呢幾日都無發夢，本來係件好事，但無夢只係因為整晚不停醒就唔係幾好！以後都唔夠胆要求唔發夢勒！痛醒就知有者，估唔到痕都會痕醒，不停搵方法令自己唔好痕，但我個豬腦諗到既相信都無咩好方法，經過多日既交戰，手上既皮膚已經死既死，傷既傷，可幸既係．．都只係手手腳腳者！

睇聖經既時候經常會講到ｄ痲瘋病人，講佢\地如何被醫治等，而家再想就有點真係感受到佢\地既苦況，全身的痲瘋，相信是又痕又痛，徹夜難眠，加上被人唾棄，過街老鼠般，没有可以被醫治的盼望(當年可以說是没藥醫的)，日覆一日，身心既傷真係難以言喻。

我而家相對地小事，但食完藥都係無咩進展，仲有小小惡化既時候，心都有點傷，望住自己雙手，連自己都嫌棄，仲唔知幾時至真係好得番，真係想喊，更何況佢\地呢！果時話耶穌既醫治除左醫外在既病，還醫治心裡的病，而家有點感受到，假如長期都嫌棄自己的話，就算醫到身體，心裡的病不好都是徒然，耶穌真好。

我要忍耐，忍耐！