足足等左兩個月，今日終於等到個叫做有答案的答案，雖然唔係好消息，不過最起碼叫做可以開始醫勒掛，唔係再驗完一次又一次的等待（雖然仲係不斷要驗驗驗）。諗深一層的時候，有時人都真係好好笑，就算知道結果可能都係話比你知唔好，但人就係想知結果，就算好唔好，呢種係咪不安全感呢

自從去番屋企附近睇之後，我就無跟埋去，因為真係跟唔到，連帶去賴醫生果度都無跟住去，呢排有ｄ非人生活的日子真係唔係好知做緊咩，估唔到賴醫生竟然問起我，經過左兩個月佢都記得我地呢個小小的個案，唔通醫生真係有非常人一樣的記性既？

今日咪咪聽到賴醫生講既野都無乜野，仲好似好開心咁同我講：我中左勒．．．（你估而家中六合彩咩...-___-”)，不過感恩既係，應該算早發現，只係一諗起可能又要做什麼療程，心就．．。

新的一日，從新出發，我往那裡去才是呢？