今日真係好攰，朝早紅住眼咁起身，夾硬戴上副con，但係搭車都係眼光光，番到公司開始無咩野，好無聊，到下晏就開始黎料，有種虛脫的感覺，就好似之前通頂咁！但係我仲要番學喎．．唉！

提早番去恰恰，比人認錯我唔知係邊個，好尷尬咁擰轉面當無聽到，又恰多陣！好在個亞sir夠攪笑，仲撑得住，但係放學就不得了，膊頭勁痛，但係坐車時都係瞓唔著，好茶辛苦．． ，仲想嘔添，最近個肚都係唔知攪咩。

勁攰，但係番到屋企都係要磨兩三個鐘至可以瞓．．唔明！

勁燥，夜媽媽開住隻蕉竟然有ｄ人叫我，問我點解唔瞓時，我真係好想答：你又唔死去瞓！唔係因為想鬧人，只係燥既時候既助語詞掛！不過都係唔敢，唔熟真係可能以為我鬧人呢！最後都客客氣氣地多謝前，唔駛客氣後．．唉！

今晚真係想柴米油鹽都出齊！