一日的中午，因為睇書展睇到過晒時，於是乎，就走去麥當當買個餐食算數，點知比我見到開心樂園餐送邪留丸喎！兩隻眼仔即係發光，口中只係識得講:一個開心樂園餐吖，唔該！然後我就得到左邪留丸。

返到公司急不及待咁刪黎睇啦，原來擰佢個頭，就有兩款唔同既樣，同埋可以印兩個印章，仲有聲出添，好得意呀！即刻同個同事係度玩，歌莉亞就話勒，你黎你唔黎，你黎你唔黎吖嘛，我個仔換左啦！我同美菲ｒ晒頭，咩呀？原來有賣廣告，我地都唔知添！

計我話應該講：擰甩你個頭，擰唔甩你個頭，我擰甩你個頭．．．哈哈哈．．．真係好好玩！之但係後尾睇番麥當當個網，原來已經開始換左好耐勒！我鍾意既邪留丸熊之助、蟠桃丸同三隻小妖都應該換晒勒。

邪留丸係我鍾意睇既卡通片之一，真係估唔到麥當當整得佢咁得意，完全將佢既傻勁表露無遺呀！

唔知第時會唔會有新丁份呢！