今日如常地番工番學，越學就越覺得死啦！

去到巴士站的時候，發現撘了個戲棚做大戲，八卦的我就走去望望，我真係咁大個女都未去過呢種戲棚睇大戲！感覺有點恐怖，首先氣氛冷清，雖然有好多公公婆婆坐係度睇戲，但係佢地好似無相關的，或者有ｄ係太專心啦！

係我經過的時候，佢地有的同時向我報以奇異的眼神，即係恐怖片果隻無啦啦一群人同時將個頭慢慢地、目無表情地移動到望住你果隻樣，我都知，無奶油一個我咁既年紀既人有興趣入去睇大戲既．．．，於是我都只係叫做行左一個圈，望左一望，就走勒。原來戲棚入面除左有人做大戲之外，仲有一ｄ棚係比人燒香呀，唔知做咩咁既，不過奇怪既係，這邊廂在做大戲，那邊廂在吹ｄ打，根本就唔知佢唱乜同播乜，我真係停左兩秒聽佢唱，只係知佢應該係唱緊國語啦，因為有字幕，但係內容就一ｄ都聽唔到！

企左兩秒都開始心寒，因為唔知做咩ｄ公公當我怪物望住晒咁，車又開勒，即閃。