好似由二十歲開始，我就保持住一個恨嫁既心情，好想快ｄ嫁呀嫁個有錢人呀！不過，又未必想拍拖，奇奇怪怪的。

但今日，好耐無見的蕭公子係facebook放左佢ｄ結婚相，睇完一大輪，發現，原來不知不覺間，我已經唔恨嫁，無左想結婚呢回事，人既感覺真係難以觸摸。

其實有咩好過而家，做個受保護的動物，哈哈，甚至不動物。以前會想照顧老公，為佢做這做那果ｄ思想，諗起都打冷震添。嫁好，唔嫁好，拍拖好，唔拍拖都好，只要係活在當下，自己感覺良好．．．就係好啦。