呢排個人都好攰好攰，瞓極都唔夠瞓咁，一攤係度就可以瞓著，只係放假的目的唔係瞓覺，努力wake up都將近黃昏，屋企又開始變得嘈吵！

唔知由幾時開始，間房永不寧日一樣，只要有人係屋企既日子，間房一定有人，只要我離開電腦既坐位，即時會有人補上，好煩！日日都要打機，次次想做野都要等，等玩埋呢舖先，一等，我就想瞓，瞓左，佢又會繼續打，然後醒番又要等玩埋呢舖先，想點，打機係咪真係咁重要呢？發脾氣又好似好過份咁，唔發脾氣就日日都係咁，就算唔用電腦，我都好想有個私人空間做下野，唉！

如果我從來都無教過你地打機，你話幾好呢！