好多時無開電話就會有朋友搵，無熄電話就會比ｄ無謂人煩。

今朝收到幾個，不過收完都係有ｄ．．．

首先係一句中秋節祝福，都開心既，不過我搵晒成個電話簿都唔知係邊個黎！唔通係打錯既？

另一個我知佢係邊個，不過個信息係無信息，咩都無send比我仲咩呢？（r-____-")

仲有一個仲衰，我好肯定呢個人無野唔會搵我，有野唔會益我，晨早打黎噓寒問暖一番，仲以為佢轉性，點知又係搵我幫佢！雖然只係舉手之勞，但係今次我學乖左，啋佢都傻之餘仲好客氣咁同番佢噓寒問暖一番，十分違反我一向既真性情，開始覺得有時都真係要世故一ｄ，起碼佢聽得開心舒服啦。

如果係我朋友既話，我第一句就話佢啦，不過點到會幫手，但係有ｄ人真係無必要幫佢，你做老馮，我做老陳囉，就算舉手之勞都唔會幫，呢ｄ就係朋友同唔係朋友既分別。可惜既係，係我朋友既都會想我世故ｄ，真話有時又真係幾唔好聽既，不過係我既立場，朋友無計架嘛，既然無計又何妨真心一ｄ。

我的朋友仔們，中秋節怏樂呀！（呢句好真心既．．）