今日約左嬏嬏，佢話要教我點整手指甲喎！跟住遲幾日幫佢做show時同ｄ客整。去到至發現其實係ｄ傻ｂ野，似乎佢地對我好無信心，咁簡單，我真係好咩！！不過後尾佢話另一個人學左好耐喎！下．．．唔係掛。

跟住發生左ｄ好橋既事，首先因為又去朗豪坊睇戲，我又係果度上上落落咁會合我的朋友仔啦，係佢等我，我又搵佢既時候，我見到維維，維維同紫爪行街街囉，唔係我盲中中既話，我地應該唔會遇上，真係橋。

Get Your Own! | View Slideshow

食完飯上朗豪坊，又盲中中咁上多左一層，都係因為咁，我至終於同左無鬚既龍貓合照。之後睇左套充滿情慾但係說教意味濃厚既戲，有好多場我根本唔認得尊尼個樣。都唔算會令人瞓覺，不過如果事先知道係咁既話，我係唔會有睇既意圖或企圖囉。

然後去左飲野，玩左ｄ只會係cafe好無聊既時候玩既野，証明我今日既運氣係OK好啦，十居其九靠估都得到好報。玩得都幾開心，有時都幾難得咁樣玩玩架，本來想早ｄ走，因為間舖頭十一點幾就得番我地一台客，但係想走果時老闆又叫我地坐多陣，唔係佢地無野做喎！咁我地又坐多陣啦，都係因為咁，我走果時又撞到人，我下意識咁望佢隻手，都下意識咁覺得佢望我同邊個一齊，不過最可能係果一剎那佢呆到根本唔知我係邊個，我真係有ｄ嬲，心都實埋，有ｄ被出賣既感覺，你做咩要衍我？！一早都同自己講算啦，只係無諗過會兜口兜面見到，朋友都無得做。（如果你睇到既話．．．．不過我諗你都唔會睇到。）

番到去某人又搵我，雖然我心知你唔係我杯茶，但係我真係想飛身撲埋你度啦！（哈哈哈，不過呢ｄ我一定唔會比你知架！）