岩岩睇完個電視節目講試管嬰兒，生BB真係慘，又一次証明男女有別，十分之唔公平！男人既生仔黃金期同女人簡直係天淵之別。廿五歲有BB既機會係50%，三十歲就係40%，四十歲呢，得番20%，以而家一般人結婚都廿到尾三十黎計算：第一就遲婚啦！第二就係結左婚都無咁快打算生住啦！第三就係諗住生都會試一兩年至會諗睇醫生啦！根據以上既普通情況，最後搵醫生幫手既時候，黃金期已所剩無幾勒，醫生話即係一般得五年時間生仔，如果係四十歲以後，醫生都愛莫能助。

原來要試管BB成功係母體生長係好辛苦架！要做手術但又唔代表一定成功，片中既女子就試左六次，仲要第十日就嘔到入院瞓床，嘔左都唔代表成功架喎！生仔已經夠辛苦，仲要經歷好辛苦至有到仔既階段，我忍唔同乘機同媽媽講：好難得有到仔架你又唔珍惜，點知佢見到電視上個女人好慘咁就忍唔住乘機講：咁辛苦就唔好生啦。= ="

我覺得係呢個範疇上，做女人好慘，我係咪應該賴夏娃呢？？

同埋諗起兩個人，一個係林青霞，點解佢會生極都有既？一個係而家廿幾歲，唔想話比人知佢已經有個成十歲大既女既朋友仔，老實講我都不知幾想，如果我個女而家十歲，一齊去玩都得呀！仲無代溝添，真係幾好。