又開始番風，就挑起條換季根，係屋企執番ｄ夏天衫換季，嘩，原來我有好多背心，粗略數過有五六十件，單係打底既就有廿件，計埋掉果ｄ好可能有成百件，仲未計果ｄ連身裙呀！吊帶裙呀！其中三份之一，甚至係一半都無著過，ｄ牌都未除既添．．。

執完我果ｄ又順手執埋人地果ｄ，如果我咁都有成百件背心，我估佢有成二百件Polo shirt，最勁既係全部都無開過既。一日最衰都係我！！簡直係捉蟲，叫佢比人又唔肯，阻住晒。

執左幾箱野出門口，但係個櫃都係完全無空位，間屋既空間感仍然一ｄ都無大度，次次執完都係無咩分別，真係吹到啤啤聲。唔通我真係要嫁出去果日至會得到一間好整齊，無咩雜物既屋？？更加恨嫁添．．。