前所未有架！但係都唔係好識．．，如果照以往既試卷考試，我既唔識指數將會係100巴仙，不過咁，亞sir話今次係例外地直接，咁唔識指數應該可以減半，又不過咁，以往佢對住ｄ同學仔都話係好淺，叫大家唔駛擔心，但係總括同學仔考完對佢既評價都係：好想打鑊佢金！！

好緊張好緊張好緊張呀！我証實左一個心理學既講法，就係緊張／驚慌係唔會令到人有應該有既推動力架！就好似我而家咁，好緊張但係無溫書既意圖或企圖。我果一鼓作氣比病病打沉左添。

好辛苦呀！！！！

塊面無忽好肉啦，再係咁落去，真係想像唔到做姊妹果日會變成咩樣。

今晚迫住早ｄ瞓，唔知瞓醒係咪就會好呢？！

溫書大計順延一晚勒!

昨夜總算溫習好惱人的會計（註：溫習好的意思是：看完並自我感覺明白），其實還有很多習作可做，只是每次都總是有錯就還是算罷啦！還欠的就待考試當天才快馬加鞭，要知道我的記性一向都不怎好。

今夜再次番開營銷的課本，我著實没什麼營銷的腦筋，或者正確一點來說，自我意識常跟營銷概念抵觸，大多數人愛甲，我郤偏愛戍，証明我真的很獨特。

再翻開要考的部份，好些都是老生常談的，測驗都測過，只是我的腦袋没什麼擔帶，揭著那份真的由自己操刀的測驗卷，陌生感油然而生，每次測驗、做功課都寫得頭頭是道的，不消瞬間就給忘得一乾二淨，每次都如是，人物性格十分一貫，或許人怕生壞命，最怕改錯名是真的，我只有"丁丁"的記憶力。

事倍功半的元兇實在太多，我集合了天下之大成（確係威呀！）。不過，造物弄人的是：都可以孕育。所謂只要有（雄心），（豬頭）都執到金。

丁丁金句：天下無可能，無不可能。

***今朝早ｄ瞓先，歇息一下好上路。

繼媽媽數次手軟跌爛煲及煲蓋之後，今次輪到爸爸，原來呢間屋企ｄ人都係爆破王黎！（我專爆燈胆）

而家屋企淨番大多數都係無煲蓋既煲，留之無為，棄之可惜咁，下次買煲要買番ｄ打唔爛既至得！（包括個煲蓋）

就算打得爛，都要不碎玻璃呀！今暈個煲蓋真係碎到離晒譜，大既唔大得過半隻掌心，細既可以細過支鉛心！（一ｄ都無誇張到）

點解我咁都睇到呢！因為佢就插係我隻手同腳度，都好在，証明我ｄ神經系統仲係正常！（好好反應架，彈左一彈架！）

我今日都係通頂啦，本來好似無咩咁，但係執玻璃既時候就知其實唔係好掂當，隻手係咁震！