放學既時候，途經中央附近，熙來攘往的街道上，有個神高神大，操小小唔純正廣東話既男子問我借錢，第一個愕然．．咁多人唔問，問我既．． 。

先生神態自若地說：小姐，我岩岩打完波唔見左銀包，你可唔可以借ｄ散銀搭車呀！

疑點１：唔見銀包唔見得你咁鎮定既？完全無唔見野既憤怒／驚慌喎

疑點２：堂堂一個大男人問人攞錢一ｄ都唔尷尬，好明顯唔係第一次！

疑點３：岩岩打完波（樓下係網球場）都應該有parter啦，點解唔打個電話比友人，問識既借好過問唔識架啦．．

小姐莫名奇妙地答：我真係無散銀喎。

先生似是暗笑著說：咁唔緊要既，大ｄ面額都得既．．．（佢真係忍唔住笑．．有咩咁好笑！ ）

小姐更覺可疑地心諗：我夠知啦啦．．你唔好叫我比張一千蚊你唔駛找！ 明昆我！

基於疑點歸於原告，法官大人，呢宗好明顯係行騙既行為，因為除左以上疑點外，佢由始至終都無講話會還＄。我應該帶佢去差館，就算佢唔係行騙，唔見銀包都應該要報警喎（如果銀包有放埋身份証／信用卡），下次記住有人咁同我講既時候要問番佢野至得！扼人都唔識扼，仲要搵個窮人．．哼！

ｐ.s.　岩岩讀法律就有番Ｄ法律野遇到下咁，好似每科讀緊既時候都會遇到Ｄ可以用既CONCEPT，管理都真係幾實用，即時覺得好似番學番得抵左．．