咁岩，我又攪呢攪路攪遲左出門口；

咁岩，門口部升降機壞左；

咁岩，去到車站見到想搭架車開走左；

咁岩，另一架無諗住搭既車正在上客；

咁岩，上左去就發現唔記得帶銀包；

咁岩，屋企有人，打算叫人幫幫我．．．講左一大輪最後既答案係"你番黎攞呀？"

咁岩，講得黎都差唔多到屋企，攞完走人。

咁岩，就近既升降機上左37樓；

咁岩，樓下部升降機上左36樓；

咁岩，再落樓下就係正果層樓；

咁岩，落到車站又見住想搭架車開走左；

咁岩，唔諗住搭果架車又開；

咁岩，大顆兒食完一餐晚飯；

咁岩，有人車番屋企；

咁岩，升降機已經整番好；

咁岩，佢係我到既時候之前剛好關上門，直上到廿幾三十樓．．．

P.S. 今晚係小學同學"週年"聚餐，係度講結婚，諗落都真係幾煩！從大家既說話當中，睇得出成熟同不成熟之別(基本上樣貌大家都好ok..呵呵)，我諗我係唔成熟果種，但係，都幾想變得世故點，唔知呢ｄ有無course可以讀下架呢！